十月係一個意義重大既月份
估唔到今年既十月仲過得咁充實:)
酒店總算識到幾個新同學 雖然都係同舊同學熟啲啲
進餐體驗, 擺檯評估同整蛋糕都好好玩:)
仲有擺檯拎A啊^0^
小測... 呵呵呵... 好似識做哩~
呢個咁專業既look真係好少見;)
青協搞既哈佬喂 其實都係Sky搵我地去玩
我係第一次做呢類型既義工 之前淨係派過米 賣過旗
今次真係好唔同 扮鬼呀 學到好多野
識到好多新朋友 其實好多義工都係善德既:P
第一次化個咁行既妝o口o" 嚇唔到人sosad
可以奉旨夜番囉 由2號開始一路到到29號正式
忙左成個月 大家都good show 好好玩
幾個星期六 連續四個平日都勁夜番^_^
不過遲啲再夜番 就黎被呀媽省死喇~
我勁論盡 將呀媽洗番乾淨果條裙再次整污糟 仲要係紅色顏料-_-
個個唔落妝去慶功又係好野 預左被人望架喇
但係冇預被人追住傳教 果兩條友好恐怖...
咁既樣食糖水冇嚇死人算係咁 不過驚搭車嚇親司機所以都抹減啲先走
唔知咁既樣既我會唔會仲有第二次呢?
Sports Day! 終於唔駛晨早起身洗頭番運動場
但唔想坐係看台發吽豆 結果落去一嗌就唔想上番去:P
其實我唔知你地邊個打邊個架~
不過最後一年仲可以同你地一齊嗌 同埋睇到咁好睇既表演
啦啦隊你地雖然唔算大聲 但真係好乖呀
CMT們你地真係好勁同好型 由其係雪堯
唔好灰心 只要盡左力就可以架喇:)
加油呀智社們!!!
今年參加左兩項賽事 100米同200米
200米 五個有四個都係智社xP
跑到最尾 睇唔到終點係邊
對腳其實好攰 已經唔想跑 但係唔知點解加速左少少(爆??)
竟然贏到個銅牌! 好好彩 真係好好彩
36.60" vs 36.64" 就係最後果一下子衝勁...
完全冇諗過畢業之前可以係Sports Day最後一項賽事拎到獎
人生第一個獎牌 六年黎唯一一個 見證左好多野...
善德開學冇耐第一件事 入左啦啦隊
跟住幾個Sports Day一直都為智社效力
六年喇... 呢個獎牌話比我聽原來我係智社入面咁耐
其實好有趣架... 個個話我係文靜既人
偏偏我嗌左六年 high左六年 老實說真係愈嗌愈high
成長左既啦啦隊仲記得我叫姜茵姐姐 好開心
我仲keep住當年自己係啦啦隊既頭飾wow
呢幾年仲有參加賽事 志在參與 拎到獎好意外
真係 最後一年嗌到聲沙都抵
Chi House fire, burns forever!
嘻嘻 彷彿望見從前的我;D
6D!!!
中文堂最有趣味係放昆蟲入黎 個個嚇到依哇鬼叫-,-
其他野唔理 因為真係完全冇興趣上堂
呢個月補默左好多次... 故意的-,-
數學堂真係好好玩 真係愈黎愈鍾意上:D
派番第一次小測... 「The third highest mark... 姜芷茵」
下!? 呆左一呆 冇理由聽到自己個名架...
我既成績 無論係邊科 一直都徘徊係合格邊緣 甚至冇次合格...
但係46/50 好恐怖 估唔到小測前「話」要爆seed既效果係咁勁o口o"
仲要被同學抽水 「MK姜」... 的確我好鍾意MK老師 但係唔好咁抽法-.-
今次得兩課同一個topic就話ok 小測完左冇接觸冇溫書又唔記得曬... 唉
黎緊UT個範圍由F1既野考起 淨係速率同概率都可以玩死我了
我真係好想好想爆 但我知道唔係次次話爆就爆到... 盡力而為啦...
Sports Day第一日 為左著班衫靚啲紮孖辮番學 認真六年黎第一次xD
歡樂跑係攰架 但係有咁既經歷我諗真係只得一次:D
慶功~ 打邊爐 玩狼人 唔好意思我炆左啲 但真係好好玩
一齊行番青衣好正 哈哈
Banner好靚... 全班戴上型棍帽xD
第二日 終於去搵老師簽名影相
連Miss都讚CC佢好得意 我都知我整得靚架喇xP
搵MK老師簽名 要求簽大個啲 哈哈^3^
合照完之後我勁大動作「Yeah」左出黎
其實我想講我果下係真心興奮架 但似乎嚇親Miss ^_^
Miss你好可愛>< 合照中我真心笑得最開心係呢張
班際 唯一一次企係草地睇自己班跑 好high
火車捐山窿 麻鷹捉雞仔 捉依因... 好耐冇玩過 體力勞動得好勁- -
佢地仲要玩埋狐狸先生 同紅綠燈... 呢個就係6D班~~
好似影極都唔夠 仲想影... 簽名又差咁幾個咁 仲想簽
不過係FB見到自己好多相已經好開心 好滿足架喇!
好多班相... 的確 同埋今年我真係好靚女 影左好多Kai Kai相同攝鏡相^0^
好想要多幾日Sports Day啊......
兩個又靚又好既班主任;)
最後當然仲有呢個紀念日 咁就一年喇♥
本來我以為點扭計都要失望而回._.
但估唔到你真係肯幫我簽名 又肯講兩句野 雖然感覺上好唔情願-_-
果陣突然有果種好耐冇試過既幸福感覺>3
多謝你 係我十月最後一日畫上圓滿句號
已經好足夠架喇^v^
十月真係過得無憾♥
呢幾日其實係UT 但係知自己啲習慣
一唔打UT完左又懶得打 又短暫記憶
所以點都要打曬先肯溫書 通識先放棄喇掰掰
(好多藉口 咩太多範疇 唔知有咩時事
唔知佢啲題目點出咁 事實又真係咁丫嘛=.= )
