忘記了最初的夢

尋晚去左呀輝屋企打邊爐,仲係佢度過夜(冇訓過,打機+煲戲通夜+抄功課),

今朝早8點返屋企,一返屋企就沖左涼先跟住又係度打機同煲卡通11點半左右

我就去遲工,去到地鐵站見到好多人拎住好多野,新翠商場果邊封左路,我唔知

今日係咩日子,不過估到d人係去拜山。去到吉野家到我就搵經理同佢講我要

遲工,佢拎份野比我簽,一邊拎比我一邊係度講:<個個好似你咁做一日就唔做,

唔洗做啦,辛苦少少就唔肯做。>其實我好想同佢講果個位唔係人做既

搬搬抬抬都冇所謂呀,仲要洗野先死呀ma,d野做要洗到好乾淨呢= =癡線

m記都係$20蚊一個鐘,都唔洗咁辛苦,我點解仲要係度傻做呀,其實最重要既係

我既健康問題,我做左一晚5個鐘第二日我背脊好痛,對手都累到唔係好出到力,

左手更加好似廢左咁,仲有好多地方都有傷痕,做一晚已經咁,仲叫我點做落去呀

~!!!

行返屋企途中,我係度諗,乜我自己係堅持唔到咩,我既信念又係乜野?老實講

我咁早放棄真係唔係好似我,之後我又諗到我最初既夢想係乜野?好似已經唔

記得左,我e+就好似乜都冇咁:冇目標,冇理夢,冇夢想,冇信念,冇勇氣,冇信心

......我記得耐之前我係好樂觀,有勇氣,有信心...仲有自己愛既信念...目標都

有,經過左好多事之後,我就變到咩都唔上心,咩都想放棄,仲用認命既心態過日

子,我e+真係好冇用......

我唔明,我唔明點解我會成日都咁黑

我之前明明係好努力嫁,但係點解我e+

變左個咁既人?

點解e+既我搵唔到目標同夢想?

點解我要咁易放棄?

事情往往都能輕易就改變一個人,

為何有很多事情就算人付出最大的

努力都不能改變事情?!

為何我又要被事情改變我?因為我是軟弱!

現在的我要尋回昔日的自己~!