2006 年 4 月 29 日 星期六  |
| commerce倒數第4日~ |
尋晚都唔知做乜事,諗住早D訓,今朝早D起身開始捶死commerce啦,點知1點3撻落床,訓來訓去都訓唔到!!直到3點3我仲眼光光咁....真係想死!!!!明明feel到對眼係好累好累,但係轉來轉去都係訓唔著=.="分明個天唔想我咁快溫書......係咪玩野先......搞到今朝極度唔願起身,宏志9點半打來叫醒我去自修室溫書我都頂唔順,較鬧鐘訓多半個鐘,10點先起身換衫,對唔住呀.......其實我落去淘大既主要目的係買返個ear-phone,其次先係拎返D econ past-paper^^"點知上到去3樓個間野竟然未開!!!!十千萬億個失望+唔開心!!好彩後來係OK隔離間kodak到買到~開頭入到去見到個個ear-phone都$49,貴到嘔,又冇我想要個隻款,我想要條線係長D個隻,後尾要問人,點知原來係我發雞盳睇唔到=.=仲特價賣$28大元tim~真係開心~不過就冇speaker既,冇所謂啦,橫掂要來都冇用~條線有5m咁長~完全係可以係屋企通屋走都得^^哈哈哈~~~~
返家個陣先買個包來食,一路行一聽到自己個肚係到打鼓囉係~食完諗住開書,拎左本proofread出來做左3篇,咁就一粒鐘啦~跟住就無啦啦走左去聽收音機^^聽聽下又過左9個字啦^^跟住食lunch個陣諗住轉開老豆個VCD機來聽,點知聽左唔夠10分鐘就"boom"一聲,之後就無晒聲啦!!好明顯係燒左=.="加上見到條線好似斷左=.="開心到飛起~竟然整壞左老豆部CD機~都唔明部野係咪真係咁cheap,聽收音機都可以整到燒左,呀妹仲要話"拿~我冇搞過咖~唔關我事"(雖然係我都會咁講)呀媽又話"你衰啦,整壞老豆部機"....................................o爆咀=o="後尾放棄研究點整返好部野,決定有得佢算^^食完lunch本來打算正式開始溫commerce,但係完全集中唔到精神,因為個心都未返來,溫TT個陣個鬥心又唔見左啦!!!搞到不斷同呀妹吹水同埋嘈住佢地做功課^^~哈哈~~~對唔住>.<好彩頭先老豆返來話俾佢聽部CD機壞左佢無鬧je~真好~~多謝老豆^^
最後都係溫左bk1既第1課就去左訓覺~因為太眼訓啦,唔訓對唔住自己~頭先呀妹叫我起身既時候真係想連飯都唔食,訓返餐飽......奈何唔得......今晚一定要繼續捶commerce!!我要又要拎A!!雖然剩返3日,希望我D鬥心會快D返來啦!!
P.S各位同學努力啦!!大家一齊拎A俾吳sir同余余睇!!!
|
2006 年 4 月 28 日 星期五  |
| 仲未掂commerce...... |
今朝雖然有電話來叫我起身,但好不幸地我轉過頭又再訓過...(我都唔想的=])之後知道原來今朝掛左黃色警告,所唔去自修室lu~唔怪得之我會諗都唔諗又返上床再訓過啦=]=]=]=]真係開心死~~10點半起身整埋張吹勢表,估唔到要整咁耐,睇到我眼都花埋,搞左成朝同半個下午終於搞掂啦!!!好開心~~所以3點幾先食lunch,仲要係食杯麵,真慘...
人地諗住食完個杯麵抖陣就開始溫書咖嘛,點知撻左係張床到聽聽下收音機訓著左!!!!天呀...做乜無人叫醒我咖!!一訓就訓左兩粒鐘,成6點半先起身,咁就冇左個下午,唉.......好唔開心tim>.<
我今晚一定要溫commerce!!!講左咁耐都未開始,真係好對唔住自己!!!仲有4日ja!!!搞到同TT一樣tim=.=
 |
| 2006 年 4 月 27 日 星期四 |
| 仲未開始溫commerce=.= |
今日又較左4個鬧鐘諗住9點鐘起身溫書,但係.........唉~算把啦......最後都係10點半先起身T.T"之後係到狂做chiba借俾我個本Kelvin Ko MCQ,開頭做得都唔錯,都ok識下,不過做到後面就唔知佢up乜啦,將D at market price同at factor cost搞到亂晒,做到9唔撘8咁,完全亂來!!咁就做MCQ做左成個下午啦=.="都仲未開始溫commerce,而家剩返唔夠一個禮拜就考啦!!點算好呢???人地諗住呢科拎B咖嘛~
頭先諗住拎本書出來溫啦,點知完全無從入手,都唔知邊D重要邊D廢,又唔知邊D出過邊D hit,如果溫左D10年都唔出一次既咪好白痴=.=所以就決定走整個吹勢表出來,順便可以tip題^^加上余余上堂個時又tip左少少話今天可能會出,咁我就可以有target咁溫lu~~好野~~~~頭先上完Kelvin Ko個網對答案,岩得64/100=.="唉...
