今日起左身．．又係勁無聊．．真係悶到想殺人．．∼之後打比好多人．．個個都冇聽電話．．最後打比小白臉．．決定去佢屋企睇碟＋食飯∼２點幾３點先出門口．．去到佢去左租碟．．等左陣．．見佢返黎．．點知兩手空空．．佢話個老闆話Ｄ碟２Ｂ級．．話佢太細個．．唔租比佢．．哈哈∼∼笑死．．之後就上左佢屋企睇頭文字Ｄ．．都唔係真係咁好睇ｏ者∼悶．．

睇完上陣網就食飯．．都幾好食牙．．第一次飲苦瓜湯．．初初我都覺得會好難飲．．飲落又幾正．．又唔係太苦．．嗯嗯∼∼Ｐａｒｋｙ媽ｄ廚藝真係唔錯．．正∼∼

食完係度睇電視．．之後佢地兩母子係度鬧交．．我勁無奈－ˍ－．．不過Ｐａｒｋｙ又係衰既．．成日都欠交．．不過算啦．．好好對自己媽咪啦．．知冇∼？唔好再成日駁嘴喇∼．．．

之後去左牙康屋企拎Ｐｓ２返屋企．．行番過卓爾搭輕鐵轉西鐵返到屋企．．又係做掌上壓．．之後就冇野做了．．悶悶悶．．而家等晾３中．．＞ｏ＜

------------------------------------------------------

今日見到Ｐａｒｋｙ媽同小白臉鬧交．．有２種感覺．．一種就係無奈．．另一種就係羨慕．．．哈∼好耐都未試過鬧交了．．唔係同普通人．．係同媽咪．．∼有陣時．．行行下街會見到Ｄ家庭好溫馨既場面．．自己真係好唔開心．．成日都會用自己同佢地比．．整到自己好唔開心．．但係有得唔比咩∼？根本人一出世已經註定不斷要以比較黎勝過別人．．如果唔係駛乜要考試∼？

今日見到佢地鬧交．．我真係好想鬧埋小白臉．．佢咁樣同媽咪講野．．好冇禮貌囉．．但係人地屋企既事．．我都係廢事插手．．不過佢真係好唔掂．．咁樣駁媽咪咀．．我見到ｐａｒｋｙ媽好唔開心．．唉唉∼我好明白佢既感受．．自己個仔咁樣同自己講野．．難道會好受嗎∼？點解人係有既時候就唔珍惜．．當冇左之後．．往往先至會識得珍惜．．但係到果時先識．．又有咩用∼？唉∼∼我以前都冇好好咁珍惜過同媽咪相處既時間．．而家真係好後悔．．就連佢臨死既時候．．叫我好好幫佢做既３樣野．．我都冇樣做到．．我真係好冇用．．＞＜

唉唉∼∼點解牙．．＞Ｏ＜．．點解我之前唔陪媽咪多ｄ．．淨係識走去玩．．到佢死．．我都做唔到佢想我做．．仲要係唔難做既野．．呢ｄ真係叫做唔死都冇用．．每一日．．都係度自責．．好辛苦牙．．＞Ｏ＜

有幸睇到呢篇日記既人．．一定要學識點樣去珍惜現存有既野．．如果唔係到冇左果時就後悔莫及了．．有人版係度．．．