| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
|
| 再說一次我愛你 |
今日去睇再說一次我愛你
他竟然遲到左成20分鐘
我都係遲左幾分鐘咋
佢竟然要等！
佢真係唔知個死字點寫
佢未黎果時已經一直比我話
黎到又比我打
不過已經對佢仁慈左啦
齣戲.....ok啦
不過有好多位..都好難投入到
有次差d投入到架啦.....比個死人電話吵一吵
又要重新黎過
但是有d都幾感人架
最後阿sa同謝宛森寫比劉德華封信
我都感動到流左兩滴眼淚
我聽到我後面有d人係咁喊.....
真是.........=.=
之後去食糖水....
我叫左個鮮果芒汁西米露
超好食丫
果d好甜的芒果汁.......>///<
不過d生果就差d啦
康食左粒西瓜....話d西瓜唔新鮮.....=.=
佢食完之後....係度down歌
不過隻隻都比我話唔得
呵呵呵
我都唔想架><
不過真係唔好丫嘛.......
之後仲未飽
去食野.......
我叫佢提議
點知....又係比我話唔好
佢提議食泰國菜我話怕辣
佢話去食go go....我話唔好
我又唔想架
但是我真是.............><
之後都係我選
於是唔想煩
就去左池記食麵.....
之後就去信和睇漫畫
然後就回家了
|
| 刊登時間︰2005-10-29 10:47 PM [ 訪客留言(4) ] [ 編輯日誌 ] [ 分享至FACEBOOK ] |
| 發脾氣 |
剛剛先打完呢日的日記
我只是想整d公仔上去....佢竟然就唔見左
哼..........
今 日已經心情唔好架啦
仲要將我辛辛苦苦打出來的日記食左
而家我發脾氣丫
唔打啦.......
去訓覺！！！！！！！！！！！ |
| 刊登時間︰2005-10-26 10:35 PM [ 訪客留言(2) ] [ 編輯日誌 ] [ 分享至FACEBOOK ] |
|
|
| 紀念日 |
剛剛一直在聽紀念日.....
突然醒起今天好像也是個值得悼念的日子
翻查收在櫃中....以前的那本日記....
果然........今天真是那個日子........
怪不得....今天會如此的不快樂.......
原來如果我們當初沒有分手的話
今天就是我們四週年紀念日了
想不到.......原來過了這麼久了
我一直以為是三年而已
原來.......已經快四年了........
我已經傻左四年了
何年何月我才會回復正常呢
真想不到我可以癡到這地步=.=
我一向是最沒良心的丫......
唉.........
那本日記本來已被我放在永不見天日的櫃裏
今天又再拿起.....
我只看到滿滿的不快樂
開心的時刻是如此的短暫
又再想起.....我如何為他而改變.......
然後如何的憤世嫉俗
之後又回歸平靜
再來.......就是現在這個我了
真不明白他有甚麼好
想了這麼多年還是想不到.......
感覺這東西真的十分奇妙
總在不知不覺間
幫你決定好一切
你知道時...已經太遲了.......
想起當初的我們
真的十分有趣.....
兩個不同世界的人....竟然可以走在一起.....
我很多時都想要分手....可是最後又說不口
如果不是他有另一個.....
我想我還是會繼續拖下去吧
到了真的要分手時....又心如刀割.....
放不下的....只有我一個.....
從前只會說分手的我.....第一次知道原來說分手的那個...不一定就不會受傷
雖然最後還是我贏了
可又如何
我不能當甚麼事也沒發生過.......
有一就必有二
傷了一次....休想我會給你第二次機會
我寧可自己躲在角落獨自哭泣
也不要再輸一次....
這遊戲我玩不起.....就不玩........戀戰只會令自己愈陷愈深....何必呢
這次贏了......那下次呢.......總有輸的一日......
為何不將遊戲結束.....將勝利永遠冰封呢
很多人都說在愛情的國度裏沒有輸贏
可我就覺得.......
