上次出街買唔到聽日grad-din既衫...
諗住今個星期搵日出返...
點知一、二都落雨...
諗住星期三搵丫siu出...
不過like又同我講今日放假...
咁我當然揀like啦...
話晒同佢出...
我會開心好多嘛...
女人同兄弟...
so sorry...
我重色輕友到頂端...
就算siu黎問我我都推左...
我諗大家係兄弟...
你明既...
不過約like既過程都幾得意...
話說佢尋日同我講佢今日放假...
我當然問佢點解啦...
佢同我講...
『聽日咩日子你都唔知丫...
聽日端午節丫』...
對我黎講日日都係假...
完全留意唔到今日係公眾假期...
但係我對去邊度買無諗頭...
之後佢要我話事喎...
咁好辦啦...
我話事...
要like決定地點...
佢講左好幾個地點...
但係都揀返旺角...
到今日...
整頭既時候發現左屋企一支好野...
定型水...
以後對付個頭輕鬆好多倍...
點解之前唔覺架...
出去...
都係搭巴士啦...
不過害羞既我當然係無即刻做返上次做既事...
一黎就出手...
比人拒絕左咁點算呢...
不過佢照舊都係倚係我度...
但今次我同佢吹充全程...
問我講左咩我完全唔記得晒啦...
失憶...
今日我地去既地方好似唔係好多...
但係時間過得好快...
首先去荷里活...
唔係like唔醒起嗰度係有好多西裝買...
一直都忽略左呢個地方...
但係呢個時侯我已經拖左佢啦...
大膽係啱架...
荷里活d衫有一半都好formal...
不過都有d唔錯既...
不過我地都係未買...
因為要諗好駛一套先...
之後再去chic之堡...
唔記得左上次間野去左邊度...
搵返入去睇...
上次件衫已經唔見左啦...
代表住人地無碼連放都唔放出黎嚕...
chic之堡好快放棄...
之後係bossini見到件唔錯既白裇衫...
但係無買...
因為我諗住買白外套...
咪白撞白囉...
之後出到用公字黎決定...
都係要買嗰件裇衫...
但係發現唔知點解好娘...
好似大叔著咁既款...
就只好順水推舟買另一件既黑色啦...
著上身都唔錯既...
不過我今日著黑色短褲...
當然打左d折扣啦...
但係真係幾好睇...
買左佢...
買完去左中南...
行黎行去...
吹黎吹去...
突然發現左佢今朝無食野...
比我勁快夾左去食野...
許留山真係幾貴...
d野食不過不失啦...
食完睇鐘發覺已經係6點...
兩個人都呆左...
我地好似無咩行到咋喎...
之後加快行程...
同佢去左買傘先...
我濕左好多...
like都有不過就少...
因為我有袋幫佢擋左d雨啦...
但係行左一大段既冤枉路...
佢既要求講到好少...
只係白色+磨沙+無圖案+半透明+長既遮...
真係唔多囉...
但係係女人街見到最好既我地買嗰把...
雖然5個條件唔齊...
但真係都幾好睇架...
買完再殺左去荷里活...
搵件好既外套...
但係又咁啱得咁Q...
真係比我地睇中左一件...
但著上身like話有d怪...
咁咪打算放棄啦...
點知講下講下...
個老細知我係用黑色黎襯...
佢用衫架即刻襯一次比我地睇...
咁又無左個奇怪感喎...
咁重駛諗既...
買...
買嗰陣重要錢都無問過...
我重同like講笑...
如果我唔夠錢買就要你貼...
點知都係300蚊...
咁又幾抵喎...
買完...
完成左今日既任務...
同like去左花園街...
本來佢就話去睇遮既...
但之後無啦啦睇左女生既返學鞋...
重行左去金魚街...
之後先話返屋企...
行去搭車既時候經過people交電話費...
百幾蚊...
下次我會好好留意分鐘...
之後我要丟左張單之前我拖左like(係無咩放過手...只係交錢放左)...
佢見我要丟垃圾...
同我講...
『要丟垃圾就唔好拖人地啦...
你丟我丫...』
唔知點解聽到呢句...
我感覺佢係好想我拖住佢既...
唔好問我點解...
總之就係啦...
搭車走...
過左幾個站...
見到like細佬同fd上車喎...
我地兩個都同小弟d fd互相對望...
我唔知發生咩事...
不過like就好明顯成個人疾左...
佢話...
『我細佬上左呢架車...』
你講笑咋...
我都呆左係度囉...
問like細佬會唔會同父母報串...
點知係會...
唉...
點解我同佢小弟咁好彩架...
咁都比佢地撞得咁應...
咁為左令like唔好咁擔心...
我突然會講下d搞笑野佢聽...
大多都話之後會發生咩事...
一時話佢小弟會係走既時間叫like一聲家姐...
一時話會叫父母黎車站接佢...
總之講左好多笑野...
而全程車程我同佢係身貼身...
我一隻手攬住佢...
另一隻手本來無咩動作...
之後都玩下玩下與佢既手相連...
我都只係捉...
但係佢突然主動十指緊扣丫...
嘩!我的媽丫...
由這一刻開始...
我理得佢之前拒絕左我丫...
佢係我架啦...
落車既時候佢細佬都特登等我地喎...
驚死睇錯...
真係覺得好無奈...
佢返到屋企...
即刻比丫媽好聲好氣咁查詢左大半個鐘...
內容我諗都估到啦...
佢媽問佢係咪同我拍拖...
咁事實唔係...
佢答唔係啦...
佢丫媽就問唔係拍拖點解會又攬又拖...
如果可以插口...
我諗我會話...
如果拍緊拖就會多左個又錫添啦...
又問我地食野係邊個請...
如果係我答...
唔好意思...
我只會請我既女朋友食...
佢拒絕左...
所以唔係我請...
之後既我就唔知...
不過我諗都唔難諗啦...
之後like問我...
我地既關係究竟係咩...
我話你拒絕左我...
咁就一定唔係情侶啦...
親密朋友...
其實我重想講...
只要你願意...
這個過份既朋友馬上成為情人...
聽日就grad-din...
好期待丫...
|
