無奈囉...今日8點幾就比人叫左起身喇...

之後就搭車出九龍灣飲茶..一上車我就即刻訓教=0=

太眼訓喇..成個假期都係日日訓到兩點幾三點既...

今日無啦啦要咁早起身..唔多慣..

飲到一點鐘到就走左喇。

之後我去左MK買模型油，買完係度行左一陣，

睇到D FIGURE好靚啊..勁真啵..

好想買左佢..不過就好遺...

兩點幾就搭車返屋企喇。

今日訓到兩點半囉，唔知做咩呢排成日都好晏先起身囉。

之後又係係度打古仔，打到四點幾落左去食KFC，

勁無奈囉，果度d雞唔知點解咩野味都冇囉，勁難食啵。

之後又返番上屋企打左陣機，6點鐘到就出左去食飯，

我老豆勁戇居囉，唔知做咩就搭車出荃灣再轉車去九龍，

點知就搭左個半鐘，為左果一兩蚊..

係屋企樓下有車出到去佢又唔搭啵，又快d，係遺少少之嘛..

食到差唔多十點就返屋企喇。

今朝起身打左陣機就去左飲茶喇，之後d親戚上晒黎打牌..

勁嘈囉，成日打打下無啦啦係度尖叫=0="

之後我落街買左隻「古惑仔之義」黎玩，勁好玩啵..

不過就勁lag..唔知係唔係張顯示卡唔夠勁呢？

之後就去左食飯，食完諗住佢地走架啦，點知仲未走啵..

佢地又上番去打牌...無奈到極點囉..

佢地打到兩點幾先走..然之後我又係係度玩msn，玩到3點半到就去左訓教喇。