今日訓到2點啊...唔知做乜好攰囉,,,,

之後同黃霈銚玩左陣msn，之後就出左街喇...

之後買左對鞋，又買左條波褲...

買完去左吉之島個超市度行，買左好多野食啊，好開心..

行到7點鐘到就返屋企..返去食埋尋日食淨果d野。

係度食「大雜繪」囉..不過好鬼正。

食完同埋黃霈銚、高俊佢地係度傾電話..Roxanne好串啊。

跟住係度一路同黃霈銚傾電話一路睇新城。

今日一早出左去，約左黃霈銚同黑雞係沙田。

我最早到，咪諗住去UA睇下多唔多人囉。點知去到勁多人喎..

咁我咪排住隊買飛先囉。之後佢地都黎左喇..黑雞排排下話去買野飲，

點知佢走去買王老吉..好無奈啵。排到差唔多到果時我發現我排錯隊啊..

好彩真正果條隊唔係好多人姐..同埋叫左黑雞過去排。

我地睇11點啵。買完飛周圍行，黑雞無啦啦走入機鋪囉..仲以為佢入去打機，

好彩佢冇打咋..如果唔係真係有排等..

入場之前我地去左買爆谷。入到去發現果個位睇得好辛苦囉..不過唔緊要啦。

有佢坐係我隔離咪得囉。睇睇下黑雞成日做埋晒d好低能既行為..搞到我地狂係度笑。

睇完之後黃霈銚話去影貼紙相，黑雞又死都唔肯影啵，搞到佢好嬲啊。

之後去左無印，跟住又去左圖書館。

跟住就走左喇...