考完試搞左一次...
不過好多人又話要練oral...
改期之後日日都唔鬼得閒...
搵日多d人都無...
唔通得3個人去唱咩...
最後鬱鬱而散...
搞唔成...
今次我特登搞好d...
早多幾日就問下佢地得唔得閒...
重要多方面咁問...
都終於有8條友仔話去唱...
我、siu、旺、劉、湘、雯、珊、K...
4男4女夠平均...
搭地鐵去到旺角...
一落車湘就發現到丫劉同雯一齊...
佢地無拖手既...
不過雯就捉住左丫劉既手肘...
好明顯...
兩條友有路...
我地即刻兩邊打比兩個...
睇下佢地有咩反應...
兩個既回應都幾正常...
但係當我地行出黎既時間兩位就顯得好尷尬...
去到neway...
本來得7個人係房...
無啦啦又多左兩個女黎...
其中一個已經比我地唔知邊個講左句咪霸...
不過我諗我地同佢唔係咁熟...
應該唔會好咪掛...
點知...
佢咪到無得再咪...
黎左唱兩個鐘...
經非正式統計之後...
佢得一首歌係放低左支咪...
其他無論男、女、合唱...
佢都一力包辦...
有好多佢只係識兩句都要勉強跟上去唱...
不愧係一個咪神...
唱左唔知十首左右...
下一首係Joey既唔知咩歌...
佢講左一句...
『終於有一首識唱la...』
你唱咁耐先得一首識唱咁你就放低你支咪la...
之前嗰d唱晒都叫唔識唱...
好野...
之後佢再同珊講...
『如果你唔唱...
我就繼續唱落去架la...』
你都幾厚面皮喎...
前世未唱過K丫...
走既時候話走就走...
唱就唱最多...
連問一句駛唔駛夾錢都無...
我地話唔駛就另一回事...
如果你只係上黎唱幾首都由你...
你而家做咪霸...
我地比錢既都無你唱咁多...
問都唔問下...
好無禮貌...
列入黑名單forever...
之後食完...
行左好多冤枉路...
最後都係食魚蛋粉...
由旺中行去家樂嗰邊再行去朗豪坊再行返去旺中...
都幾無聊喎我地...
之後食野...
不斷吹水...
由丫劉同雯吹到aids再吹到我同siu身上...
之後就乜都吹下...
成程未停過...
唱K已經唱到沙晒...
必殺技我都唱唔到...
再加上無數時間既吹水...
而家我個喉嚨都有d野頂下頂下...
好辛苦...
下個星期五廿九原來係grad-din...
真係完全唔知囉...
重要係單班自己搞...
全班又唔知幾多個去唔到...
連地點都唔知...
搞乜鬼丫...
不過都要出去買返件衫...
買件好睇既西裝外套...
要平時出街都著得既類型...
可能之後既唔知咩面試都係件外套再襯短T牛仔褲...
完全唔想買一套真實既西裝...
買左用唔著...
最多用得一兩次...
我係唔會買架...
等我戶口入面既錢有6至7位數字...
或者我會買既...
而家啦喎...
咪搞我...
|
