今日３１號！！比１０幾電話炸到去咗身，咁我拎咗錢比匡爺叫佢幫我比許多樂∼∼但原本就好多ｆｄ叫我出，最後都係比人放飛機＼．／！！好彩我都約到ＮＣ出街∼∼咁我同ＮＣ個ｄ出咗去ＣＢ，但係逼到爆哂！！所以提早番屯門倒數∼∼之後同Ｎｃ家俊佢地玩同４點幾！！之後送Ｎｃ搭車．．．之後同肥倫傾咗計！！就番屋企訓覺∼∼

　　　呢排都冇打∼∼一來要溫書，二來有好多嘢要做！！不過個人真係好攰∼∼受完一個打擊都唔夠！！仲要黎多次∼∼點解可以咁．．．我辛辛苦苦起番身！！但最後都係比人整到跌番底∼∼今次我要幾耐先可以康復！！？？

ｐ．ｓ　我好想安安靜靜咁抖下∼∼唔想再又傷害！！

　　　　今日同匡爺．小妹同肥倫去咗金禾打機！！之後玩到５點先番∼∼番到去咗同匡爺食飯，再同肥倫打咗陣機！！跟住送咗匡爺走∼∼就同肥倫四圍遊！！玩到１２點幾先番屋企沖涼訓覺！！

ｐ．ｓ　死啦．．．聽日點算！！

　　　　　今日聖誕節∼∼原本都以為冇街出！！點知輝少打比我∼∼叫我出街！！之後同佢同肥倫出咗去西九龍打機同食飯！！玩到勁顛∼∼跟住搭車番屋企！！沖涼訓覺！！＝０＝

ｐ．ｓ　最開心既一年聖誕節！！

　　　　今朝６點幾匡爺打比我∼∼點知坐咗係梳化到訓咗！！起身個時１點幾∼∼攪到Ｌａｓｔ一年Ｄａｙ　ｃａｍｐ都去唔到＞＜！！唉．．．跟住一路悶到３點半，匡爺再打比我叫我去學校搵佢地！！番到去見到佢地踢緊波∼∼等佢地踢完就幫佢地拎ｄ燒淨既食物去卓賢呀婆屋企！！ｄ肉勁重＝０＝！！拎完上去之後∼∼我同呀港．小明．卓賢．匡爺去咗機鋪搵肥倫！！再去華都個間打頭Ｄ．．．玩完之後匡爺．小明．肥倫去蝴蝶灣搵爐！！我同卓賢去拎嘢∼∼拎到我地兩個死死下＼．／！！我地去到沙灘ｊｏｉｎ埋匡爺同小明∼∼跟住我同匡爺搵爐！！好彩咁比我地搵到個爐人地係燒半個鐘就走∼∼咁我同匡爺出去買蜜糖個ｄ嘢，順便接埋輝少！！我地買完入番去個時．．．人地岩岩好走！！咁我地開始燒．．．燒到１１點幾就走咗！！但我同肥倫係籃球場吹水吹同４點先番屋企沖涼訓覺！！

ｐ．ｓ　好嬲自己去唔到ｃａｍｐ∼∼但開心有得同佢地燒嘢食！！