大家好,我係MAGIC KEN~MAGIC~今日終於對卷,返學之前我已經抱著必死既決心,不過第一科中文,唉~失哂預算,本來諗住有5字頭,但係得45分,算~有好過冇。跟住LISTENING,都有47分。頭兩科唔錯,之前仲串緊橙姐姐,之後MATHS,得28分,死喇!仲比橙姐姐高我1.5分,佢仲話自己好勁,真係好勁。諗住自己全班最廢,誰不知維哥仲勁,低我一分,仲要兩份都係,我真係忍唔到笑。跟住D.T堂,冇做野,係禁摸維哥屎忽,好好玩。跟住中史,睇到 馮老師個樣,真係心都寒哂,最尾份卷得35分,諗住自己好低分,點知仲有一大班人低分過我,呵呵,低處未算低。今日派啲卷都夠我死足100次,但係聽日份一I.S卷都夠我死26600次。今日仲派左家長日回條,意味我已經係個將死之人。我諗而家自殺定都係時候喇~好!養足精神,迎接地獄! OH~GOODBYE~MAGIC

大家好,我係MAGIC KEN~MAGIC~今日都係冇乜好做,又係屋企睇小說,睇睇下都睇到厭,於是就上網查下考古學既資料,因為如果得既話,我想做一個考古學家,但係都冇乜可能,唉~跟住訓左陣覺,醒番發現爹娘去左大陸,無聊得滯走左去利寶玩,玩玩下李智健叫我去打波,去左,唉~都冇心機打波,實力發揮唔夠平時既5%,唉,我諗我藍球生涯都完結喇~呀!死喇!唔記得聽日返學!!!~~OH~GOODBYE~MAGIC

大家好,我係MAGIC KEN~MAGIC~今日星期六,講真真係冇乜好做,唯有係屋企睇小說同研究魔術,至於打波?唉~算啦~廢事打喇~都打得唔開心。聽左陣歌,諗住訓番陣覺,點知訓訓下聽到出面好嘈,於是出去睇下,點知見到阿爸阿媽係度鋤D,我又玩埋一份,原來賭錢架?諗住唔玩,跟住諗諗下自己禁多錢,唔緊要。但係之後輸到趴係到,我話唔緊要,我已經看破紅塵,其實心入面已經凖備去做傻事。好彩,之後都俾我嬴番,仲嬴多廿蚊,呢廿蚊算唔算自己賺架呢?好彩冇輸錢,唔駛跳樓。不過阿媽就輸左俾阿爸,成五百幾蚊,嘩,望住阿媽個樣,好狠呀!我終於知道電視機嗰個廣告係冇錯架,小賭怡情,大賭亂性。總之,鋤D真係好好玩~~OH~GOODBYE~MAGIC~

大家好,我係MAGIC KEN~MAGIC~終於考完試喇~非常開心!點開心法?就好似同小叮噹一齊食飯禁!不過應左尋日個預言,電腦衰左,但係連雞腸都衰埋,又暈左係到。之後返屋企換衫,番薯打比我叫我去青海圍打波,佢以為係電話錄音,我係禁話唔係,但係都比人cut線,唉,都係個電話錄音太趣緻,內容大概係禁:喂?喂?呢度好嘈呀!聽唔到!喂?喂?比人呃左喇你,呢個係電話錄音!你話幾趣緻?跟住講俾佢地聽,笑左一大輪。跟住去打波,初頭都幾開心,但係之後有啲人發嬲,開始埋怨。好失望,打波唔係應該開開心心咩?點解要搞到禁?唉?跟住就走左喇~OH~GOODBYE~MAGIC~

大家好,我係MAGIC KEN~MAGIC~估唔到自己有恆心寫第二日既BLOG!如果佢有睇就好喇∼今日考中史,死左。４１分填充,親愛既馮老師,又話冇塡充既？？所以,合格？好難;之後既普通話,心理上都話有番啲安慰,因為起碼題題都識答,好易。之後又去利寶,見到百周年個細佬,我唔明點解佢要叫我阿哥,算啦,有個百周年既細路都唔錯。之後食飯,聽歌,chemistry啲歌真係好好聽,又靚仔,跟住去左打波,同個玩and1玩到痴線既人打,呆左,仲勁過you tube嗰啲,好彩,我都唔輸蝕,又係舊察膠勁,言威好慘,平時啲and1好似垃圾禁,都打得好爽。聽日考雞腸?車!我唔放在眼內!不過科電腦就真係束手無策,等死,仲有如果有人想玩野我唔介意奉陪,好喇~希望聽日會再寫~magic~