2006 年 4 月 9 日  星期日  

   ......

今日...極之無聊...話就話溫書...其實就係邊同人地傾MSN...邊看書...我知...咁樣點看都看唔入腦...咁又過左一日==''算啦...聽日先繼續努力!

聽日...成班人都入晒camp...我諗我呢三日會好無聊...不過岩岩好...呢三日我可以專心溫書!希望佢地可以玩得開心啦!

最後...今日係芝芝既生日...我係度祝佢生日快樂...日日都咁開心...一年靓過一年...一年聰明過一年!^^

2006 年 4 月 7 日  星期五  

   Miss Ng冇返...Miss Lo喊喊

今日...Miss Lo返啦...不過輪到Miss Ng冇返!仲有...嗚嗚~~Miss Lo今日喊喊呀!

係第五堂...中文堂...Miss Lo一入到嚟...見我地鬼死咁嘈,就問我地發生左咩事...佢話:「同學,你們可不可以懂事點,我知道你們要學十幾科很辛苦,但是老師也不是單單教你們一班。你們也看到吳老師今天沒有上學,昨天我沒有上學,老師已經很疲累了,你們懂不懂體諒呀!」佢問左三次先有人應。佢仲話「其實今日我也不想回來,不過我要跟你們說統測的範圍...」講講下......佢喊左出來...其實我已經看到佢既鼻紅左。我唔敢望佢...因為我知...如果我望到佢...我都會喊...直到佢講野既戈一刻,我望左佢一眼...我終於忍唔住...都喊左出來...仲斷斷續續喊左四次,唉!

之後我地成班女子講返呢件事...學奶婷話齋:「或者Miss Lo喊左出來會舒服D」......Miss Lo真係好錫我地...如果唔係,佢都唔會爲左我地而喊啦!

Miss Lo係臨落堂之前,同我地講:「我是第一次在學生面前哭,你們真是破了紀錄!統測就快到了,大家要好自為之啊!」Miss Lo係我係中學第一個係我地面前喊既老師...我希望都係最後一個...我唔想再有老師係我地面前喊!因為老師喊...作為學生心裡面都唔會舒服!所以我決定爲左Miss Lo...係呢個復活節假期...認真咁溫書...唔可以再俾D Miss, 阿sir因為我地俾佢地既壓力而喊!!!