而家最驚就係中文同econ,中文就係驚溫唔晒(呢個一定),econ就驚fail...
P.S.今日無溫過eng & maths tim......=.="
 |
| 2006 年 4 月 26 日 星期三 |
| 返左sch溫econ~ |
尋晚chiba打來問我今日返唔返學校溫econ,本來諗住今日開始溫commerce既,不過橫掂我econ都唔係好掂,返去一齊研究下都好既~所以就應承左啦^^9點鐘到返到去,已經見到肥成到左,之後吳師奶,呀布同埋呀邊個邊個(唔知佢叫乜)都來埋,原來chiba叫左咁多人,好驚=.=不過溫落都唔錯喎,吳師奶econ好鬼勁,問佢題題都識答,如來佢econ諗住拎B...好有大志呀!!我都係諗住拎D ja=.="佢PA仲話要C tim!!(佢自修PA),俾余余教左2年,我都係諗住拎C,佢自修都話要拎C,我係咪應該自卑下呢咁......佢maths又話要拎B...佢好似真係好勁咁喎...搞到我有D餚底tim!!人地set到D目標咁高,我係咪應該都要set高D呢???但係希望越大失望越大喎...點算好呢???今日肥成好慘~不斷俾我地串~就連高sir都走來串佢~好好笑~~~~~哈哈哈~~
今日做左econ93年份MC,我竟然有3字頭啦!!36/59俾之前好左喎~但係我都冇掂econ好耐下啦喎,之前溫左去做次次都得2字頭,今次唔溫竟然有3字頭,O晒咀=o="不過講真,以前D卷好似簡單D咁,之後個D就越來越深,出咁深把鬼咩>.<"人地都唔識做!!跟住開始睇下D LQs ans,俾我想象中易喎,我之前咁低分係因為我捉唔到佢其實要我答D乜,所以見到條題目都唔識做,但係今日睇完之後好似好好多喎~開始知道要答咩啦~~~~好開心呀^^突然間好有衝動想去溫econ,而家又覺得如果我keep住溫既話,有機會拎C喎!!!可能係今日同佢地一齊溫完書既關系啦,而家搞到我好有心機同埋好想去溫書tim!!不過好多野要溫,溫得呢樣溫唔到個樣,真係唔夠時間用啦而家!!
而家計落如果入得返觀中升form6都唔錯喎~吳sir教econ,miss潘or余余教PA,冰冰or miss lee教eng,miss wu or 林少萍教中文,唔係小黃教maths,睇落都好似唔錯咁喎,如果唔夠分去莊啟程既話,都留得過喎真係,不過如果考唔到都好啦,我諗我都係唔會走去讀IVY,最多搵過第間咖je~T.T"
P.S.Chiba大家一齊努力考好佢去搏莊啟程呀!!
(順便一提,今日返去問左汪汪睇英文個總分,我得個130.1,比上年差左呀!!!Oral得25/36ja!!!好唔開心!!)
w-inds的最新single - TRAIL!! |
| 2006 年 4 月 25 日 星期二 |
| 仲未開始溫commerce~ |
今日又訓到日上三干先捨得起身~之後做maths,睇返arithmetic sequence個課,因為呢課冇咩聽書,完全唔識,而且小黃教得咁好,更加唔使指意識^^~~,跟住就做eng proof read,仲以為本野鬼死咁簡單啦,點知比想象中難=.="睇少左佢tim!!一次過做左6篇,錯到想死,睇返D ans發覺自己錯得好白痴,可能係好耐冇做過既關系啦(藉口)~最多都係得9/15,仲難過份mock卷,mock卷我都係錯一題咁大把,點知做呢本野......我要做晒呢本野先去考!!!仲有之前留起左個D英語街,諗住入面有proof read & open close做啦,點知難到痴孖筋=.="篇篇野都唔知佢up乜...D字又難到飛起,唔通我D英文差左???份份十幾題都係先岩得個2大題!!真係開心到死~做到完全冇晒mood+自卑>.<我英文要C咖嘛!!點可以咁咖!!
而家好鬼眼花,頭先同人玩msn D game玩左成2粒幾鐘,而家頭都暈埋,本來人地今晚打算去tip commerce咖嘛~點知D時間咁就冇左......聽日要努力溫書先~~~不過係溫econ^^
 |
|
|
|
|
| |
