尋晚失眠∼∼攪到兩點幾先訓到！！今朝又要７點起身∼∼想死＞＜！！咁算啦∼番到堂堂都攰到釣哂魚！！今日問咗ｍｉｓｓ我化學幾多分∼∼原本我以為自己應該得１０分．．但估唔到有１９分（份卷５０分滿分！！）！！不過都好ｄｏｗｎ＝　＝！！自己溫咗兩日．．但都係咁低分，唉．．．都唔知咁努力仲咩！！跟住捱到放學∼∼番到屋企換咗３，出咗去做ｄ野，大慨８點到就去咗學橋牌！！１０點到番屋企玩咗陣勁舞團．．．跟住家豪又上黎借我部機打！！咁算啦∼∼我都唔打比佢玩ｌｏ∼跟住走咗去沖涼打日記訓覺！！

ｐ．ｓ　究竟我係唔係讀書既材料．．．有冇人可以講我知！！＝口＝"

尋日因為掛住溫書所以唔打∼∼不過今日就一定打番！！

今日測完驗∼∼但我發覺有好多都應該錯！！不過算啦∼∼咁今日中秋，我同呀爸食完飯．．．之後我個ｆｄ又話唔得閒出去睇戲＝口＝！！比佢攪到我唔知點好．．．不過好彩有另一排ｆｄ叫咗我出旺中玩！！同佢地係旺中玩完打拳機∼∼又同佢地去大圍玩！！我地今日玩得好癲∼∼簡直唔係平時既我！！跟住同佢玩到２∼３點就去咗食消夜，然後再同２個ｆｄ坐ｎ２６０番屯門！！但我唔想咁快番屋企∼∼又去咗轉沙灘同排ｆｄ吹水！！最後又係玩同５點幾先番屋企∼沖涼打日記同訓覺！！

ｐ．ｓ　玩到好攰∼∼好眼訓呀！！（又比你放飛機∼∼心都淡埋）＝口＝"

今日唔打日記住∼∼∼聽日補打番！！因為聽日要測化學！！今年中五最後一次∼∼所以要全力溫書！！！

希望聽日我可以合格啦！！！＝　＝

今日開始過得好快∼∼

英文堂淨係讀生字同作文，好悶＞＜！！中文堂聽故仔！！電腦堂就學整動畫！！生物堂就小測∼∼不過我１６分拎到８分，岩岩好合格，算好彩＝口＝！！

咁跟住晏翌食飯同大佬，陳浩同忽咀落咗去食！！今日ｄ飯都ｏｋ好食＝　＝！！

食完飯打後個兩堂都好悶∼∼跟住落咗去禮堂週會！！今日最好笑係ｄ領袖生要比人問佢地問題∼∼關於校規既！！點知．．．成排領袖生比人串到唔識講嘢，仲要淆哂底^^！！超好笑∼∼最好笑既係∼有個女leader叫ｄ同學唔好電髮！！跟住即刻有人問佢∼∼咁你自己電髮咁點先！！佢即刻啞哂！！睇到佢個無奈樣都笑死∼∼就係咁玩玩下就完咗個週會！！加上今日唔使補化學∼∼所以４點３５分就放咗學！！我同個ｆｄ搭小巴番咗屋企∼∼之後同咗雲仔去沙灘傾星期六ｄ嘢！！傾到７點幾，我地兩個各自番屋企！！咁我食完飯就做數同溫一溫ｄ化學∼∼溫完就打埋日記同沖涼訓覺ｌｕ∼∼

ｐ．ｓ　星期５化學測驗∼∼溫極都有好多唔識！！點算呀．．．救命呀＞＜！！

今日發生ｄ嘢∼∼唔想提

淨係想用一首歌表達自己心情∼∼

餘震

離去的 如廢墟中得救光榮地脫身
遺棄的 任水深跟火熱撲向一個人
共妳再戀早知是餘震 讓重傷的心再添缺憾
還剩低的寄望最後也犧牲

# 妳的吻 像龍捲風吹過 怎可對抗這吸引
身貼身 如海嘯沖擊我 使我向下沉
再走近 是我完全難自禁
就算知道實在太愚笨 到底一刻也算是緣份 #

天地淪陷 餘震是痛苦中 一絲興奮

懷緬的 如美景一幅那災情未發生
期盼的 是彼此不傷害卻已不可能
共妳再戀早知是餘震 讓重傷的心再添缺憾
還剩低的寄望最後也犧牲

仍然願靠近 誰又理朦朧夜裡 天沉地暗