昨晚....大家十點半有無睇花樣呢？
小栗子做男主角呢...
不過我一早就追完...睇完....劇情也只是普通....
小栗子柴一般的身材...真係....唔錯...

一大早....痛到醒左...頭痛加耳痛....辛苦到起唔到身...
要訓左成半個鐘先起到身...
見到自己個樣又殘左...只能表示深切的哀痛及哀悼...殘到我都唔想見人！
但今日點都要返學校！因為candy教我地account...簡直係大海中的浮台....
就算死....就都死返去....如果唔係....我都真係擺唔耐....
我唔想下年要再讀過cost account...呢科真係太痛苦啦！
無論幾辛苦都要撐下去...仲有兩個星期咋....
我唔可以打敗仗架！
都唔知個天係咪有心玩野....人已經夠虛弱夠辛苦夠唔舒服架啦...仲要我更加虛弱、辛苦、唔舒服...
次次都係咁....上次考試我都病到死咁濟..
唔通真係熬得苦中苦...方為人上人？
如果係就好丫....我只係要有個好的結果....
但是唔使熬就更好....我都唔熬得...
我最怕係..出左黎個成績係衰到趴左係度....
唉....未考我就已經好驚佢出個成績啦....
我真係好驚我會對住d卷啞口無言...好似account mid term test咁....唔係次次我都可以咁好彩撞得中架...
唉......好驚丫！

返到去....努力計果廿分的cash bugget....
好耶！一次過計o岩丫....雖然中間有少少唔順暢....
真係要比個叻自己！
希望考試可以既順暢又計o岩果廿分...咁我個心就定d啦

身體真係唔係普通的虧....返學校果時...上樓梯...頭暈...仲要行唔穩....
之後坐落左...好似好左少少....
點知講講下笑...個頭又暈過....要停落平靜一下....
做做下數....又頭暈.....都唔知發生左咩事...
身體虧...情緒上都唔多穩定...
死牛又做左砲灰...無計...佢成日講d野都激親我....
不過這兩天我對佢的態度真的唔多好...我想我真係要盡量收下d火....
食lunch果時...Eunice話我同死牛成日打架...
我地邊度有丫....
之後佢仲話第一次見我地果時...我地係度吵...驚我地會打起上黎...
我地邊有喎？係佢好衰話我先話返佢遮...仲有人家次次都有讓佢架...都唔敢串親佢...
我對佢d態度非常唔好咩？
佢成日話我..我都無串返佢啦..係呢兩日先係好唔好之嘛..
而家我對佢唔好咩....不之幾好丫！呵呵呵

P.S
今日係橙房竟然見到電燈柱....
丁丁話我係盲既....佢都無腰骨既...最大罪就係窮！
嗯...咁人家我見到佢的時候..佢都行緊既...我點知佢咁多喎
而且佢而家黑左....不再白....真係......
唉......d又白又高又瘦的人...到底死曬去邊？

係度講緊佢既時候...我話佢而家咁黑...如果真係要的...我寧願...之後真係講唔出...
人家真係......
丁丁叫我唔好咁講丫...以後果個就係我最唔鍾意果個...有曬我最唔鍾意的特質...佢就係一個好好的例子....
哇....我....最唔鍾意就係sporty而且又黑的男仔....更加唔鍾意跑步...(絕對不是特指邊個！而且而家講緊的係情人...唔係朋友....人家我四海之內皆兄弟姐妹既！)
如果以後果個迫我跑步咪死！？
丁丁就話....唔係佢迫我跑...仲要係我自願陪佢跑...佢唔要我陪..我都死跟...
哇....咁都實在太慘啦掛....
唔得！我而家要學下欣賞果d人先....咁我可能都會有個又白又高又瘦的...
我唔要以後果個真係我而家最唔鍾意果d...
而且呢d野咁衰的野...我都試過....就係今個sem的miss&時間...
話一定唔要上六點半pm同九點半am都唔要上cathrine...
今個sem真係受曬！仲要應一應！而且下個sem可以的話都要揀返cathrine...真係犯賤！不過人家真係發現到cathrine原來真係好好架嘛
世事往往真係就係咁奇....我唔要搵個人黎激我丫！

