初八了! 還是要祝大家恭喜發財!
新一年 願望仍然係心想事成 太貪心了.3.

要從哪裡說起? 丫 盡量說重點好了 不好意思的

20/1 星期五

學校的新春聯歡會 最後一年 估唔到我幫左好多...
雖然我整既野唔可以用得曬 不過有人讚我整既野都抵:)
好喇 自己整既中伏包一個都食唔到 就大大塊檸檬有人畀我食 預左.
放學之後上左希希屋企玩 十幾個人 有幾個開檯 我地玩狼人 真係好好玩:D

夜晚同老豆呀媽又去左行年宵 呢種氣氛真係一年得一次~

21/1 星期六

家嘉生日快樂~!
可以同你慶祝成人禮 唱K呀 好耐冇唱過><
雖然得五小子 但係間房大到 未試過唱咁大間房@@
high到連皆大歡喜都又唱又跳xD

22/1 星期日

半夜紮醒左 望到部手機 嗯... 總算解決左一個問題

23-28/1

周圍去拜年

就咁啦... 就番學又懶得打...

14/1 星期六

呀麻生日快樂~~~!

前一日先係度煩緊
第二日呀媽就帶埋我同細佬去剪頭髮...
的而且確 我對髮型屋依然仲有所避忌既...
果陣剪完個瀏海短得滯喊
其實叔叔佢仲驚我 話曬對髮型師黎講好侮辱:(
比幅相佢照住剪 剪左三吋長髮 撥番多啲瀏海去前面
但仍然唔多似 明明張相啲頭髮仲短啲 事實上我就係想跟足
不過算啦 等到我啲瀏海長番曬再一次過剪左佢
染髮就免喇 黑色好靚 總算消除左一個煩惱先啦...

16/1 星期一

最後一科VA 我竟然比其他科更有準備
剪定啲字 結果一粒都用唔著
我開頭仲懶懶閒咁做 最後差少少做唔切 還可以罷

一番到屋企即刻又帶呀麻去葵興電髮
兩個鐘頭緊係去葵芳行下啦...
回程個的士司機好好人 開車尾箱唔收錢
係街市買左一大堆賀年用品

17/1 星期二

唔駛考地理 唔駛番^v^
不過一早同呀麻呀媽去左涌美行
之後又係樓下街市買左另一大堆賀年用品
過年... 要既~

番到樓下 入面果兩個管理員 一個坐係度按開門制 另一個企係度同佢吹水
睇住我推住架輪椅 都開左門架啦 照傾唔理
跟住有個師奶係我面前 望見我用腳頂住對門未推到入去 竟然係架輪椅側邊鼠走
其實我想知幫人要徙你幾多時間 係咪真係咁難?
即係我幫個師奶頂住對門就應該 佢幫下我地就唔得?
就當個師奶趕時間(雖然一啲都唔似) 咁果兩個管理員呢?
幫居民好似係佢地既責任黎啵 面家出糧比佢地吹水架?
果陣真係好嬲囉 一推到入去勁大聲講左句「冇一個幫手」
唔佢果兩個管理員聽唔聽到丫 但當時真係有衝動想同佢地正面衝突囉
講真呢啲情況見唔少 但連續三個人都係咁我真係火都黎

「日記裡全是你?」好像沒了
不過日記沒有空白 希望以後日記還會有你出現