今天1:30就返學了.......真好...
最得閒就係星期三架啦
星期四仲要係返11:00添
係icq度....didi問我打唔學界
我仲以為佢搵我打波
於是同佢講我唔識打波
但是佢竟然係問緊我打學界柔道.....
好明顯佢係想我死啦
我n年無打過柔道啦
d招式都忘記得七七八八添啦
而且善良的我一向都係柔弱派架嘛...而家比以前仲更新善良添...點同佢地d凶狠派打.....=.=
容咩易比佢地打死=.=
唔死都一身散啦
一定體無完膚添丫
我以前練習打下......都好易整傷啦
何況係比賽呢
因此我有足夠理由相信.........佢係想無左我呢個師姐既

今日康放假...係icq見到..於是我地就即興咁約左出黎
我出黎只為了陪佢買衫.......仲同dad講我今晚會回家食飯添
而康就以為我係為了打波
咁.......所以呢........
買完衫就去打波啦(睇下我幾乘.......做運動丫)
康今次非常醒目.......自動幫我擺波
真係好好service呢
起初連姿勢都唔記得左=.=
有d波點擺又唔記左
而且打黎打去都好似唔就手.....不過之後就順返啦^^
今次有d無擺過的波....我都打到呢
呵呵呵呵呵
不過隻手同隻腳就好累
真係太耐無做過運動啦
搵日搵人去打下羽毛球先得......舒展一下.....(這又會是n年以後先會發生的事啦)
嘻嘻
打完波肚餓就當然去食野啦
大家都想不到食咩好....於是康就提議去食迴轉壽司啦
咁咪去食囉(雖然我係唔鍾意食生野的...)
仲打包左一碟蟹子壽司比我個妹添
我真係好好的家姐丫>///<
係比錢的時候.........發生了一件有趣的事呢
哈哈哈哈哈哈哈
十點多點就坐車回家了

owen係食緊野時打過比我
於是我係坐車時打返比佢
點知佢嬲左我丫
佢嬲我同康出街掛.......
我同佢講返整件事的經過及解釋
佢聽完竟然話....夠啦...我唔想再聽你講野.....收線啦
我知道佢又係度亂想野
佢又開始多疑....
我真係覺得好無奈
係佢話唔介意我同康出去打波架
不過佢今次係第一次發我脾氣咋
所以我都好驚架
我都反省過.....究竟係咪我做錯左呢
我亦都有問過好多人係咪我錯呢
我自問.....我都唔知.....
但是別人個個都話我無錯
這只是朋友之間的正常社交活動
我們又唔係去偷情
咁又何錯之有呢
之前佢講過話唔介意我同康出街的
而且仲有個friend同我講.....就算我地真係去拍拖都唔係我錯
因為她話左已經唔鍾意他
咁當然啦.......我就唔係100%同意佢呢句說話既
我覺得如果我地真係死去拍拖
咁就一定係我錯囉
因為咁好似我係我對她唔住........做左佢表姐........
而且我唔會做出d咁既事架喎
就算我鍾意都好
除非我101%確定她已經唔再鍾意佢....如果唔係.....都無可能囉
好朋友係一輩子的事黎架嘛
咁當然啦.....我同康大家都只係當大家係朋友既...
我都只係講緊如果遮
我係一個好清楚自己係某方面想要d咩的人
自從傑之後.......令我更加清楚自己想要d咩
而且我而家有拍拖恐懼症架嘛
邊有咁快又有拖拍呢(路人甲：都唔快啦喎....都已經過左三年啦=.=)
或者係某年某月某日，比我遇到一個安心又動心的人我會拍拖都未定
不竟我仲年輕
係唔可以成世為左個唔值得我鍾意的人做老姑婆架嘛
但而家對我黎講....讀好d書先係我最要做的事
拍拖的事......遲d先算啦
唔使咁急喎.....三年我都忍到啦......再來個三年又何妨呢(其實都幾妨架...再來個三年我都老啦)
我都已經習慣左單身的生活囉.....都已經無所謂啦
好似而家咁就已經好夠啦.......我唔想咁快又搵個人....之後又再傷心多次
一次就已經好夠
我唔想又再來多次
可能係我自私啦........我寧可搵個佢鍾意我多d......都唔要搵個係我鍾意佢多d的人拍拖
所以總歸一句.......owen你想太多了

