~《Ti amo(中)》~
自從小琪唔認得佢之後,小翼就一直好失望….但係佢有一個決心,就係要令到小琪記得番佢….
第2日…
小翼去左小琪既班房搵佢,但係唔見佢,於是,佢問左個同學…
小翼:同學呀,知唔知小琪佢去左邊呀?
同學:佢好似仲未番bo….
小翼:哦…咁你知唔知佢去完意大利番黎發生左d咩事呀?
同學:聽講,好似係意大利遇上車禍…
小翼:車禍!?唔該晒你呀…
小翼:小琪遇上車禍?難怪佢唔記得我啦…但係佢好似只係唔記得我炸喎….
小翼一路上都係度自言自語…呢個時候,小琪咁岩係前面行緊過黎…
小琪:咦?你好呀,小翼!
小翼:哦,你好呀,小琪!
小翼心諗::小琪記得我個名既?即係佢對我有d記憶?
小琪:小翼,小翼!
小翼:咩事呀?
小琪:我想問,我地之前係咪識得ga?
小翼:係呀,係咪有d印象呀?
小琪:sor呀,諗唔起…
小翼:…唔洗sor既,呢d勉強唔黎既…
小琪:唔唔…
之後,佢地就一齊行番課室….
到左星期日…
小翼同朋友去左玩,仲同佢講左小琪個件事…
朋友:下?咁…你咪有機會?
小翼:我都想呀…但係咁樣做唔係幾好…
朋友:唔緊要喎,你趁呢段時候,對佢好d咪得囉!
小翼:希望啦…
到左聽日…
小翼為左小琪可以同佢一齊…於是去左搵小琪….
小翼:小琪!
小琪:哦,小翼!咩事呀?
小翼:冇,我想問下,[我愛你]意大利文點讀姐?
小琪:哦!係咁讀既….Ti amo!係啦,點解咁問既?係咪同女仔講ga呢?
小翼:…係呀,我遲d諗住同個女仔講,有d新意ma…
小琪:哦,原來係咁…
就係咁,佢地每日都一齊傾計,呢段時間維持左半年既時間,而小琪慢慢都對小翼產生好感…
有一日….
小翼:小琪呀,我遲d要去外國讀書啦,你要好好保重呀!
小琪:小翼…其實我…我…
小翼:你咩呀?
小琪:我….
小琪:冇野啦!我想講你去到個邊小心身體呀!
小翼:唔唔,我會小心ga啦….
之後,小翼就去左意大利讀書,係個邊讀3年既課程…而小琪,就一直係香港等小翼既番黎….呢段情感唔知有冇可能開花結果呢?
|