呢排打日記既頻率少左好多...
一黎就係時間少左啦...
二黎就係開始無分特別野打啦...
你地知啦...
我份人係有野先至打既...
如果唔係我唔想日日打既野都一樣嘛...
呢個星期就好似多野做左少少...
好似日日都要全日出街咁...
25號就係文虎丫哥生日...
成班出左去同佢唱k...
不過我去到主要都係同ivy & 沁傾多...
因為ivy之前一晚無啦啦彈句好唔開心...
又話好嚴重架...
又已經同人嘈晒大交丫...
但係又唔肯同我講咩事喎...
搞到我要係咁問佢...
最後要ivy講下...
沁又講下...
又做晒timeline我先明到成件事...
不過今次老實講我就幾撐ivy啦...
但係我又唔想睇住人地之間既線斷開...
咁我就只好向好既方向諗...
不過我而家後悔啦...
因為ivy跟本就離唔開佢...
擔心都多餘既...
之後27同29號都要去上堂...
今次係去學沙灘章...
咁我下年咪可以去做沙灘囉...
時間差唔多...
但係有多d時間可以儲...
返工放工時間一流...
唔駛太早起...
放工應該都未日落...
就算唔做沙灘都試下考長工...
人工高好多...
福利又高好多...
不過上個堂用足我一日...
返早再放工等到7點先上堂...
返到屋企都成10點半...
只係早平時少少...
超慘...
咁31號...
終於到左月尾啦...
今日我又放假喎...
咁當然一定會出街啦...
不過尋晚聽唔知邊個話今日會落雨...
搞到我都唔知去邊度好...
之後諗左去碌齡...
我未碌過不過我諗好易學姐...
但係今朝起身好天都媽都唔認得丫...
一滴雨都唔落比你...
而且碌齡唔係咁好喎...
成朝都係度係咁搵去邊度好...
無啦啦比我搵到有個話海運大廈睇日落超好...
咁我重駛諗...
即刻plan去尖沙咀啦...
嗰邊多商場多夥食...
我諗點都比我捱到日落既時間既...
出到去...
去左九龍公園度行左兩個轉...
不過我地都好似無咩心機睇嗰到d雀鳥...
睇過下就算...
因為一個字...
熱丫...
熱到我d汗係額頭無停過...
好似個水源咁停唔到...
出左九公...
咁有就係咁好彩...
比like見到有架雪糕車...
佢話想食好耐好耐架啦...
不過我地出街又見唔到呢d車...
今次見咁好彩就比佢食啦...
為左佢既健康...
一個月一次雪糕姐...
當佢一見到雪糕...
嘩...!
佢隻眼見到之後發晒光...
買左之後個笑容簡直由心到笑返黎出黎...
成程食到見牙唔見眼...
雪糕既威力都大喎...
之後係咁行係咁行...
好辛苦終於等到日落...
影左好多相...
不過我就比人迫左話以後唔可以玩偷拍...
佢重靜靜地del左我幾張相...
難得我偷拍到...
你地上我個facebook自己睇下d相啦...
好一流架...
不過今日出街出夜左d...
佢返到屋企比屋企人鬧...
累到佢比人咁...
我好內疚丫...
而且重有點心痛...
對不起...!
|
