頭一日既考試我覺得考得唔係幾好,竟然份卷係有野完全唔識!

睇黎要更加努力啦!依家日日去自修室温書,我唔想衰落去,

我要係之後既考試科目中取得好成績!

話咁快又再到考試的日子(没錯,是考試,因為依加學校冇左測驗,變左三次考試)

今日同兩個friends去左天水圍圖書館的自修室温習,

大家要努力考好個試呀!

由於呢幾日我都冇咩時間打日誌,所以既然今日有D時間,就決定一次打過曬三遍日誌,有時間才睇吧!都ok多~ ^^

The 旅行日! :

今次旅行係去大帽山郊野公圍!一開始上車後過左一陣間旁邊架車內的蝴蝶(fd的網名)便

無啦啦打電話比我,好彩我開左耳筒,唔係就大響聆聲了!!!之後聽左陣歌,就到大帽山了!!!

一入大帽山我個組就即刻拎曬D野食出黎,不過食唔過一個鐘,就已經飽曬了!之後我自已

一個人行左家樂徑一陣,就發覺條路愈黎愈斜,我一個人,怕跌落山冇人理,於是就走回上去.

之後我決定行第二條路,好似叫做研習徑,當我想上去的時候,黃澤突然又想跟我行,所以我

地就兩個人行上山,行下行下突然遇到野狗,本來有少少驚,不過見這狗唔係太大隻,整整不我

地就趕走佢落山,不過佢落到山,有D人驚,所以蝴蝶就去左趕狗再落更深,不過佢趕趕下,無啦啦

見到有野豬,跟住蝴蝶就即刻飛奔番上黎,之後佢同我地講話有野豬,在好奇的低下,我地決定組

隊落山,組左四個人,就跟住蝴蝶落山,但係我地愈落愈深,去到盡頭,都係見唔番隻野豬,全程我地行左

30分鐘,之後仲要上番山,即係行1小時,上番山後,我就同蝴蝶玩捉人,捉捉下就夠鐘要上車走人~~

就係咁就過左我的旅行啦~ 都好開心~ 

(唔好以為睇完,仲有兩日未寫!!!唔好走住!!!)

The 星期六:

星期六我本身其實係冇咩野做既,但係我呀爸無啦啦心血來潮,話好耐冇帶過我旅行喎~

所以我就同我爸媽去一個叫綠田野既地方,其實個度係一個燒烤場黎~不過佢有D地方可以比人去參觀~

我地入左去之後,就見到有.........一隻大牛和兩 、三隻羊!!!我呀爸就向D婆婆買左一束草,係比D牛同羊食既~

佢地食得很大聲,好似好好味咁~有圖:

D羊隻眼原來係負號的,好可愛呀~

隻牛成日都爭草食,我比草佢食,佢仲搶了我第二隻手上的草,好大力呀~ ><

跟住有一個農場係種菜的,冇咩特別:

之後都冇咩比較特別,然後我地就返屋並企,我就繼續做功課.

接下來的是星期日:

星期日,我地成家人去左燒野食!其實就冇咩特別,

在燒烤場的外圍有個沙灘,我哥買左個風笋比我,不過我由於唔識放風笋,所以最後都係放唔到,

之後我去左沙灘釣魚,但亳無收獲,而且仲搞到被蚊叮添,哈~

不過還是十分開心~

終於都打完啦,多謝大家用了時間睇,

thx~

今日起身早過昨天1小時啊!即是11:00a.m.起身.今日既早餐係麥皮,

話好味又唔係,話唔好味又唔係,都唔知點形容,總知就係食得落既味啦~

但由於整得太多,所以留左一大半.

之後我就返左入房進行無聊的活動(都是些打機呀,上下網咁啦~)

就這樣,又過了一日啦~無咩特別~

雖然返學多D特別既事,但係又要晨早7:00a.m.起身,

都唔知我鍾意放假定返學? ^^

距離旅行仲有4日~快啦~

see you~

今日一起身,就已經係十二點鐘喇~十二點半,我爸媽買咗早餐返到黎!

之後過咗幾個鐘,我班friend就過到黎我屋企啦~佢地一黎到,就係到爭電腦

黎玩!一玩就玩到4:30,之後我地就落咗頌富商場到買旅行要食既野!之後就去咗.

==============================================================

我開咗facebook啦~想加我的在以下

[email protected]

see you ~