當你呀媽同你講佢捱得好辛苦 辛苦到每日都食幾十粒安眠藥先訓到 一訓就唔想再起身 你會有咩感受? 其實佢只係想一家和睦唔好嗌交個個身體健康就已經足夠 佢唔係奢望你可以陪佢或者養佢 佢只係想我地可以開開心心咁成長 唔理自己捱得有幾辛苦幾大壓力 佢都會捱落去 自我生性以黎 我既目的都係得一個 我要讀好啲書 第時可以令我呀媽安享晚年 帶佢周圍去玩 但每一日聽到佢係咁講佢辛苦到想死 見到佢身體愈黎愈差 我就好驚我既目的達成唔到 好驚佢好快就會離開我 見到佢既辛勞但我無能為力 我咩都做唔到 我知道佢唯一放唔低既就係我地呢三個女 將佢一生比左我地 每一日都好擔心每一日都好想可以大個 呢個女人捱左十幾年 我好心痛 我會諗當初我冇出世佢會唔會可以輕鬆啲呢? 人要知足 我今生有呢個呀媽我一生無憾 我愛你

每個人都有自己既難處同埋唔想比人知既野 人愈大可以講出口既野愈少 布一部份係因為唔想講但亦有一部份係唔講得 細細個就比大人教我地要尊重人所以唔好講啲傷害人既說話對住長輩更加唔可以  但咁樣係咪叫真正既尊重定係奉承? 明明你做既野係唔岩 點解我唔可以指證你 反以要對住你笑到四萬咁口 明明係你冇啦啦係道鬧我 我都要笑笑口咁去回應你 不知不覺間我地已經將原本既自己 同埋感受收埋左 比人睇既只係一個自己去塑造既人 盡量處事圓滑 做事完美 唔去得罪人 但我地又可以點? 依家呢個世界既人個個都係咁 虛偽只係用黎保護自己 大家都覺得理所當然 要人改就好似要改朝換代一樣咁艱難

真係好耐冇用過呢個qooza 差啲密碼都唔記得左 撞下撞下先入得返 唔知點解突然想打返日記 記得我第一次打日記既時間係因為我隻狗死左好唔開心又唔想比人知所以申請左呢個account 冇人覺得我係一啲咁感性既人 加上個樣同埋平時既言行舉指唔係好match所以收收埋埋自己打當發洩下 依家我又打返 係想將我諗既野寫出黎 當然係有啲事發生左 今次係貓 由細到大都冇過養貓既我竟然比我遇到佢 本來以為佢會同另一隻狗wewe打交 但點不知冇 佢兩個仲好friend 呢隻貓唔中意痴人 見到人都唔睬但好痴我 日日同我訓 每朝都叫我起身 仲好似我咁成日流鼻血 但因為我既疏忽 佢走失左 我不停咁喊不停咁搵 但聽到啲人話有貓死左 仲話係同我隻貓好似樣 我真係崩潰 佢一直都冇返黎加上聽到個個消息 我諗佢已經唔上左天堂 朋友安慰我叫我唔好再喊 再喊都補救唔到 但每當我返佢比狗追 有家回不得 得佢自己一個 我冇辦法可以唔去怪我自己 我好想同我既朋友講其實我真係好自責好唔開心 但佢地唔會明只係叫我唔好諗過左去 我知道佢地唔會明因為味經歷過 所以我回復正常當咩事都冇發生過 習慣真係好恐怖 冇左佢成間屋好似靜左 wewe每次落街都好似想搵meimei返黎 點可以一時三刻話冇野就冇野 都過左半個月 我都係會諗起佢 掛住佢同埋好自責 但時間唔會等你 收起眼淚 日子都係要過 學要返 野要做 升左上F4 一開學就發生好多事 雖然係我做人既生涯冇一日係冇事發生 但今年做左SA 入左一班精英班 朋友不和 屋企亦有好多事 一時間承受唔到咁多野 一直以為有一班能夠體諒包容信任我既朋友可以比我依靠 但原來唔係 我都係要靠自己 如其話我嬲不如話我覺得有啲hurt 唔知可唔可以再好似之前咁frd 但有啲野近睇不如遠睇 味咁了解既時候會覺得好好 但日久見人心 唔係話佢地唔好可能係因為我既問題 佢地出生係一個幸福既家庭 而我唔係 思想體會意見都會有唔同 我覺得佢地唔明白我 佢地覺得我咩都唔講 但我講左你地都味必真係會明白 加上我唔係一個咩都會同人講既人表裡不一 口事心非 被誤解係正常但我亦都唔想去解釋