3月5日去蘇浙考世史。住柴灣既我好開心有學校線直達寶馬山，非常方便。本身我搭開81S，因為81S通常較靜。由於我今次miss左一班81S，所以轉搭529P。

搭左529P一次咁大把，就比我有另一種感覺。我坐喺巴士下層最後嗰排位，坐喺下層得1個唔係學生。我見到部分學生有好多計傾，氣氛非常好，就算坐喺隔離嗰個唔係同校同學，佢地都好傾得埋，我諗咁傾得埋都係因為佢地次次番學都要搭朝早得嗰兩至三班既學校線, 所以成日都有機會撞到。

通常學校線一到炮台山開始向左轉上山既時候，啲學生就準備落車，我話佢地傾得埋嗰堆就應該讀李潤田。就係因為佢地好好傾，巴士下一站到李潤田既時候佢地無禁鐘，無人禁鐘喎，正當佢地準備咩袋落車既時候，巴士司機飛左李潤田個站，跟住佢地個個呆左，見到佢地啲反應真係非常搞笑，佢地普遍咁話「哎呀..」「我地無禁鐘...」「我地仲以為人地會禁鐘麻..」「又要行多幾步路lu..」等等，咁佢地最終就喺下一個站禁鐘落番車。

佢地落哂車之後，成個下層車廂當堂靜哂。我頭先咪話下層得一位乘客唔係學生黎既，主角到呢個人。我明顯地聽到佢趁傾計班友落哂車，當面向司機對質，佢不滿司機乘客唔禁鐘就唔停站比人落...「我已經見過你次次都係咁架喇，金文泰又係咁..」佢既意思即係話，司機應該知道佢地讀邊間，就算佢地唔記得禁鐘都應該停個站比佢地落車，即係不滿司機太死板，見人禁鐘先開門比人落。佢鬧完個司機之後睇見佢係咁望住車長名牌、熱線電話o個啲，跟住仲禁住自己部手機，擺到明係要打電話去投訴啦。我就聽唔到佢投訴，只係見佢聽住部電話落埋車，成件事就完左。

我就認為，一路以黎學校線，一上山就差唔多每個站都會有人落車，尤其係李潤田個站，我搭左幾次81S，就算今次係我第一次529P，都見到落車落得最多人既都係李潤田個站。不過又見到佢地傾計班友唔記得落車都無乜點介意，我諗因為兩個站之間距離相差唔太遠。究竟經過呢件事，嗰個巴士司機係咪錯？定係投訴司機嗰位乘客做得多餘咗？

恭喜KENNETH's BLOG (QOOZA) 
瀏覽人數達8000人次

搵左維他奶既 Stand By Me 黎賀一賀佢先＝＝
預祝佢喺今年廣告頒獎禮攞到最受歡迎電視廣告歌曲

我妹妹昨天幫我修飾左個BLOG同主頁=)