一早起床
就見暈
眼前一黑咁
最衰就係又暈唔曬
在床上休息左一陣.....
就無咁暈啦><
唉~~~返學果時都暈暈地
好彩...都可以安全咁返到學校.....
坐緊巴士時，owen打黎....
同佢傾左一陣....先精神返d=.=
一返到學校.....
好多人食緊早餐=.=
d吉野家好香

上中文堂.....
miss話要做essay...
英文堂....又係講essay
明天仲要交歷史essay.....
essay.....essay.......就黎es死我啦
最討厭就係寫essay....
偏偏差不多科科都要寫essay....
而家我都仲未做歷史 essay添丫><
好難做....
好唔想做...
唉~~~~~~~~~~
夜d.....夜d我就會做左佢架啦><
真架！
革命尚未成功........我會盡力去繼續！

回到家.......才知道.....
今天是karton生日
於是send左個sms過去...祝佢生日快樂
真係而家先知佢係18號生日....
同我姐一樣........
講起我家姐...不得不提就係我對新puma波鞋啦
之前同friends行街睇中左...
無話過佢知....
點知佢前幾日就買左它返黎比我
果然心有靈犀^0^
呵呵呵呵
真係好啦^.^
突然發覺我鍾意d野....都好自然咁就擁有佢地...
如果人都係咁就好啦
嘻嘻(=^-^=)

今日又係好辛苦的一日
因為由8:30上到4:30
放了學仲要去補習
補到7:00pm先有得回家
今日補習補到個腦實曬
好似唔知自己做緊咩咁
似隻幽靈咁回家
唉~~~~~
真慘
上次眼訓到差d行左落地鐵軌
真係唔知下次會點
所以都係帶定電話
同人傾下電話安全d
保持清醒的頭腦
好想改左個補習時間........
唔補星期一
不過無得比我轉
因為其他的時間都唔o岩~>.<~
咁即係話我往後的年幾仲要冒住生命危險去補習
人補習我補習
點解我會補得咁辛苦架

p.s...給康....
我星期日特地去搵紅色漸變的線比你
從左數起第二條就係
不過好似有d....太過粉.......=.=
你自己睇下鍾意邊隻色啦 (仲有其他色的....不過唔想影咁多遮....如果呢四隻色都唔鍾意...我可以再去搵過既)
揀好左可以係度留言話比我知....或者icq or 電話度話比我知都得
睇下我對你幾 好丫
所以你都要對我好d啦

申請左咁耐都無寫過.....
見呢個日記板咁慘
咁我就擺你係icq info度啦
我而家宣佈...呢個日記板正式啟用

今日又要去補econ....
補完econ就去了買衫
女人果然都係鍾意行街買野既
我不經不覺就行左幾個鐘
先終於買到我想買的外套
而家就洗左咁多錢啦
又要破產啦
我都唔想架>.<
不過唔買會無衫著架><
雖然無之前果件咁靚
不過都幾好架
差不是太遠^///^
我呢幾個鐘都總算無白費
然後就回家了
睇了千杯不醉
都幾好睇^.^
喜歡上聽..我的醉愛
我都想試下喝醉後我會變成點
不過呢d野係唔可以亂試架
如果唔係好易出事既.....
咁就唔好啦

好期待星期六丫
不過星期六前果日係星期五
所以為了星期六玩得開開心心
我會努力的
不拿高分誓不為人！
so呢幾日我會狂讀西史架啦
加強我d史實
雖然阿sir話史實熟係拿唔到高分既
不過讀左先算啦
雖然讀可能唔高.....不過唔讀就一定唔高
我會努力架！>///<

啦啦啦啦啦~~~~~~~~~~~

申請了這日記