今日又係下雨天．．心情又係好差．．仲要個日記唔知個ｓｅｒｖｅｒ做咩事．．入唔到去打．．仲冇癮．．所以而家就用緊Ｗｏｒｄ打呢個日記了．．唉唉∼都唔知做乜事．．＞＜

今日呢．．由朝早到７點ｐｍ都冇乜特別牙．．７點之後就同左小豬君、小白臉同牙康出去了．．我地今日係去長沙灣牙．．因為小白臉同牙康想學空手道．．所以就要出去拎報名表了．．．我地係長沙灣行左好耐．．兜黎兜去．．都唔知間野係邊．．之後我地就亂行一通．．行行下．．發覺間野就係我地前面．．哈哈∼∼

跟住我地就上去啦．．上到去．．見到人地上緊堂喇喎．．果隻豬君話試過開度門．．佢話開唔到．．點知我一開就開到．．呢Ｄ真係人既問題．．哇哈哈∼∼入到去．．個館ｄ人都幾好牙．．叫我地入去參觀下．．又搬哂凳比我地坐．．我地就坐係側邊睇了．．

我發覺．．空手道真係好勁牙．．只要識小小．．已經好勁．．教果個係一個日本既肥佬．．睇佢好似鈍鈍地咁．．點知有一次睇到佢踢腿．．踢刑隻腳高過我個頭．．隻腳勁直．．但係又勁快．．「伏」一聲就已經落番地了．．變態的．．之後又係一直睇佢地練．．真係好勁牙．．＞＜搞到我又心郁郁．．想走去學．．太好玩了．．＞＜

咁睇完之後我地就問人拎報名表．．之後就離開左間館了．．之後我地就去食野．．行左好耐都未決定到去邊食．．之後卒之揀左去間餐廳食．．一人食左廿幾蚊．．都ＯＫ牙ｄ野．．不過影左幅牙康同豬君既相．．哈∼笑死．．．

食完野我地就去左坐地鐵轉西鐵了．．係西鐵上面．．佢地係度玩小白臉個頭．．搞到飛起哂．．之後企係小白臉隔離個女仔都忍唔住笑左出黎∼仲要係狂笑果隻．．哇哈哈∼∼真係勁搞笑∼

之後返到屯門．．送左豬君搵佢家姐之後我就返轉頭凡市中搵泰哥佢地啦．．去到成班又係冇乜野做．．其他人就走左去食糖水．．我同泰哥就係市中行黎行去傾計．．傾左個幾鐘之後就返去「甜不甩」度搵番佢地．．跟住就走了．．係我同泰哥既對話中．．泰哥都有提到「佢」．．但係我已經冇乜感覺了．．哈∼真好唷．．＞３＜

泰哥．．放心啵．．唔駛咁驚你既Ｏｒａｌ牙．．你掂既．．呵∼∼

 一秒感動
 

 填詞/作曲：王菀之
 

編曲/監製：Alex/Invisible Man 
 

一路以為什麼吸引著您
 

原來蝴蝶坐得久都要飛
 

一路以為什麼吸引著您
 

原來蝴蝶坐得久都要飛
 

或者花粉太濃太敏感刺鼻
 

甜蜜您受不起
 

當大自然定出戀愛道理
 

和誰緣份到打開心扉
 

太愛慕您的萬紫千紅
 

位置有多失利其實是因您歡喜
 

誰感動您心就在這一秒內
 

隨心中喜愛停留在那片花瓣上
 

天或會知為什您不瞅不睬
 

談一刻戀愛然後再想那朵花可得您欣賞
 

蝴蝶從來都喜歡飛舞
 

呆站破舊盆栽等待您的擁抱
 

當大自然定出戀愛道理
 

和誰緣份到打開心扉
 

更仰慕您只會更驕傲
 

位置有多失利難道就有了轉機
 

誰感動您心就在這一秒內
 

隨心中喜愛停留在那片花瓣上
 

天或會知為什您不瞅不睬
 

多麼不忿您為何人見人愛
 

幾多秒未上心就望下一刻精彩
 

求頃刻愛戀收放自如隨時隨地飛天遁地
 

蝴蝶從來都喜歡飛舞
 

仍能燦爛我豈可就此蒼老 

有時有Ｄ野．．一秒已經可以影響好多的了．．哈哈∼∼