由今日起∼呢個blog將會停寫∼

我會開始用Yahoo嘅blog~~

http://hk.myblog.yahoo.com/kelvinwsh

今日嘅心情極差（由下午開始）
今日十二點幾喺鋪頭食完飯，果陣鋪頭有ｄ人，好啦，幫下手囉
到左人無咁多，呀媽叫我去百佳買方包，百佳有好多人（因為假期）
咁我咪排隊比錢囉，點知排隊果陣
後面果個男人同佢朋友一齊掩鼻講：嘩∼一"朕"味∼（仲係望住我）
唉∼點解我要成日都一"朕"味（廚房油煙味）呀∼今次仲要比人笑......
之後買完我返返上樓，諗住可以做下自己野，
點知四點幾我又比呀媽電召我落去：細佬，落一落呢（cup左線）
我忍無可忍啦，每當我有野做嘅時侯，總係比人叫落鋪頭呀∼
可能你會諗，幫下屋企人囉！∼∼我知呀，我知我係應該幫下佢地呀∼！
但係我真係好討厭呢種生活啦∼完全無可能有自己嘅私人空間，
可能對好多人呢講，食晚飯應該係好開心，但係對我呢講
可以安安樂樂咁食餐飯都好難，食飯時候，總係有D人會貢入呢.....
"細佬，拎杯水比ｘ號台"，"細佬，寫一寫ｘ號台"呀媽好多時都會咁講∼
點解？點解唔可以安安樂樂食餐飯？？？？？？？？？？？？？？？？
今日六點三鋪頭就開始有人，又係咁，最後無心情食飯∼∼
而今日睇新聞報告，有個細路同全家一齊去遊行，
跟住訪問佢，佢話希望可以有最高工時，希望佢呀爸可以陪多佢多ｄ時間，
我心諗，佢咁都去遊行？大把人都無父母陪嫁啦∼∼
而我係一個例子，我呀爸呀媽無咩同我傾計∼甚至相處嘅時間都好少，無咩溝通
而唔知點解，我喺屋企好似無咩人會聽我講野.....我係咁微不足道？
我以後有咩唔開心都會喺呢度打，因為我唔洗因為我個樣唔開心而比人話！

其實我都明嘅∼就算我幾唔開心，呢度都係我屋企，
我都知道我係唔應該咁多埋怨，但係我只係枇可以有一個地方可以比我講我想講嘅野啫!
唉∼人地眼睇就係"永利太子"，但係有無人諗過呢個所謂太子係咪真係開心？
人地睇就好似好幸福，但係我真正想要嘅好簡單，就係可以好似其他人咁，有屋企人可以傾吓計（係靜靜地咁，唔係喺鋪頭是是但但講幾句）

總言之，今日唔開心！！！！！！！

忙完啦~!!忙完啦~!!
今日交埋PE果份project就可以算係完成左手頭上嘅工作啦~~
今日星期六日可以休息吓~~而且下個星期二同星期五都放假~yeah~~!!
正呀~好似好耐都無放過假咁!~~
不過唔知有無街去呢~?因為好多同學而家都考緊會考,都唔得閒理我~
不過我都希望佢地可以考得好~無所謂啦,我都係可能留喺屋企休息啦~

To:馬仔
放心啦~~我之前考Geog,一考完我都覺得唔係咁得~~
不過出到呢,都唔錯~~不過你真係衰~唔聽我講,
我都話板塊會考嫁啦~~我tip都幾準嫁~~
努力考埋其他科啦~~過左就算啦,唔好諗啦~~

To:其他考緊嘅同學
加油呀~!!好快就考完~~出街啦~~
都係果句啦~過左就算啦,唔好諗啦~!!

嘩~~一係日日打,一唔打就隔左廿幾個先打~
不過唔驚啦,我個blog都無咩人會呢睇~~^^
不過我無打blog係因為我喺呢個月真係好忙~~
又有一日一題嘅Econ,中化境外考察嘅報告,PE嘅project.......
真係做到傻~~每日都有野做~~所以我就咁耐無打blog......
喺呢廿幾日Rankine返左呢hk, 不過我都係同佢出左兩次街~~
不過有一件事令我好開心,喺Rankine返返英國之前果日,我地幾個終於齊人啦
(Rankine,Clement,Henry,Sara,ME).........
不過我果日因為真係要趕船,所以無同Rankine講88(佢行開左)
不過我諗Rankine唔會怪我呀呵~~^^
不過出完呢次街之後,又要等好耐啦~~
rankine又未返,henry+clement又要考會考~~
不過真係好祈待下一之嘅相聚,不過都好快啫~~

喺呢幾日,天氣好反覆呀~~
尋日紅色暴雨,但係因為我係全日際學校,一樣要返學,一場空歡喜........
但係每當落雨,我對鞋又入水,所以尋日買左對鞋,高左~~
而且落雨又令我唔可以返屋企食飯~~唔可以玩Cam><
希望天氣可以好d啦~~不過落雨都好,因為alway落雨=夏天~~
我好鍾意呀夏天~~豬返呢啦~~yeah!!!~~

經過左四日三夜嘅交流團，今日我終於返左呢香港啦！！
呢幾日都好無聊∼∼日日朝早都要七點幾起身.....
而每一日都去左D景點睇∼∼但係係坐車去景點嘅時間仲多過睇嘅時間......
坐車做咩？？緊係打機同訓啦∼∼
而我地睇嘅景點全部都係D中國古代建築，所以係好悶，
而且喺大陸，唔知係點解，幾乎所有景點都係無冷氣嫁，所以係咁出汗....
景點都算啦，而我地嘅每一餐，我仲以為會喺酒店食，點知.....
佢帶我地去D好cheap,好dirty嘅食店，dirty都算啦，仲要係唔好食∼∼
真係諗起都唔想食.........而三晚，我地住左兩間酒店，
頭一二晚都係住喺同一間四星酒店，還可以，不過就真係無咩設施，
不過D野食好平(送餐)，第二晚我地叫左好多野食，不過可能除左我地，
仲有好多人叫，所以好多野都無，不過送到上呢D野又ok嘅∼∼(可能因為肚餓)
而第一晚我地只係食左杯麵(因為晚餐好難食)........
而到左第三日，我地住左喺五邑碧桂園酒店(五星)
間房都真係唔錯，但係D野食好貴(送餐)，所以都無叫到......
第二朝（今日）早餐喺酒店度食，所以可以講係最好嘅一餐∼∼
之後就checkout左啦，之後我地去埋最後兩個景點，再返香港啦∼∼

去完呢個trip之後我諗，我地都係唔好再理佢地嘅野啦∼∼
無謂∼∼咩都唔知仲好∼∼∼∼