估唔到今日都要六點九起身
花了個半鐘梳洗(?) 整理下
八點半 已經約左家嘉一齊去香港教育中心
對未來冇乜奢望既我聽都未聽過呢間野
原來學既都係對教育工作有幫助既
幼兒教育似乎好多人都想讀@@
其實如果我真係咁唔好彩讀唔到酒店果啲科目
我都會擺呢個係第二位的
去左個幾鐘就要走 趕住下一輪 去紅磡番ApL
今日比較特別 因為三個鐘都唔駛教書
第一部分 Extra activity 整餅!
有得玩下學下野真好 雖然我最初係想學整麵包-3-
歌劇院蛋糕,,, 我地果組整左個豆腐渣工程既歌劇院出黎 很好
味道是唔錯的 但係嫌咖啡味太重!
第二部分 評估! 為左呢次我地幾個專登著埋suit番去
點知整左餅先 其實朝早去IEd果陣都被人眼望望咁:(
But I look so professional !
評估係向客人推介加擺餐具
果然練習左係有少少用既 正式考果陣怯就緊架喇...
不過都多謝家嘉朝早聽我發左咁多翕風:)
老師既評語都唔錯 我諗都會合格啦 (要求太低-,-)
放學終於可以換衫換鞋 著住高跟鞋行左成日真係好痛...
番葵芳 食完一人晚餐之後就去青協 皆因參加了一個義工活動
是咁的 我地將會係十月廿九號做義工 詳情就唔講住了 哈哈:D
所以呢幾個禮拜六都要去做準備工作
今日就是認識大家 玩無聊遊戲
事實上係唔鍾意的 而且遇著啲唔合作既人 將來合作都有難度...
原來有好多善德友 嘻嘻~
早左完 唔想走 結果留低又有新遊戲學
呢幾個禮拜去過三次青協 三次都有新野玩wow
話時話呢個又幾好玩啵 不過好考創意 真係玩到笑死!
最後聯誼到十一點先走:P
今日可謂好忙碌 但又真係好滿足^^
八點半到夜晚十一點 去左三個地方 做左五個活動
不過每個活動都有佢既價值 冇浪費到今日既時間:)
原來啊 擴闊人際網絡唔駛淨係靠電腦... 多啲外出反而得到更多野
新學期才第二個月 我發覺我已經識多左好多新朋友
不過毒女學咩人咁講? (我都承認既)
適當既網絡使用還是需要的
但未必會好似上年咁濫了 有時啦-_-
你覺得我不會想起你 不會提起你嗎?
哈哈 那你又錯了 無時無刻也會想
想甚麼? 就是想你這個人-,-"
很好 這篇日記有你的出現了
