今日９點幾就起身了．．唔知做咩事．．訓唔番．．之後見冇野做．．終於忍唔住．．心血來潮拎番琴日擺左係床頭既信出黎睇．．唔睇由自可．．一睇就把鬼火．．唉∼∼又諗番「佢」的事．．真係想自殺－ˍ－．．就係下面果ｄ．．真係好多回憶．．＞∼＜

起身之後就一直係度無聊∼之後２點幾就出左去輕鐵車廠度等泰哥∼∼佢又叫我行去呢度果度．．都唔知邊度．．∼嘿．．之後都係打番比泰哥．．佢又話要整車∼∼所以就入左湖山入面個車場．．之後價錢又唔岩．．所以就行過去工廠拎車．．比泰哥昆左．．頂佢丫∼佢間工廠就係友愛對面．．條友叫我係輕鐵車廠落車．．行到隻狗咁－ˍ－∼拎完車佢又要去整車．．今次去左虹橋果面∼搞左半粒鐘都未搞掂．．所以我地就拎車走先．．遲ｄ再黎整過∼∼之後我地２條友每人一部車踩過洪水橋搵小英．．因為要整車．．所以小英係果度等左我地粒幾鐘．．真慘．．因為某人囉．．過洪水橋途中．．係泥圍撞到屎忽堯．．佢又唔同我地一齊踩．．真衰．．＞∼＜－－∼去到見到小英．．我同佢轉左車．．因為佢部車太高．．佢踩得唔舒服∼之後我地就一路踩入元朗．．入到元朗真係好多人．．小英又驚踩馬路．．所以我地就好白痴咁．．推車－ˍ－．．推左成個元朗．．嘿嘿．．不過都好彩牙．．因為一入到元朗我地已經撞到一次ｐｏｌｉｃｅ．．果時我地仲要踩住．．好彩果個ｐｏｌｉｃｅ好人唔捉我地．．之後又係第２度見到一堆ｐｏｌｉｃｅ．．好彩今次因為就小英所以冇踩．．如果唔係一定比人捉了．．我同泰哥係後面．．小英係前面．．一轉彎見到果堆ｐｏｌｉｃｅ．．同泰哥同一時間講：「好彩冇踩」∼哈∼勁搞笑∼之後呢．．諗諗下就踩左去南生圍．．好舒服牙條路．．我真係好鐘意咁樣踩．．條路又大．．又冇人阻住∼正．．Ｄ風吹過黎∼∼超爽．．踩入去之後就踩番出黎．．來回我諗都用左９個字．．因為小英係入面整親隻手．．泰哥又係入面唔知有心定無意咁用佢個前碌「攝」到我個後碌．．搞到佢差ｄ仆．．嘿嘿∼∼踩番出黎之後．．我同泰哥個電話都響個不停．．真係Ｘ－ˍ－∼之後就踩去Ｂ仔食〝老〞水雞翼同糖水．．之後就開始踩番入屯門了．．但係因為太夜．．所以泰哥就逞英雄話送人返去．．因為我部車都係泰哥．．即係我都要陪埋佢－ˍ－．．同小英踩入天水圍．．仲要係天富．．天水圍最入果度．．－０－．．好辛苦咁上左２條橋又衝馬路咁去到佢屋企樓下．．我諗都用左半粒鐘．．之後泰哥又話要等人拎書落黎比佢．．又２個字．．之後就同泰哥開始踩番屯門．．２條友盲中中亂撞都撞到條番屯門既路．．去到屯門ｅ院果度．．小英打黎問我地有冇事．．仲叫泰哥慢慢踩．．小心整親．．就係呢句小心整親．．泰哥又炒車∼抵死丫∼果條路已經咁窄．．仲係度懶型單手踩車．．另一隻手拎電話．．嘿嘿∼∼流小小血你執到了∼嘿嘿∼∼好辛苦咁終於踩番去工廠擺低２部車．．喔∼已經１０點幾．．之前打過比牙茄．．佢話可能陪我食飯．．但係擺完車搵佢．．佢話唔落黎了．．真無奈．．＞∼＜．．

之後泰哥就同人去慶祝生日．．我就去左順錦搵庭哥食飯．．點知去到佢仲要係度打幾鋪機．．真係機虫黎．．唉唉∼∼等佢打完．．去左食野．．今餐又成４０蚊．．唉∼冇哂錢喇就．．＞∼＜．．食完之後就返屋企了．．返到黎又做左６０下掌上壓．．喔∼支力爆ｉｎｇ．．訓覺．．嘿嘿．∼