| ===========================================================================
考左成個星期試 , 都唔方好野 , 今段應該有3~4科既總分會出現6字頭吧...諗起都驚...希望總分過75啦...
最怪係歷史 , 地理 , 化學...分別豪左30 , 40 , 3大題 ...完全唔知自己想點~~想補考??又好似唔需要 , 想畀人丙? 丙就丙硬了...
呢幾日 , 可以用一個字來概括︰"累" , 真係真係...累壞了身子...感覺好似過左一個月了~~~
一直溫一直溫 = =" ...其實可以一早就溫完的...係我日日都瞓晏覺啫~~有時真係要多謝打電話來問我野既人...
唔係佢地既電話我可能會瞓到食飯先醒...~ 呢三晚晚晚都係2點幾先瞓...~~重要因瞓左晏覺而瞓唔著~~~
最記得係考化中哥晚~~! 哥晚真係溫到我爆哂粗~~12點先溫完中文啲作者同問答~~十二點半...唔溫中文...
溫化學!!!!一溫溫到2點 = =" ...以防萬一...又睇下中文先瞓...哥晚真係勁想爆粗...結果返到去化學都係豪左三大題 = ="
中文喺考前剛好溫得切...係問答錯左小小野...都ok的...係唯一興幸既野~~~
都唔爭在講英文啦係未先~~今日考英文...考之前有個中作~~好彩有搵過資料...唔係既話真係諗到頭爆都未作得完...
但感覺上係總結哥到錯左題意...算啦~~~扣就扣啦~~~中作都冇咩期望...有70就夠了~~~
個英文...尋晚都冇哂心機溫...好彩有條人狂問我文法~~~我先算係溫左文法~~~
留返哂啲咩生字 , 句式結構 , 課文內容今日先溫~~好彩...又係剛好喺考前溫得完...~
個人史上最完美溫生字紀錄!!十分鐘溫哂3課生字...好彩有基礎功...先冇豪得太多個~~~
就係咁...所有野都完了~~~試考完了...亦意味著今學年要完了...之後就等19號返去公佈一切一切既結果就行了~~呼~完囉
大家辛苦哂!!今年真係學到好多野!!多謝大家!!在此祝願直升的有充實假期 , 要補的就一定pass , 留的就... ...下年要加油呀!!
===========================================================================
晏畫拖左misa出來一齊去搵哥棟咩 海洋工業中心 ...一開始我都已經對自己冇咩期望了... ...
但我真係估唔到一開始就行左個相反方向 = =" ...兜左一陣先返返去發電廠哥邊~~~
去到哥邊哥間 來來~~買左支野~~出到來...咦??? 夾公仔機???因為驚悶親misa...(我叫佢出來重要整悶佢會好唔好意思的...)
就叫佢夾下... ...佢夾左一次...同我講左句 玩親都十幾蚊 先夾到我就拉佢走了~~~我慳家嘛~~原諒我~
之後就去問人 , 指左條"半明路"畀我地~~好彩misa既記性超好...真的...佢睇過一次既地圖就記住了某幾條街名~~~
行左冇幾耐 , 再問多次人 , 就搵到了~~~影左張相之後~~就送佢返屋企 ,,, (冇理由拖人來 重要叫佢自己返屋企稼嘛)
兜左個湖半圈~~~沿途傾左軍訓啲野...乜今年初三升高一都重要去咩?? 唔係話初二升初三先去咩???
送到佢去佢屋企附近我都自己返屋企了~~~返到去~~~嘩~~~好累呀好累呀~~~隻腳好痛呀!~~
經過今次之後...更發覺自己對澳門既認識好淺.... ...真係要遊多d澳門先得!!!唔要做路痴!!!!
 ←呢到唔係澳門地方?? 其實係天后廟來稼!! 唔留意都唔知有廟喺到的
↑天后廟對面行前小小就係我地一直搵緊既地方 － 海洋工業中心(第二期)
|
