尋日香港有三號風球...
連天氣報告都話今日係多雲加有雨...
我真係唔想生日先黎八號風球...
未試過...
都唔想試...
不過睇黎連個天都鍾意我...
今日成日都好好天...
藍天到搵舊白雲都無...
更唔好話雨雲啦...
一個好好好好好好既天氣...
以我既性格...
我的確係同like慶祝今日既生日...
係去之前完全唔知會去邊...
我聽佢既講法...
差啲以為佢係想去迪欣湖...
不過估錯左...
目的地係...
愉景灣個沙灘...
我完全無帶衫去喎...
不過呢樣野已經唔係考慮既因素...
玩緊要啲嘛...
唔落水已經係好好啦...
沙呢樣野...
係咁兒拍下整到無乜就算啦...
唔覺既...
係沙灘上面堆左一個四層既蛋糕...
雖然只係沙堆...
不過都幾似架...
我地兩個人都整左成半個幾鐘架...
老實講...
真係唔知我同佢做左啲咩...
不過時間就過得好快...
再加上個天係好呃人...
明明已經7點20分...
佢重好光...
一丁點係入黑既先兆都無...
玩下玩下吹下吹人笑下笑下咁就玩左成3個幾鐘...
返到黎食野...
like好想食雪糕...
幾經辛苦我先肯比佢食...
點知間野話無雪糕...
無雪糕你打佢入餐牌做乜呢...
你擺明欺騙我地啦...
食完佢送左份生日禮物比我...
竟然係我之前想整比佢既手工藝品...
咁我咪少左一份到時佢生日既選擇囉...
唔緊要...
我都已經諗好左嗰日會點幫佢慶祝...
雖然都係係電視先見過...
不過我諗應該做到既...
只要佢既朋友們都肯幫個手既話...
一定要令佢好開心好開心...
報答佢今日帶給我的歡樂...
19歲...
重有一年就2字頭啦...
下年希望入到大學啦...
我生日願望就係下年UE可以合格...
而且同like一齊既時間都只會帶給對方歡笑...
我唔敢話可以同佢一生一世...
當然我想啦...
但係就算真係唔得...
我都希望同佢既時光總是美好...
總是充滿了歡笑...
成為我一個最好既回憶...
|
