今日係我校好似係第一次係九龍公園搞水運會

算佢醒返次

因為呢度一來冇觀塘咁焗

二來又夠涼

三來仲要有冷氣

...我係咪講緊廢話!?

最好睇莫過於睇陳錫屈機

最搞笑就係睇盧梓泓包尾

聽肥年講...佢House個隊長話

又係佢呀...唉...大家打下氣啦下

即係証明左佢年年都係包尾

仲要年年參加

佢真係勇敗

不過 今日d F.1 真係出哂醜

雖然我游得唔快

但一定好過佢地...

人地游200米可能仲快過佢游50米

跟住放學 就同片王, 郭, 肥年, 肥仔去左美麗華唱k

其中片王仲要做左d 好低能既野

肥年叫肥仔打去服務台搵人

佢拎佢部手電出黎 笑死我地

玩得好開心既一日!

今日病左..

其實都唔係算病

只不過係有少少喉嚨痛

本來肥仔今日叫我入西貢踢波

但係為左將我既狀態提升到星期三最高境界

我都係係番home休養生息

跟住6點幾 就出左灣仔食飯

d野食十分美味

到左主菜...蟹既時侯

數量竟然有二十幾隻之多

我垂涎三尺, 諗住速速Ko第一隻先

點知四伯娘拎走左兩隻

ok fine, 反正我兩個堂家姐都要食

跟住三伯父又拎走兩隻

姑媽拎走一隻

okok! 冇問題, 反正仲有兩隻係枱面

正當我就黎食完第一隻果陣

姑媽突然拎走埋果兩隻!

...你食唔食得哂呀...大姐

一個人食3隻...唔好咁過份

仲要咁抵死問我要唔要, 要就拎番出黎

唉 明知我唔夠喉...

最令我反感果陣係我答無所謂果陣 佢仲要係度笑

唔知佢係笑我個答案

定係自己以笑遮醜因為獨吞3隻蟹!?

到左尾兩個菜我既感覺仲係肚餓

果餅糖醋麵, 全部人分簿哂

豈有此理!!!!!!!!!!!!!!!

食埋3件大馬拉榚同南瓜芋泥之後都仲係肚空空

算...返屋企 訓 覺!

今日一起身...哇...9點

急急腳換3返工~

跟住都係派下傳單...

悶悶既一日

跟住3點幾屎忽龍打過黎

原來佢去左片王home

但係片王醒唔起隻we借左比人

於是佢地就等我放工諗住一齊睇戲

去到鑽石山佢兩條友又唔知點咁

玩左陣街霸...Orz

我用日版肥年(貴花田) 狂sm春麗

不過都係輸左比個細路

有條白痴仔 自己未睇過果d戲就話係爛戲

咁又係 佢自己都係爛人一件

佢地兩條友走左過黎行左一陣就走

今日屎忽龍真係超樣衰...

tee+籃球褲+New Balance鞋:o)

今日頭一堂Bio...要默書...

都唔知點解到左F.4仲要咁低能默生字

發水仲要白痴到收緊簿果陣係projecter果度show哂d生字出黎

我冇改到我d Ans...因為唔洗知已經岩哂

跟住兩堂PE

一分鐘46下sit up...做到46就抖左一陣等吹雞叫停止

d傻仔做到50下以為自己好勁

周圍問人, 跟住要人地問番佢

下個測驗題目係拉筋...

我覺得呢個測驗好唔公平, 應該比d時間我預備下

不過好彩...都合格

測完兩樣就去左踢波

又係打籃球果班人阻住哂

唔知點解學校個場愈打愈唔起勁

西瓜波又輕又難控相信係其中原因之一

玩到成身汗, 落堂想買野飲果陣招洋只係比我地買水

真係過份...

RS, 竟然出現全班都訓哂既奇景

曾Sir既功力不可以小覷

中文堂, 黃仔好好咁比左4個字我地去訓

食飯同肥仔返課室溫Phy

畫Graph一d都唔識

尾兩堂小組討論...

講兩個老師帶十個學生去西貢燒野食,

唔見左一個, 叫我地討論一下點做...

智麟爆左句 : "佢地應該即刻去搵個唔見左既學生"

廢話...佢仲要大條道理咁話呢句說話講得冇錯

係就係冇錯, 不過大家都知既野你仲講黎做乜? 唔好兜喇:o)

跟住梅佬仲衰, 佢爆左句 : "佢地唔應該繼續燒野食..."

...笑到智麟, 我同梁炘死

搞到Miss Mak望住我地呢組

我笑得最大聲, 第一次討論完之後

老麥竟然叫我同其他隨機抽既學生做多次討論

徐朗賢一講野

Felix就忍唔住笑

搞到我又忍唔住笑

係果陣我唯有扮咳...

好彩有熹東兄

如果唔係會DeaD Air...

尾兩堂...測Phy...

只求夠分合格...

放學就換衫落去同肥年踢波波

不過踢踢下有個老姑婆走過黎煩我地

真係冇癮

今日李仲安又冇搵我!! 都算暫時安全啦!!

希望過埋聽日佢... 過埋星期六日同埋Swimming Gala就安全

今日頭四堂都係聽書

諗下諗下...都好似冇咩事發生

Lunch去左踢波

右腳好似傷左

希望冇咩事

尾兩堂吹水過...

跟住放學走果陣比肥年激嬲左

我真係好好恰咩?

好彩你激嬲果個係我...

=============================================

http://www.youtube.com/watch?v=6gj1ZcbJr0k

Xabi Aonso 65碼笠死門將

不過門將追個波果陣仆低左

冇仆低既話應該追到

呢d波亂射既話實比隊友鬧死