放工番屋企換衫之後又要去上堂喇,好唔想番呀真係,因為好累好累呀,搭火車果陣都訓著0左呀,唉.....成五點先去到呀,今堂冇咩出過聲,因為好累冇心機唔想出聲同唔敢開口講呀,so我同一個男仔坐係道聽前面果兩個係咁同miss傾計,終於都挨到六點半放喇,就搭地鐵出旺角買0左少少野

之後再去上水番教會,有得番教好會好開心呀,番到去見到幾個新朋友,我隔離果個fino佢都係新朋友,都有同佢傾計,幾好傾丫,之後就祈禱唱歌喇,有個男人話佢自己叫"巴治澳"喎,政哥就成日講佢個名,搞到我地成班人係咁笑,之後就問有邊個會洗禮,原來都有成十幾個人洗,今晚大家都祈禱0左好多野,又祝福0左好多人祈禱完之後就各自分組食聖餐lu,阿邊個個女好得意呀,後尾佢阿哥又入0左黎,佢地食薯片食得好骯髒呀,就幫佢地抹,不過我好中意d小朋友呀,個個都好得意又可愛喎,我好想照顧佢地呀最後Alice為我洗禮果日能夠去到而幫我祈禱,我都要祈禱果日能夠同人調到假喇,之後就同gina坐cathy車去火車站,之後咁岩政哥又車阿華黎,咁就同華一齊番去喇,番到去差唔多十二點喇,洗埋個頭先訓,好眼訓呀

p.s 希望洗禮果日我會去到喇,洗完之後要重新造人,忘記唔開心0既野,要搵到令自己快樂0既野/人,人唔係為0左邊個而生存,係為自己而生存架,so洗完後我要更加信主先岩,有0左主就唔會成日都唔開心,其他問題唔想再去諗,唔想再去煩喇,快樂同開心係自己搵架,希望日後我會更加積極面對所有事情喇!!!!我以後一定一定會成日番教會架,仲可以光明正大咁番,番到去就好開心架喇

心惰指數：6.8