好彩呢排柔道同跆拳道課程多,先至可以分散我諗黃曉君.

不過到咗夜晚一個人嗰陣,都係會諗返佢,所以我諗住學埋空手道.

如果你地知有咩運動係啱夜晚玩,就請話我知.

  黄曉君...你喺邊啊?

  呢排有好多煩惱事想同你講.

  但你依家日日都唔上msn.

  好掛住你啊...

  以前寫blog總喺成篇,依家已經冇心機再寫啦!

  如果你再唔上msn,我諗我真喺會崩潰.

  女友同好友,點簡?黄曉君,教下我...

  今日約咗佢去睇戲,我早咗半個鐘到戲院.

  等咗差唔多十分鐘,佢黎咗.但拖住我嘅好友有講有笑咁行嚟戲院,佢地四圍望下,我即刻避去門口出便,靜

靜地望住佢地.

  佢竟然擁着我嘅好友,同佢kiss.

  個時我諗住出去打我嘅好友,但為免佢尷尬,我選擇咗離開.之後send sms同佢講:我唔舒服,黎唔到,你同佢睇啦

  喺我睇到佢地擁吻時,我簡直連心都碎埋.一個係好友,一個係女友,叫我點面對?

今日我终於有勇氣向我班一個女仔表白.

但可惜,因為佢之前向另一個男仔表白,但被拒絕,佢依家仲好傷心.所以,佢亦都拒絕咗我

不過,今次唔係好傷心,可能因為係佢被人拒絕時,我已經預咗會被佢拒絕.

我講今次,係因為上次佢被拒絕時因太傷心幾日冇睬我,個時因為見到佢傷心兼唔睬我,搞到我都唔開心,個排食咗好多野,依家肥咗2kg.

呢段時間都冇上黎打blog,原因係.......

唉...以前同黃曉君係msn度有好多野傾,但呢排唔知點解一句都冇傾過.我覺得我同佢嘅關係疏遠咗好多.

而就係呢段時間,我對我班嘅一位女同學好似有d feel.

點算,我應該點做.  唔通我...仲意咗嗰位女同學?