呢幾日出街食飯都聽到員工鬧不和既事

上一次係年初四, 廚房傳出爭吵聲, 跟住大打出手
佢地由廚房打到出黎, 比我地呢D食客睇到哂
當時個經理似乎搞唔掂佢地

今次係年初七, 好耐都無去嗰間餐廳食
等緊野食既時候, D伙計開始嘈
以為係佢地平日做野溝通既模式啦
點知唔係, 其中一個伙計喺隔離檯寫食客order野食既時候
個伙計突然將手上寫野食嗰搭紙同支筆好大力咁丟落地下
講左一句「咁咪唔好做囉」
跟著拿拿林咁喺櫃度拎番自己既物品, 全程係非常大動作
最後就氣憤地離開, 無番轉頭, 咁就劈炮唔撈

經過呢兩件事之後
令我質疑做飲食呢行係咪好容易會做得唔開心?
以上兩件事都係因為員工同員工之間既不和引起
佢地因乜事嘈我唔想知, 但我想知既反而係
而家香港D伙計侍應活在當下, 係咪真係咁容易動粗發火?
唔單止做飲食呢行, 反觀而家香港人既快樂指數
過時過節都比我地見到D伙計鬼殺咁嘈
所以我覺得香港人不快樂
 

朝早間學校勁濕...
放學, 4點3去灣仔搞辦身分證手續
原來嗰陣時入境處就快刪門
嗰陣時非常少人, 所以辦證過程好快, 5點已經搞掂哂
辦完落去等巴士回家
等左超過3個字先黎一架, 嗰架仲要係「客滿」
跟住又再白等多近兩個字先上到車
巴士行到東區走廊又塞車, 喺車度又恰左一段時間
番到屋企已經6點

2月8日, 我非常開心, 我踏出左社交既一大步
玩得好開心, 多謝ANDY,JONATHAN and ATKIN......

(閱讀全文)

我今日點都要抽時間打BLOG
因為呢幾日發生既事一定要記低同分享
就由今日講起
今日上英文堂我收到記缺點家長通知書
原因係未完成英文網上練習九成或以上
當我簽左名確認缺點後已經有唔開心
點知上堂過左一段時間, MISS叫我簽答問題
我唔識答, MISS係咁迫我講reason
以我當時既情緒實在不容許我繼續作聲
答完問題後, 即刻流淚, 好快就忍唔住無聲地喊左出黎
差唔多成班都知道我喊, 係咁掩著自己塊......

(閱讀全文)