愛得最深的那個一開始就注定要輸
因為佢將會被傷害得最深
要是真的沒有輸贏的話
人們就不會因一口氣而做出報復.....
有時真的很佩服自己
連見都未見過...識都唔係好識的一個人
就已經知道他下一步會怎樣做.....
是因為看得太多這樣的例子?
還是我的直覺真的如此的準確?
睇返謝師宴d相.....
我果晚真係著得好靚丫>///<
尤其係隻耳環.....超靚丫
好少何會化妝丫嘛我
仲要著高跟鞋....長裙就更少了
可惜......真係影得靚的相就好少啦><
真係浪費曬我果晚著得咁靚丫.....
唉~~~~~~~~
係喎...赤柱果日d相我過左落部電腦度啦
想要的...就記得問我拿啦
如果唔係.....我會唔記得send返比你地架
其中有一張....我真係影得超有水準丫....
本來想擺上黎架
不過為左尊重兩個當事人....
唔擺住
呵呵呵呵 |
| 刊登時間︰2005-10-25 06:56 PM [ 訪客留言(3) ] [ 編輯日誌 ] [ 分享至FACEBOOK ] |
| 唉~ |
英文堂...派測驗卷.....
一睇到個分
心情勁down.......
唉~~
而家唔想寫日記住.....
無心情.... |
| 刊登時間︰2005-10-25 04:51 PM [ 訪客留言(3) ] [ 編輯日誌 ] [ 分享至FACEBOOK ] |
|
|
| 累 |
今日中午去食目黑.....
好貴...好飽.......
行返去都飯氣功心
好睏.....
一返到去....即刻好似趴地熊咁趴左係張桌度睡覺
無幾耐...就係中文測驗啦
測實用文
我用我從未試過如此快的速度作完......
七百幾八百字...我只係用左10至20分鐘就作完啦
之後就睇都唔睇....趴左係張桌度繼續睡覺
唔知佢會幾多分呢=.=
之後又係我的強項...中文oral^///^
不過因為太累.....都無點理到
反正今次我又唔使出去講嘛
放學.......又打比owen傾計啦
傾到5:30就去補地理了
7:00.....已經到了極限.....
真係好似某某咁企係度都訓得著
差d又真係比我講中會沖出馬路........
好彩......今次我醒目打比人傾電話
owen好衰架.....
都唔陪我傾電話><
好彩都仲有好心人士陪我
傾傾下......佢竟然話我知佢鍾意左個女仔丫最近
係佢新識的朋友黎....
咁我咪又叫佢向人表示下囉(唔知又會唔會害左人呢=.=)
我鍾意將某d野速戰速決
唔使慢慢拖丫嘛
有d野...得就得....唔得就算點拖都係唔得架啦
快d搞掂.....快d好丫嘛
唉~~~而家人人都有人鍾意
我就無>.<
我真係咁差咩
唔制丫>< |
| 刊登時間︰2005-10-24 10:31 PM [ 訪客留言(2) ] [ 編輯日誌 ] [ 分享至FACEBOOK ] |
|
|
| 補習 |
今日一早就去潮特補ECON.....
都唔知係我聰明定佢教得好
d MC全部做o岩...
呵呵呵呵
補完econ.......
又要返屋企補英文
一補又幾個鐘.....
好辛苦
我累到手軟腳軟....今日整日補習都無咩精神
明天又要返學.....
8:30上到7:00.....平時就咁上都累到想死
昨日玩到咁累...明天就更累...........
可能又會沖出馬路.....被車撞死.....
橫屍街頭 |
| 刊登時間︰2005-10-23 09:37 PM [ 訪客留言(3) ] [ 編輯日誌 ] [ 分享至FACEBOOK ] |
|
|
| Halloween |
今日又去赤柱又去海洋公園......
今早我遲到左45分鐘=.=
真係好唔好意思呢><
不過我都唔想架
都係要等車之過..........
赤柱風景都幾好既
不過太陽就好曬
好熱........
