今日冇咩特別牙．．朝早起身就開始打機同玩電腦．．一直咁樣玩到４點幾．．之後同家姐出去睇床．．見到好多款∼但係多數都係岩款岩色．．價錢就唔岩∼一係就岩款岩價錢．．但係又唔岩色∼真係無奈呢．．＞＜

咁今日出去買床果時呢．．．比我撞到「浩」喎∼好耐冇見佢了．．佢見到我家姐．．話佢好大個．．哈哈∼∼之後番到屋企∼佢又ｏｎ左ｉｃｑ．．咁就同佢傾左陣．．佢問我而家同ｚｏｅ點．．可能真係太耐冇見吧．．咁我咪答佢散左了．．．佢問原因．．咁我咪將果個唔係原因既原因講比佢聽囉∼之後佢都話有冇搞錯．．哈．．我都唔知可以講咩了．．．只知道．．我只係一直被遺棄．．每一次都係咁．．到底有咩原因∼？係我唔識同人相處．．定係其他原因呢．．？

今日既心情本身都ｏｋ既．．但係晚上果時．．大汶無啦啦問我對「佢」仲有冇野．．係呢∼究竟仲有冇呢．．我自己都唔知．．但係我當然答佢冇啦．．而家呢種情形∼唔通可以有∼？連朋友都做唔到．．就更加唔駛講鐘唔鐘意∼既然我同「佢」已經係咁耐之前既事∼！咁不如真係趁呢個機會．．當比個機會自己去忘記「佢」啦．．咁樣我諗係對大家最好既方法．．大家都開心Ｄ．．．．

大汶咁樣問完之後．．心情就開始變差喇．．打打下機都會發脾氣．．唉∼我都唔想自己咁牙．．．．．有時我係度諗．．我做咩要為一個人要唔開心．．好似我就係為左「佢」而生存呢∼？無可否認．．「佢」係一個好值得我鐘意既人．．由始至終我都係咁認為．．但係當「佢」講到連朋友都冇做得既時候∼其實係咪過份左Ｄ呢∼？

唉∼∼真係諗起就好興．．本來我已經唔記得左有呢個人架喇．．大汶又提番．．唉∼＞＜．．．

有時坐西鐵去到屯門．．我會特登揀市鎮公園果條路黎行．．點解∼∼？因為市鎮公園係我同「佢」最開心既地方．．每次經過市鎮公園．．我都會停低一陣．．比自己回憶下當時快樂既情景．．回憶果時係快樂的．．但係回憶過後得到Ｄ咩呢．．就係空虛、唔開心同失望喇．．每一次既感受都係一樣．．我受夠喇 ．．．

唉∼唔打喇．．