第一日正式番學
一入學校門口, 無人幫我探熱, 去左食物部食野
有音樂可以聽, 然之後番上班房, 又有音樂聽
正式番學日上堂前中央廣播播音樂真係好特別
9月3日係星期四, 要上9堂, 正常要4點3先可以放學
所以逢星期四我呢班應該會吃力啲, 因為要上9堂
上第一堂之前有4個字時間睇英文既新聞
真係播番前一晚既7點半新聞報道, 4個字播唔哂
個老師只係要我地睇吓字幕,
我覺得個老師應該解少少D字比我地聽
好似新聞有Poland呢隻字
我認為老師最低限度都可以同我地講下Poland係波蘭
唔可以比我地睇左就算
正式上堂, 第一堂係中文堂, 簡介試卷形式同講「描寫人物」
地理堂5G班加埋我得9個人上, 原來我呢班有好多人唔修地理
個miss好似補習老師咁
miss lam話今年教左上屆會考生地理好多人都考得好好, 合格率最多
首先佢教「農業」, 教得都OK丫
經濟堂, 呂 miss表面上嚴肅，但內裏應該幾好
第一堂即刻要我地喺30號要做哂過去10年卷一pastpaper
呆左, 跟著要我地分組腦mind map寫番中四啲野
期間我自己彈左出去搵miss講明我係repeater, econ係最差
佢應該知我既情況架喇, 後尾分組出去report, 得兩組report
我係其中一個, 但我report既時候已經打鐘
跟著呢堂我唔駛上, 要落圖書館自修
其實無自修到, 想同番啲同學仔吹下水
因為初期想認識多啲呢間學校, 好多謝佢地講左唔少野我知
好快就lunch, 落樓下食物部買飯, 睇其他人點買飯先
之後自己都買埋, 買左一次適應左, 夾飯菜比我o個個人好好
佢知道我係新生佢夾多一個餸比我, 真係好好
英文堂個miss好後生
暫時睇左一堂覺得佢教得同嶺南個周美貞無乜分別
同埋英文係從G班同T班分兩個group
呢一班groupA好多人, 人地groupB少人好多
groupA 照計應該係較需要加強英文嗰一group
加上睇呢個miss第一日同我地班上堂安排好似好亂咁
所以真係唔知呢個miss有乜野料同點教
第一堂又唔介紹自己, 就叫哂全班人逐個介紹自己
個miss認識哂我地, 但我呢啲新生其實仲未知佢姓咩= =
終於知道辛可兒都係喺呢間repeat, 真係估唔到
介紹完就教書, 講reading book,
講真, 佢教得令我好想訓
好彩我前面左邊同後面都係同班既同學
又識左坐我隔離嗰個T班既同學, 所以有得傾計
另一方面, 因為我買舊書, 所以無MOCK TESTS
我問miss, 佢又唔想我copy因為版權
係咁要我再諗方法, 回想起嶺南既周美貞又係咁樣講的唉!
上完英文堂又有次recess
但呢個recess好短得5分鐘, 就要上數學堂
呢個蔡sir就係上次會考嗰日黎呢間學校
interview in 我嗰位呀sir, 第一堂溫方程
今日可以準時4點3走啫
不過呀sir已經講明下星期開始
每逢星期四唔會成日都可以咁準時放了- -
放學後落教員室想搵CIT老師
點知又見到蔡sir, 佢都同我講我好似好熟口面
佢都話好係上次in(interview)我嗰個, 佢又係叫我比心機
後尾佢幫我搵左CIT 陸sir出黎同我見面
我諗日後搵CIT呀SIR都係咁架喇, 因為CIT我係自修
佢向我了解左我讀CIT既情況話會跟進, 搵完佢就可以走了
咁就完左一日