不過無咩好行
於是我地就去左個無咩人的地方鋤DEE
玩左好多局
都係我贏多丫
哈哈哈哈哈哈哈哈哈........LUCKY！
但我又好無儀態啦
下次真係要記得收歛D先得=.=
唔可以一玩就忘曬形
海洋公園.......
唔係好夠時間玩.....
早知就買至尊票啦
起碼鬼屋度唔使排咁耐排><
突然覺得自己大膽左
玩過山車竟然唔覺得驚=.=
玩完真的令我好失望
想去玩跳樓機.....點知.....無人陪我玩
我都唔驚....佢地驚咩喎>.<
個膽細到死><
我點拉....點扯.....死都唔肯陪我玩
owen話....我好似d老婆問老公拿家用咁....
好衰架.........我邊有喎><
他們唔玩，搞到我又無得玩
唔可以無人陪我玩架嘛
我仲好細個架咋
玩呢d野要係大人的陪同下先玩得架嘛
去到鬼屋.......我地次次都排第一
被D人嚇到我大叫......
佢地會突然出黎嚇你架
康有時會無啦啦嚇我地....><
然後佢就當然會被我打啦
owen話...她打左好多次他喎
owen係鬼屋度驚到係咁拉住我地....唔比我地行.....
我就咁好大聲咁叫她快d行
呵呵呵~~~想起都覺得好好笑
OWEN玩左一間就唔玩啦
佢話好驚.....唔再玩
覺得好真實喎
我就覺得鬼屋好好玩啦....
雖然我都被人嚇到大叫...
但我依然有去玩其他鬼屋玩.....因為我知道係假架嘛
我真係比人嚇完就算架啦喎
有機會大叫下.....個人都輕鬆d架嘛
去其他鬼屋時
OWEN就係出面等我地
真係.........=.=
康本來都無被人嚇到.....不過佢自己手多多搞人地塊布
搞到有個女人係前面走過黎叫佢快D走
可能佢太專心想睇塊布後面D野...無留意到前面
於是就被果個女人嚇親啦
呵呵呵呵呵
去左三間鬼屋.......最唔驚的竟然係我平時最驚的中國鬼
可能海洋公園知道中國人最驚中國鬼所以整到佢係最唔恐怖掛
唔知係咪無owen係度拉住呢.....
我地行得好快.....
隊頭變隧尾.....=.=
比我知道左d鬼企係前面
所以當佢地再出黎嚇我時....就嚇我唔到啦
最驚同最特別.........長.....的就係荒漠工場啦
真係好似行極都仲有咁....=.=
好多時以為無啦...行完啦
點知.......轉過彎....佢仲有><
真係會嚇死我架嘛
今日我玩得好開心丫.....
雖然花了好多錢><
但都值得既
回想起.......我又真係好似個小朋友咁
好多行為都似.......
但做小朋友先好.....會開心好多架
仲有叮噹拿返屋企添^.^
呵呵呵呵.......
不過我真係好鍾意果個大公仔丫>.<
我好想要丫
我都好想好似果d人...可以拿咁大隻公仔返屋企><
玩完........真係好累
手腳都軟曬
累到一訓落床就睡著啦
好彩無發惡夢........
我仲以為去鬼屋我一定會發惡夢添
嘻嘻 |
| 刊登時間︰2005-10-23 08:10 PM [ 訪客留言(6) ] [ 編輯日誌 ] [ 分享至FACEBOOK ] |
| 有感而發 |
今朝一早七點幾.....唔知點解就起左身啦
咁....咁早起身無咩好做
咪睇亦六壯士囉
我原先以為佢係一齣喜劇黎.....
點知佢個ending咁慘既
李克勤竟然死左丫
又騙走左我d眼淚啦>.<
唉~~~
當個結局走向好之際
佢竟然死左......
真係.........
睇完之後.......更令我覺得人的一生其實都真係好短暫
人生得意需盡歡丫.....
