大家好,我係MAGIC KEN~,MAGIC~今日朝頭早又去左補習,去到先話冇得補,被靖腸打左一身,仲比人屈請食車仔麵,話要彌補心靈既創傷,腸哥,我仲慘過你呀!跟住去左睇小明比賽,算啦,勝敗乃兵家常事,唔好介懷!跟住去利寶玩,又同我細佬決鬥,梗係蠃啦~跟住去進心會,有生日會,有個細佬當我大脾好似櫈禁坐,好辛苦。睇到啲細佬仔禁活潑,真係好難想像佢地冇左父母!跟住有野食,正!最未執野,俾張梳化整親隻腳,痛到死死下,要瘸瘸下返屋企,好彩返到屋企都好返啲,有啲野驚小明介意,唔講!總知,今日都幾開心。IAN~!生~~日~~快~~樂~~!!!!!!OH~GOODBYE~MAGIC

大家好,我係MAGIC KEN~,MAGIC~派哂卷喇~成績?算啦~唔好提,差到隻狗禁。今日三堂中文,好正。聽得好入神,我諗中文係我最留心既一科。我個神奇自動沖氣龜背俾人拎走左,呵呵~原來係B中~即時開羅馬鬥獸場。跟住成長路,勁!我仲記得條友叫偉成,佢唔妥我我就唔妥佢!HAHA!跟住就調位喇!好正呀!我同劉小芳坐,OK啦~不過唔同我傾計,會悶~不過右手便係維哥,後面係張騫,多謝祖明!!不過林霆鋒好慘,調左三次位都係同劉穎賢坐。唉。如果係我就自殺喇!哈哈~張騫~小心耳膜穿呀!隔離個黃潁欣把聲好大架!橙姐姐坐單丁位,好正!有得訓覺。亮添同羅詠欣坐,哈哈!係報應呀~詹詹同林嘉虹坐,呀~好幸福呀~呢排好涷呀~但係係屋企就好熱。兩蚊!生~~日~~快~~樂~~!!!!!!OH~GOODBYE~MAGIC

大家好,我係MAGIC KEN~,MAGIC~今日都仲未派完卷= =今日又派中文,派中文說話,得41.5分,算,都好過好多人,最尾講平均分,女仔佳麗第一,五份卷最高,恐佈!男仔我第一,變態!鄭老師叫到我個名果陣,我同橙姐姐仲傾緊計,嚇左一嚇,正!男仔第一都唔錯。可惜唔係全班。跟住就笑唔出喇!電腦得13分,全班都唔合格,但係原來中文輸入法等於平均分一半,我得3%,冇可能PASS。西史份卷27分,又唔合格,死梗!聽日調位喇!要同橙姐姐分開,唉~冇人同我傾計喇!!考試成績又差,希望中文拉得番!OH~GOODBYE~MAGIC

大家好,我係MAGIC KEN~,MAGIC~今日都又係派卷,睇到啲分數,心都寒哂,GEOG全班最低得廿分,不過作文就合格,28分,幾開心。今朝個瀾gag怪獸吳X軒查膠水係我張櫈度,我好嬲,上一次嬲好似係知道小明俾燒賣打,佢仲叫我同佢隻揪,可能佢真係想死。之後梗係冇啦~我真係驚我打死佢。geog堂橙姐姐叫我陪佢去自殺,我話好呀~一齊去。但係最後我都冇去,因為我仲未可以死,我仲有仇未報。最尾佢真係冇返,原來係去左睇跳舞,嚇鬼死我。放學考pe,考之前睇到胡樂隼俾人打爆眼鏡,原來係超人做既,跟住劉老師叫超人半年唔准打波,笑死我~考完pe,即刻訓左係度,反應跑23秒86,頭搥6分,耐力跑24個圈,跑到死。都好,成績數一數二,跟住返屋企。我而家仲諗緊去唔去進心會好,唉~同十代諗緊魔術學會,會長:magic ken ,副會長:十代,維哥。聽日派西史,Econ,呀!!西史!!!!!!OH~GOODBYE~MAGIC

大家好,我係MAGIC KEN~MAGIC~唉,都冇乜心機打BLOG~今日又派卷,第一科英文,27分,EB,55分,大大個死字鑿係額頭。跟住派I.S,仲衰,得17分,又比橙姐姐串,話高我3分,又比人調走,同十代坐。幾好,但係隔離劉穎賢,好慘。再跟住派中文作文,我篇文比鄭老師大大聲讀出黎,醜死怪,好彩,都有51.5分,短文就12分,鄭老師話只要將幼稚園變做小學,就有7字頭,吹漲,啲人話我中文勁,勁?廢,冇乜勁,standard。。唉~好多科唔合格,subi,一兩科唔合格冇乜野,你下面仲有我痛苦既呻吟呀~怨狠!怨狠呀!OH~GOODBYE~MAGIC