2006 年 3 月 14 日  星期二  

   俾人鬧

今日我好唔開心,希望看完呢篇日記既人可以安慰下我!

PE堂,我地又練籃球,好黑仔,食左個''波餅'',係小wing唔小心打中我既鼻...痛痛,好驚自己既鼻歪左~~

跟住兩堂英文堂,Miss Cheung病左,冇番學。第一堂,雖然係Miss Leung代課,不過大家相安無事。第二堂,係一個唔識我地既Miss代課,小wing叫我掉位,我心諗：掉就掉啦,反正冇人理,點知,Miss發現有人掉位,跟住骨牌效應,全部調番厡位。Miss楊仲同Miss Lo講,我地俾Miss Lo鬧,佢仲同我講:「你身為班長,應該以身作則...」搞到我喊左成個lunchtime,冇食過野。

第九節,Miss Lo訓話--口吻,行動有D似Miss Ng!個個都要回答一條問題:「鍾意1A D乜,唔鍾意1A D乜」好多都答「唔鍾意1A同學上堂大叫,唔守紀律同唔尊重老師」Miss Lo就住呢幾點對我地進行訓話。

放學後,見到Miss Lo,佢問我點,我話冇事,就走左。雖然今日俾Miss Lo鬧,不過我知佢仲關心我,唔再咁傷心啦!

2006 年 3 月 13 日  星期一  

   多事之日

今日發生左好多事......

家政堂~~先講烹飪果邊。我地教洗碗,我同王孝慈一組---我俾佢激死,滴左兩滴有洗潔精既水落果D唔使洗既野到,搞到我地係全部人洗得最慢既一組,佢仲俾Miss鄭諷刺,哈哈!

跟住到縫紉果邊,好大件事,小檬唔見左錢,搞到縫紉組好遲先可以食飯,好陰公。後嚟仲聽講黎柏賢「走堂」,搞到要開咪叫佢去訓導處。

最後中文堂,Miss Lo一入來就叫黎柏賢同簡偉傑去訓導處,唔知搞乜。跟住叫我地交習字,交完之後,叫左一D冇交既人朗讀,讀到最後一個好多人舉手,Miss Lo就因此打開另一個話題,對我地進行訓話...