返早既日子開始習慣...
每日都係更台上補充不足的精神...
而家每次一落更台就唔眼訓...
都唔知咩意思...
我想係得閒既時候訓都唔得...
係咪有啲專制丫...
我個身體實在太過橫行霸道...
比少少主動我去揀幾時都得掛...
如果再比人知我訓...
我就死得架啦...
放工依舊都要出去做野...
不過又無得講咩既...
係我自己揀既...
唔係我做乜返早丫...
以前聽人講一句野講得好啱...
『人係唔會唔夠時間既...
只要你肯比錢買時間就有架啦...』
我當時get到既係用飛的黎攞返無左既時間...
不過而家我既解法唔同啦...
係我比多啲錢去做返早既車費...
咁我就可以有時間做我想做既事啦...
好彩係我想做咋...
一日訓得3,4個鐘你估易頂架...
做完野...
去左青衣人地屋企打邊爐...
約7點...
不過一早預早8點半先到...
問點去...
佢地講完話我要登記先入得黎喎...
不過我絕對唔需要...
因為有個外賣既丫姐帶我入去...
啲看更望住我都無講野...
去到樓下個看更大叔...
見到我問我...
『去十幾樓丫你?』
我同佢講句我去廿二樓之後佢就無阻我啦...
唔通呢個係一個陷阱...
如果講唔中層數...
佢就唔比我上...
下話...
去到...
見吝返好多好耐無見既人...
見到丫水最大感覺...
因為...
佢肥左好多丫...
不過個胸都大左唔少...
明明之前好瘦又係飛機場...
唔通一肥就會咁...
真係一個好大好大既問題丫...
佢地嗰陣已經食到七七八八...
分兩堆人打牌加鋤D...
我就諗都唔諗當然去左食野先啦...
好肚餓丫...
好彩佢地都重有d人性...
留返左d肥牛比我...
雖然之後其他野食都係丸類...
不過無計啦...
食左陣去左鋤D...
佢地買左枝40%既酒...
話輸左兩鋪就要飲一次...
我明明d牌完全係唔得...
不過十鋪都未有一次係我輸...
有時d符碌牌都可以比我無啦啦贏左...
真係估你唔到...
之後又打下牌...
臨走前玩左一次七級豬...
第一次我係以一級豬黎完成遊戲...
睇黎佢地無玩得耐...
反應慢左好多丫...
吹左一晚玩左一夜...
爽丫...
期待下次...
|
