今朝係車都有叫黃霈銚起身..之後就訓左一陣..唔知做咩無啦啦好眼訓囉..
返到去都有係車站等佢，等左唔係好耐，等左一陣佢地就到喇。
嘩...入到課室真係唔認得囉，兩個幾星期冇入過喇！！
早會果時有個升旗禮囉，好無奈啵..完左有呢個CT堂..爆悶囉，都冇野好做。
個飛機頭叫我地做番之前d功課啵，我又做晒啵，之後咪狂係度傾計囉。
小息落左去，隔左一陣就見到黃霈銚喇。佢同我講話佢英文都幾高分。幾多分就唔講喇。
完左有中文堂囉，今日派卷啊！！不過中文得48.5分..但係都合格。
中文之後係英文，GE卷101.5，Listening77，compo就18，comprehension就唔知喇！
佢話聽日先派啵..英文整體黎講我都覺得唔錯啊。
Lunch果時又同高俊佢地去左彩龍食。返到去見到Roxanne囉，佢問我借畫簿。
之後比本畫簿佢果時見到黃霈銚啊....佢同我講關於佢份Maths卷既分數。
不過我比完本畫簿Roxanne之後佢就好似嬲左我咁喇。我都唔知做咩囉。
過左一陣King man佢地無啦啦問我小鮑係咪鐘意Ceclia囉。我答左佢唔知啵。
之後有IS堂，又係派卷囉，IS又係77啊，都幾開心。
陳sir派卷果時話有人8x，有人7x，之後Jason無啦啦係度話咩野變態，佢又比陳sir聽到喇，
勁「火羅」囉佢，次次講親呢d野都比人聽到架啵。
嘩...陳sir鬧佢鬧得好勁啊，之後又話「我淨係教d高分既人，咁你即係話我變態啦，我而家好唔高興啊。」
之後有人係度笑，包括我在內。最後陳sir叫左Jason放學去見佢。
放學要入SIC啊，今日SIR爆晒啊，好少有囉。之後我係度做Eng d功課，做完做乜？
梗係訓教啦，訓到咁上下就走喇。上車果時我打左比黃霈銚囉，我問佢Lunch果時做咩..
佢話我媾King man佢地囉，又話我對個個女仔都咁好啵，我勁無奈啵，之後又話我乞佢憎...
返到去我係YM同佢講話我冇媾到King man佢地囉，不過佢唔信啊...
之後佢又話比一陣佢就冇野..不過就唔知要幾耐喇....
唉...好無奈囉，我真係冇媾到佢地架。我淨係鐘意黃霈銚一個人架咋..就算係媾都唔會媾佢地啦。
同埋Roxanne都有男朋友架啦..我仲媾佢黎做咩啵...況且佢又大過我既..
| 
