今日家姐請0左假冇番工,仲叫0左阿明黎添,我同爸訓到差唔多九點起0左身,之後家姐就打去大埔 ( 梁華 個仔)呢間睇下開幾點,點知冇人聽喎,咁爸爸就話直接去太子 (佢老豆果間 ),等到十點幾阿明黎0左之後,佢地就扶我上輛椅,仲搵個公仔俾我墊高隻腳添,驚隻腳掂到地會好痛><我地搭火車去,一入火車好凍呀,岩岩又企正中間喎,之間叫阿明係咁send歌俾我,,send 0左幾首就到旺角lu,車程都好快丫,落0左車之後家姐就叫0左個係商場做0既女仔黎,開0左個專俾輛椅落0既野(唔知叫咩)俾我坐落去,阿明仲幫我用手機拍埋添,嘻嘻^^用0左幾分中先落到去,諗住搭(車立)落地下架麻部落車立)唔郁喎,於是阿明話去下面禁番部(車立)上黎,爸爸就好心急咁話捎我行樓梯落去,梗係唔得喇,我又唔係細個,捎我落去連你自己都跌親,整到條腰骨點算喎><

家姐就打俾商場0既人叫佢地黎幫我地,佢地又叫家姐留名同電話,等0左陣都未有人黎,原來整(車立)0既人一直都企係我地隔離喎,呵,咁我地都唔知喎,直到佢地去整部(車立)先知,幾分中後,佢地整郁0左喇,我地就搭落去,行到過去都十二點幾喇,好在阿明係道咋,佢又知果條街係邊,如果唔係,得家姐同爸爸0既話有排先去到呀,去到坐0左陣,終於到我喇,俾0左張X光片佢睇,佢就話移骨呢D野好小事架咋,如果入醫院就大獲喇,又打石膏.上羅絲,到時佢地都唔敢郁呀,仲話第一次睇會好貴添,咁佢就同佢個仔一齊將我隻腳條骨拗番正,佢話會好好好痛搞到我有D眼濕濕,好緊張呀,黠知唔係超痛係有少少痛咋喎,拗完俾佢睇多陣就"膚"藥喇,仲沖0左柸藥俾我飲,叫我晏就4點幾再番大埔(佢個仔開果間),埋單時老豆同家姐唔夠,阿明就拎0左銀包出黎夾埋一齊俾,第一次睇要千五蚊呀.......勁貴囉!!!!埋完單走人LU............明同我地一齊番大埔,咁我地就去搭火車喇,係火車度繼續叫明SEND歌俾我,爸就同我講我細個0既野,到太和後就去0左大家樂食,果陣我好想食粥呀,咁家姐同明就過0左津津買番黎俾我食,我見到佢地食我都想食呀,不過要戎口><

食完番屋企再SEND歌,家姐就話要去番工,佢地係房整部腦,我太累就訓著0左LU,佢地幾時走都唔知添,訓到4點半媽番黎叫我起身,又要去睇喇,好眼訓唔想去呀媽話番黎先再訓過,就同爸推我去喇,一直都係好累好累咁0既樣,睇完番黎六點幾媽就煮飯喇,~~~~~~

P.S 搞成咁,成個月都冇得去玩,冇得靚喇,日日咁食仲會肥添,快D好番喇,好想做野唔想日日係屋企呀......