何必介意咁多野令到自己唔開心呢
開心又一日，唔開心又一日
唔開心的事....咪忘記佢囉
有時都幾慶幸自己無咩記性
好多事....都會忘記
可惜最想忘記的..偏偏又如此的清晰
想忘卻又忘不了.....
笑的時候....都唔知道自己笑緊咩
哭的時候....又唔知哭d咩
開心咩....唔係喎......傷心咩....又唔係好傷心咋喎
講起情緒化.....我可能比owen更甚
只係.....我多數不會係人前這樣做擺了
像現在......得我一個人在房裏
上一刻我還在掉眼淚.....下一刻我開始笑了.....而這一刻....我只想大哭一場
希望哭完之後....所有不開心的...煩惱的....通通都忘掉
所有令我困擾的人都消失在我的腦海中..........
我寧可生活在一個只有我一人的世界裏
都不要過得如此不快樂.......... |
| 刊登時間︰2005-10-22 10:07 AM [ 訪客留言(2) ] [ 編輯日誌 ] [ 分享至FACEBOOK ] |
|
|
| 哦！？ |
今日去麥當勞食開心樂園餐
去換電蟲.......
我都好耐無食過麥當勞囉
因為已經厭厭地
都係KFC的錯=.=
電腦堂.....d公式勁煩
搞到我個腦都暈暈地
好多時都打漏...打錯>.<
每次錯左...我都直接叫培幫我睇
然後幫我搞掂佢
坐係佢隔離真係好啦^///^
我唔識時....都可以叫佢教我
呵呵呵
培.....多謝你丫！
以後都要繼續教我哦^^
明天就去海洋公園啦
十分期待哦！
不過我一玩得開心就會忘形了
希望唔會出咩事先好=.=
我可不想令到任何人有任何的誤會....... |
| 刊登時間︰2005-10-21 09:50 PM [ 訪客留言(2) ] [ 編輯日誌 ] [ 分享至FACEBOOK ] |
|
|
| 這日過得都幾好....... |
今日早上.....一早就比個sms吵醒
原來係owen send的
佢話佢已經唔嬲
咁雖然被佢吵醒左
不過都值得既
我覺得有d咩野最好就係講出黎
因為我唔係佢肚子裏的迴蟲.....
我唔知佢心裏面想咩架
唔講唔講
咁下次一樣都會再發生這樣的事
講左出黎....唔使大家估估下
唔係更好咩
何必要令到一件簡單的事復雜化呢
我最唔鍾意就係想d有聊的野(不過無聊野我就整日想喎)
好傷我d腦細胞架嘛
已經無咩架啦
仲要死咁d就無架啦
今日上電腦堂.....真係呆左.....
好難做....
好彩.......培解釋我知........
最後都識左.......不過下次仲記唔記得就好難講
我無咩記性架嘛>.<
放學過太子補英文
又見到oten^///^
今次佢穿左件白色....似係恤衫的衫丫
真係又靚仔左啦>///<
搞到佢要我地做野時....都整日掛住望佢無做^0^
上上下堂.....owen突然打黎.......無整到震機
好大聲.........搞到kenny望住我
真係好尷尬........
講起kenny(佢係助教)....佢今日好衰架
oten叫我地自己試下搵重點....將它間住
keeny走過黎.....望了一下我份野.....之後講.......錯啦
真係丫><
我都知道錯啦
不過都唔使咁直接架嘛><
之後又間.....佢企左係我隔離望住我做.....
搞到我都唔敢再做啦
好衰架
補完習返屋企.....個天又黑曬啦
唉~~~~
星期日又要晨早10點幾去補econ.......
真係好想將個時間改左佢..
不過又係改唔到....
都係oten好
佢個時間同我放學時間o岩o岩好
地理同econ都要特地去上=.=
最煩就係地理.....上完佢一定定會死死下 |
| 刊登時間︰2005-10-20 09:27 PM [ 訪客留言(2) ] [ 編輯日誌 ] [ 分享至FACEBOOK ] |
« | 77 | 78 | 79 | 80 | 81 | 82 | 83 | 84 | 85 | 86 | »
|
