今日又係係度等黃霈銚...點知又係見到陳sir！！

好驚佢啊..佢變態架！不過好彩佢今日又冇走埋黎咋........

考中史啊今日！！好難啊又，又有幾題唔識啵...

放學果陣同埋黃霈銚佢地一齊行..之後去左何嘉銘度打機..

去到佢同我講話有隻Gundam Game，我以係「札夫vs連合」，

原來係「機動戰士Ｚ」，點都好過冇得玩丫..之後咪狂係度玩囉！

玩到3點半去左７仔食野，食左廿粒燒賣啊我...之後同高俊、何嘉銘去左個公園度玩捉....=0=""

好低能啊我地..高俊唔夠人跑@@

之後搭車果時打左電話比黃霈銚..同佢傾到番樓下囉..

呵呵∼∼好想快Ｄ聽日啊！！！！ｘＤＤ

今朝遲左出門口..諗住等黃霈銚唔洗見到陳sir丫嗎..

我去到行到勁後果度等..諗住陳sir見到我都唔會行埋黎丫嗎..

點知真係見到佢啵..我即刻令轉面扮見佢唔到..好彩佢冇行埋黎咋..

等到搭十都唔見佢地，跟住自己走左，行返去果時見到黑雞囉..

佢同我講話唔敢入學樣喎，話自己個頭樣衰囉！

我都未見過d人話自己個頭樣衰架！！返到去先知原來黃霈銚佢地係我後面，無奈囉..早知唔走啦..

之後考Ｍaths啊！好難啊，唔識做..又唔夠時間喎..最後有一題10分既題目冇做到....

走果時同埋黃霈銚佢地一齊行去火車站，上左車冇耐黃霈銚打電話比我，同佢傾左陣。

去到荃灣果時去左食野..好肚餓。之後返左屋企，訓教訓到兩點幾。

唔知做乜呢幾日好攰囉...可能果晚傾得太夜掛。

夜晚果時同黃霈銚傾左陣電話..

今朝九點幾起左身喇...要起身補習=0=""

一開始果時係咁計錯數啊...3既二次方我計左6=0=""

之後打機...溫書...傾電話...總之就無聊啦！！！！