今日訓得特別舒服,因為落雨涼涼地好訓D麻,呵呵...訓到十二點起身lu,爸爸都唔駛番工,起0左身就入房開腦先,傾0左陣msn,到一點幾就拆藥再食少少野咁喇,食完再番房傾msn,到三點幾媽就番黎喇,爸話唔想去架,弟一係因為依家落緊雨喇,弟二係因為佢話呢半個月洗0左太多$喇,而且日日去到又係幫我用按摩膏搽完再"膚"番藥,之後又要飲果柸藥,淨係果柸藥都要五十蚊呀,好幎囉,so話日日都要二百幾,再去多幾次冇$喇,唉...............鬼叫我整到隻腳咁咩,我都唔想架麻

不過最後我地都去0左,唔去唔得,因為北區寫病假俾我寫到二十四號咋,要跌打醫生開過一張呀!!!唉......落雨真係好煩呀,一路去緊果陣一路落,行到去紅橋避0左陣雨,果陣落得好大呀><冇耐又細0左喇喎,於是就好快咁推過去喇,4點去到,等0左半粒中到我lu,今日又要飲藥喇><走時叫佢寫0左張假紙,佢寫0左三日咋(我都冇咁快好番喇),不過佢話到時再寫過喎,咁我地就走喇,總以為唔會落雨架添,點之去到金鋪時落狗屎喎,勁大呀,shit!!!好在果陣有得避雨0者,如果唔係都唔知點走呀,跟住爸爸就問我食唔食M記喇,我話唔駛,咁佢就走0左入去買0左兩個漢堡飽同一個至尊漢堡(佢聽到我話想食麻),再等細D雨媽就拎傘出黎俾我地就番去LU,番到去爸就拎飽俾我食,媽係咁問我係咪牛肉黎,驚我食0左之後隻腳會好痛呀,我果個係喎,咁爸爸就將佢果塊同我換喇,食完後好滯呀,可能因為我消化系統慢0左喇,日日係坐係度,佢地叫我食飯我都話好飽呀,到差唔多九點先出去食0左d粥同雞脾~~~~~~~~~

食完飯就入房繼續msn,同0左好多人傾呀,想打日記都打唔到lu,玩到十一點幾俾家姐玩,我就出應聽radio,佢又打黎喇,同佢傾0左一個中後收線,聽埋啤梨訓^^