雖然今日已經係4月7日，但我都好想講番上月31日既事，既然黎到呢度當然想希望您用少少時間睇我篇咁長日記啦。

3月31日係香港文理最後上課日。由於我喺文理只係生活左半個月(都冇)，所以嗰日冇特別既感觸，反而有少少感到傷心。

當日我遲到，真係臨尾香。我本來都幾唔開心，因為喺成績表既遲到日數會有個1字。不過都唔緊要啦，我睇開左，唔好喺last day 嗰日搞到自己唔開心啦！

總括黎講，嗰日都算開心既，眼見自己既英文成績有幾大既進步，同埋好開心咁同你地班咁好既同學仔影相，留下一個美好既回憶。不過，排除左遲到因素，有一件小事令到自己唔開心。

喺中史堂影班相既時候，我地全班企埋一齊影合照，隔離班有個有心人幫我地班全部有帶相機既人每部影一張(包括我嗰部)。我班某一位同學喺影合照既時候做出既野令我好傷心。當佢見到嗰位有心人拎住我部相機準備影相既時候，佢即刻話「我唔影喇...」跟住就呢喺前面嗰位同學既後面避我個鏡頭。我企喺佢附近，我非常清楚佢講既野同佢既一舉一動，睇見佢咁我非常難過，又有少少憤怒。我知佢避我鏡頭既原因，由於我之前喺班上既聚會不停咁影相，佢唔太想佢個樣喺我部相機出現，佢已經多次叫我唔好成日影佢，我好似無乜點理，不過後尾我都開始順佢意，連影片、相片呢D逢見到佢既我都會審查哂。我自問非常尊重同學仔囉，佢咁樣做真係令我好反感，比我覺得佢大細超之餘，又唔識得尊重我，點解佢要咁做！所以我日後同5G同學仔影相都避忌左好多，到近牌直情係帶左相機但我無影，變相其他同學就借我部機黎影，我已經少左自己親自當所謂既「5G御用攝影師」。

真係可惜，LAST DAY就係 LAST DAY，而家既LAST DAY都會有人用相機架啦，每位同學都有機會被入鏡架啦。老實講，我喺LAST DAY嗰日都唔太願意同人影相，因為自已樣衰，不過我都算喇，唔理得咁多，唔通人地叫我同佢影相我唔濟？咁樣好唔尊重人囉。佢呢？我話避我鏡頭嗰個呀，嗰陣時有近十部相機輪流影，佢淨係避我部相機。你避咪避囉，但我覺得佢應該同我講聲後先避囉，或者影完之後先叫我刪除左張相咪得囉，我一定會尊重你既意願架！所以經過呢件「小」事，我喺當日即時唔想影相，索性借左部機比George,Saki同Shaan，所以FACEBOOK你地見到大部分既相都係佢地3個影，而我自己亦即時變得被動，唔再主動叫人同我影相。

我講完喇，我純粹分享，我無將呢件事擺喺心入面。

再有一齣看完令我感觸落淚的電影

待續...

話說，有一日我同朋友去睇歌唱比賽，我地一齊坐喺現場參賽者A既支持區，朋友甲佢就比較鍾意參賽者B，而參賽者A同參賽者B喺今次比賽係最差嗰兩位，而今次比賽有一個參賽者將會出局。朋友甲同我講，如果參賽者B出局，下一次我唔再黎睇。跟住我就同朋友甲講，如果參賽者A出局，下一次我地都唔會再黎睇。朋友甲笑到飛起，跟住朋友乙丙又喺度笑...

其實，我回應朋友甲嗰句真係咁搞笑？

結果，參賽者A今次係過到關，࢒......

(閱讀全文)