尋日無無聊聊咁係度上網,睇下有咩電影睇啦!點知,比我發現到一套戲,

戲名就係「盛夏光年」,可能好多人都聽過但未睇過,因為呢個戲係關於同性戀既,所以係香港就評為3級。

哈,而我就諗住睇下有d咩咁3級!(我未睇過3級片ga!)

跟住我就去土豆網搵啦,真係有wo!

我就係咁一路睇呀睇.....

睇完之後,唔知點解個故事會咁感人呀!男同男之間既感情都可以咁!?

我睇完就去yahoo到打盛夏光年啦,睇下有咩講先!

搵左幾篇野,都係講關於呢套戲既評價,有好有唔好,好既就多d!

原來呢套戲有小說wo!

而我就中意睇書ga啦!所以都想睇,但係都落畫喧耐,仲會有小說買?

我睇左佢地評價後,原來戲入面有好多好多令人唔明既地方。

就好似結局咁,都冇講到守恆有冇中意過正行,只係講左一句:「康正行 你真得是我最好的朋友。」

可能係想講,守恆覺得唔可以失去正行,因為已經依賴左正行咁多年,唔想佢離開,但同時正生又同佢講左d野,佢既心到底係點諗都唔知。至於最後慧嘉開出車門走出去,表情露出微微既笑容,就係佢終於知道佢彗星一職既角色,只要劃過佢地之間,拉近佢地既距離,打破行星唔只繞著恆星,恆星都會繞著行星既正常規矩。仲有因為盛夏光年電影係以倒敘法黎製作既,所以一開頭係連結最後既一個小畫面,我諗個個畫面,應該係佢地都放鬆左,佢地都終於知道恆行、行星、彗星中自己存在既價值掛。

唔知你地睇唔睇,不過真係幾感人,我覺得。