今日真係驚險萬分

今朝起身食左阿媽煮既野之後

練左一陣琴, 冇幾耐就出去學琴啦

由於腸胃好番冇耐, 所以我都唔敢食太油既野

但係呢d 一一都唔係重點

學完琴之後, 我就開始返屋企既旅程

清新既清風迎面吹來,

我除除行走, 當行到落漫畫店既時侯

正好係一個機會比我睇下有冇新漫畫出

突然, 漫畫店入面籠罩住一陣令我窒息既氣味

我走馬看花咁睇完確定冇新漫畫之後, 就行出漫畫店

又突然, 我個肚痛到母親都唔認得

我原來想忍到番屋企, 但係我見事情不妙

唯有急步行番上商場, 上電梯既時侯我再一次悲嘆而家d 人係唔識上下樓梯靠右走既個道理

只可以慢慢等到電梯上到一層, 爬左佢頭之後,

我又經過左四條電梯, 終於發現男廁,

不過隨之而來既係我第三隻眼帶來既衝擊

我緊閉 "眼睛" 極速奔向男廁...

好彩成功忍到... 如果唔係我一世英名就咁就...!?

唔經唔覺又到左星期四

唔知點解今個星期過得好快

今日番去頭兩堂係Phy, 佢教Force 果d我唔係好明

唯有溫多d啦...

之後數學堂, yahoo~~ 唔洗比人絕水絕糧, 多得我謹慎咋...

跟住一堂中文... 好快過左

兩堂a Math又教新野, 舊野都未完全掌握就黎新野

下星期二就測... 要加緊溫書

第七堂鬼婆帶左d 野食落黎比我地,

雖然唔知係乜東東, 不過又幾好味...

我食完野就佢有佢教書, 我就做a math

最尾RS 都係做功課, 因為今次係計測驗分所以特別認真

交埋功課就搞掂埋A math就番黎休息 & 溫Bio...

今朝郭叫我睇Kai 霖xanga,

睇左之後竟然係...

「我要我下測Phy 全班最高分, 竟然有人話我發夢...

我諗你地一定係想測完之後串返我, 雖然係冇可能, 但我都希望你地努力」既字句啦

望住呢d 野, 可能係我份人比較木獨, 睇完之後冇咩感覺

只係對住個Mon 冷笑左一陣

時間會證明一切, 大家唔需要氣憤...

=============================================

今日第一堂班主任, 做完correction 就落左堂

跟住一堂數學, 大雄話比多次機會我地... yeah, 唔洗絕水絕糧住

跟住兩堂英文, 好彩有d 敏感話題講下, 如果唔係一早訓著左~

5, 6堂chem Messi 冇返... 岩岩先話追番上課程表又病, 真慘

所以5, 6堂大雄就拎左黎叫我地改數, 希望順利過骨

lunch留左係班房考朗讀, 段野成日有d 我地日常生活冇可能接觸到既字

讀得岩係好彩, 讀錯係人之常情

與其投放咁多既時間去學點讀果d 字

倒不如溫多兩頁書

最尾兩堂Bio, test 有理想分數, 但係都係嫌唔夠

==========================================

我最憎就係一d 人恃住自己有私人補習, 上堂就唔q 聽書

訓覺, 撩人傾計, 呢種學習態度我真係極為厭惡

 今日番到去... 頭一, 二堂電腦堂

有得用電腦都冇咩野睇... 悶到死

原來冇開到冷氣, 成個課室充滿住悶焗感覺

跟住中文堂, 唔知邊條友係度開風扇

咁鬼多手都有...

跟住兩堂Maths, 又係悶到喊

食左少少野... 但係要洗完手打多自己兩巴先醒

lunch去左好耐冇去食既啟眾...

之後chem 又quiz... 感覺良好

不過第一題冇溫到, 亦都估唔到Messi 夠膽死出

最後a math派番野... 我低Chris 兩分...

okay, 放學去左新場踢波

太耐冇踢, 連波都唔識射

跟住同街場d 人踢, 我打右閘位都係唔係幾好咁

覺得自己都跑得幾慢, 可能係肥同重啦

所以要連好體能填補速度既不足

番屋企見到阿哥入左全國大學生聯賽正選11人...

令我決心更大... 希望呢個決心唔會太快冇左...