晴一直係咁避開傑一,但係....避得一時避唔到一世ga....

時間過得好快,傑一要準備考試既事。

傑一雖然想考到好成績,但係另一邊又諗緊點同晴修補好d個關係....(青春期既年青人,係咁多野諗ga啦.....)

叮噹~叮噹~

傑一佢落左堂後,就去左圖書館。

傑一心諗:唉~考試呀!點解係呢時候同我黎考試?好煩ga我!

傑一掛住諗,唔小心撞到人tim!

傑一:你有冇事呀?咦,係晴?

晴冇理到傑一就好快跑左出去,傑一係後面追住晴。

傑一:晴!晴!晴呀!

晴突然停低,轉過頭望住傑一...

傑一諗住行去晴面前,但係....

晴:你唔好行埋黎呀!停,停呀!

傑一:好好好好,我停。

晴:你...想點呀?有咩就快d講。

傑一:我想同你講清楚個日既事...

晴:咁...你講啦....

傑一:其實我唔係貿貿然咁同你表白ga,我真係中意你先同你講....

傑一:我一直都好中意你,但係因為唔夠膽,成日都叫阿妹佢地幫我,但係我知要靠自己ga!所以我勇敢同你表白。其實個日,我都諗到你唔會咁快答我,你仲可以遲d先答覆我都唔緊要ga!

晴:傑一....其實,個日之後,森田黎搵過我。

傑一:佢...搵你?

晴:唔,佢同我講,佢一早就知我中意佢,而佢都知道你中意我。佢又話你係個好人,值得諗諗,我聽左之後...

傑一:你點呀?

晴:我覺得你真係一個好人,成日幫我,對其他人都好好....但係,我只係當你係我好好既朋友,sorry呀傑一。

傑一心諗:原來...我一直都會錯意,晴只係當我係佢好好既朋友,我地既程度只不過係咁樣....

傑一:唔緊要呀,你唔洗講對唔住ga!做唔成情侶,都可以做到朋友姐!

晴:你咁樂觀就好啦!我幾驚你會...唔同我做朋友呀!

傑一:我份人不嬲都係咁啦,一齊去飯堂囉!好嗎?

晴:唔,好呀!

傑一雖然慘食檸檬,做唔成情侶,都可以做朋友ga ma!就算追唔到晴,仲有其他女仔既,唔好灰心,陽光總在風雨後呀!

(考試第1日)

傑一:喂,釗呀!你有冇溫書呀?

釗:仲洗講既,冇溫。

傑一:我就有啦!今日考數學你都唔溫,唉~

釗:你定d黎,呢科唔得,仲有其他科ga ma!

傑一:唔講啦,開考啦!

叮噹~叮噹~

老師:時間夠,各位同學停筆唔好再寫啦!

老師:將試卷傳比前面既同學。

傑一:睇黎今次容易d wo!

釗:係咪真ga!

傑一:唔!

老師:好,可以放學啦!

晴:傑一呀,一齊行啦!

傑一:唔,好呀!

傑一幾個就一齊放學。

楠:哥,你同晴冇事ma?

傑一:冇事,我地朋友ma!

裕:朋友?

楠:只係朋友渣....

傑一:係呀,唔緊要wo!仲有好多好女仔ma!

釗:傑一,你識咁諗就好啦,幾咁擔心呀!

晴:你地傾緊咩呀?

釗:哦,我地傾緊今日考試渣ma...

裕:係呀!你覺得點呀,晴?

晴:我?數學科我唔係咁勁,不過最少應該可以攞到30分以上啦!

楠:哦!我就覺得今次好易啦!阿哥你覺得點呀?

傑一:ok啦!

裕:ok渣?你平時好憎呢科ga,點解....

釗:佢話有溫書wo~

晴:哦....

晴:各位,你地想唔想話遊戲呀?

傑一:咩遊戲呀?

晴:就係....「二選一」,既係問題入面,兩個入面只係可以選一個!

楠:唔錯wo!就玩呢個啦!

釗:我地去左前面間屋仔先啦!

傑一:好呀!行啦!

傑一佢地入左個間屋仔,開始左佢地所講既....遊戲!!

晴:邊個問先?

楠:「包剪揼」決定,贏個個問,跟住由第2個贏既到最尾個輸左既答一路輪住咁答。

釗:唔可以唔答ga!

傑一：廢話少講，開始！

晴：咪住!有10秒時間講。

裕:過左時間冇答個個點罰先?

楠:不如,就罰佢掌上壓啦!50次呀!

經過佢「包剪揼」之後,係裕贏左,跟住係楠,晴,釗,最後係傑一。

楠:裕,開始啦!

裕:得啦!楠,友情同愛情!

楠:友情!

裕:晴,男同女!

晴:下?女啦!

裕:釗,阿媽同阿爸!

釗:邊個ga?

裕:梗係你ga啦!

釗:阿媽!

裕:到傑一啦,錢同人!

傑一:咩人呀?

裕:你成日諗既個個人。

傑一:人!

裕:唔知邊個呢?哈哈哈......

楠:好,到我!裕,黑色同白色!

裕:黑呀!

楠:晴,飛輪海同棒棒堂!

晴:下!?死啦,兩個都中意tim...

釗:快啦,10,9,8,7...

晴:好啦,棒棒堂!

楠:到釗你啦!唔....藍底同紅底!哈~

傑一:咁搞野!

釗:唔....藍底!

楠:你唔係著紅ga咩?

釗:下一個啦!

楠:好,哥到你啦!諗到啦!晴同我!

傑一:我.....

到底傑一會講係邊個呢?

下集繼續!!