我不算是好人,但一定不是壞人!
4月4,5,6日
首先4月4日
一朝早起身就同我家姐鬧交@@本身日日都係我煮飯比我呀婆食緊,但係今日因為我訓緊唔想起身住,又見11點幾,平時我呀婆係e個時候都肚餓嫁啦!我家姐一早起左身,我就叫佢代我煮一次啦~佢話咁早,唔洗咁早煮呀!我話呀婆肚餓啦!煮啦~講左好耐佢先煮= =跟住佢真係煮左飯呀,但係冇煮埋送,頂!佢都低能既= =叫我呀婆食白飯咩,我又話佢囉,佢又話遲d先啦,我又話左佢好耐......佢又先去煮埋送,好啦煮完啦!佢又唔肯拎d野出黎,仲同我呀婆講話,肚餓同我講 佢一d都唔了解我呀婆@@我呀婆肚餓都唔會出聲嫁,我咪又話佢囉,又頂返我轉頭= =好似係佢岩咁。跟住本身今日偉哥約左我去燒野食既,= =不過又放左我飛機,冇計啦,又要係屋企打機+煲動畫過日,真係悶到嘔~!
4月5日
今日係去行山呀~唔洗困係屋企啦!
去到筲箕灣,買水先@@我買左5支水同兩支芒果茶仲有幾支珍寶珠,好似買得太多,我傻左@@等左好耐終於等齊人出發!一上到巴士首先係d珍寶珠壯烈犧牲= =得返一支比我自己,好慘!去到行山果到啦!開頭要向上行,好累,之後上到去一個位睇到海景,好正!行下又上d行下又上d沿途見到好多好靚既風好正呀!太陽好曬,但係山上面d風好涼!行完全程好累呀,呀輝話今晚又去佢到打邊爐,我成日都冇野做,緊係去啦!返左屋企沖完涼就去返筲箕灣同佢地去買野,個個人冇錢,激死......不過都買到唔少野去食~係呀輝到我整爆左支氣水,爆到周圍都係!佢地話有我係到都冇好事發生既!跟住佢地諗返好多同我一齊既黑事~= =我都唔想嫁,我出世到e+都係咁黑仔,係我身邊又點會有好事呀!佢地唔會當我係溫神呱!今晚我唔係佢到過夜啦!第日有同學黎我到整3呀ma~!補充:打邊爐既人有我,呀輝,霖哥,肥仔@@仲有呀富!出錢買野既人有我,呀富仲有呀輝,唔知我係咪出得最多,我出左70蚊左右。不過都冇人夾返錢比我~算數~~
4月6日
我9點起身打左陣機,玩到12點幾就出去接d同學黎我屋企整3,我係最早果個去到集合地點= =等左10幾分鐘齊人向我屋企出發!不過去我屋企之前,去左7仔買野飲,我本身諗住請佢地飲紙包飲品,不過死杜嵐拎左支樽裝野飲以為佢出自己果份,點知其他人都拎樽裝野飲,找數果時我以為杜嵐會自己出錢點知,佢個死仔,仲係個孤寒鬼,激死找數又係我= =死人孤寒鬼!佢地上到我屋企係做野既都算啦!可惜唔係= =個個係到搵野食,做野好似得我一個,2點半其中一個女同學要早走,我好心送佢,點知佢係咁叫我行前面,我都唔鍾意行人地前面既= =算!不過感覺好怪係msn同佢好多野傾,係現實佢就好似隱蔽青年咁,雙重人格,好驚 其實我寧願係現實同佢多野傾好過......送完人走,返到屋企見其他人圍住部電腦,= =又冇做野,頂!激死我......之後冇耐真係唔做野就走哂= =,佢地食我屋企d野等於食我d肉,好心痛~ 我未做過功課,今晚又死緊啦!
從來沒我份,犧牲當做例行!
其實我一d都唔介意犧牲,因為如果冇人肯犧牲,其他人又點會安心呀!幫人其實都唔錯呀!
我今日突然諗住一個問題:如果我聽日就會死,我想做既最後一件事係做咩呢?我同自己講我會同我係e個世界最愛既人講多一次我愛你!
不過其實都係等死!
幫人為喜,助人為樂。
多點人這樣想,世界的黑暗會否少一點?
|