好彩今日Eunice事件....令我興起問他我對他係咪好惡....
佢又好直接咁答我係丫...(傷害左我弱小心靈)
跟住我話唔係最近丫！
不過佢咁坦白都係好既....如果唔係我又點知佢唔妥我呢...
因為我呢兩日真係成日話佢....而且都無咩理由....
佢直話直說都係好既...起碼我知道左...我可以解釋嘛....
雖然我覺得佢會就我...但我唔記得左大少係唔比人話得架...
所以....嘻......
不過我都哄返佢啦.....我都知自己好似真係過份左既.....
因此我今晚全程都好溫柔....連同kate傾電話時...我都用好溫柔的聲線....
真係好服務過我做緊野果時....
我真係要好好控制一下情緒架啦...

p.s
英文學左廿年都唔識...我真係唔知點算！
有邊個可以有速成班呢？

昨晚好唔舒服...今日已經作病咁既款....
不過依然要溫書.....溫IL...唔係好識...唔識到...都唔知自己唔識D咩....

今天無人返...得我一個.....
本來KATE妹昨天話陪我...點知....
最近真係天剎孤星！
本來借左部XP機...點知又係LOG IN唔到...佢唔鍾意我.....
於是我借返VISTA.....仲要咁O岩係昨日果部.....
呵呵呵呵呵.....
係無人幫我的情況下....我竟然搞掂左個上網...
真係覺得自己好叻！

得返一個....我潛左去深海深深處...
變左一座活火山....心情極度唔好....
無事唔好惹我

P.S
我從來都無講佢對唔好..亦無講唔鍾意佢....
只係覺得佢過份遮....
我只係做返佢做過的野....點解佢就得而我唔得...
這就是我四千幾字的中心思想.....
和好......唔通我唔想？昨晚我已經表示左我已經無野....如果佢肯同我講野既....叫我陪佢一齊睇卡通片...我會奉陪架....
而家唔係我想老死不相往來...而係佢唔想同我講野....企硬.....咁我可以點？
如果話我呢幾日返學校溫書既....咁屋企個氣氛都已經唔平靜....日子都係要過....試都係要考....我總要個平靜的地方比我可以溫書....唔係可以點？唔通唔考？定由佢唔合格？
唔通我又好想自已一個出到屯門咁遠？只係我總要個地方比自己可以專心溫書....
星期二就開始考...而家D野都係完全唔識...我可以點？我而家連合唔合到格都好成問題.....如果連我唔幫自己..無人可以幫到我.....
我而家煩到趴係度.....死牛昨日已經做左第一個砲灰....都唔算係好無辜咁比我嬲左...比我話佢...(即平時我唔會為左果D野嬲...不過佢都係衰架啦)  [而家都仲未嬲完隻死牛架！]
我只係覺得如果佢氣未消既...而我而家個情緒簡直係失控咁濟.....我唔想仲將個氣氛扯得更嚴重遮......

(無啦啦係度喊.....真係嚇死隔壁XD....好彩無坐開揚的二樓同躲在一格格的隱蔽處....如果唔係當我痴線都有份)

晨早起床精神差=.="
其實我已經無咩野架啦....我個人都嬲唔耐既XD
多謝大家的關心！尤其係村姑....昨晚特地打黎....可惜姐姐睡了...唔想傾電話XD

晨早就返左學校...又係一個人.....
孤單寂寞凍丫.....  
但是今日要發揮我的小宇宙！  

好少係WEEKEND返學校...
原來真係無人成咁...
不過就有一份寧靜之美...
一入門口...已經有隻貓貓係度行黎行去...好卡哇依  
之後返到LIB...人影都唔見多隻.....
見到COUNTER有好多NOTEBOOK....忍不住又借左....
我真係一個受唔到誘惑的人黎呢  
不過！借左部腦我都唔會頹的！
我要努力溫書！全力以赴...做到最好！
所以....而家頹完...玩完...我要潛水了......
咕嚕...咕嚕......(到達深海一千米.....)

12:02PM
係深海潛到無聊.....連xanga的subscription都玩埋....
你都咪話潛水好過癮  
不過而家要去同親愛的KATE妹去食麥當當啦...YEAH！
我要升返上去水面先！

2:05PM
去完M記....又要再潛返落水底......
估唔到咁快又兩點....
唉.....真係命都無.......
咕嚕...咕嚕....咕嚕...咕嚕....咕嚕...咕嚕....

05:45PM
自從親愛的KATE妹走左之後....人家孤單寂寞凍丫....
之於果個丫.....昨晚話會陪我果個丫....
佢話喎.....唔問數果時就會陪我....
果時我唔知佢即係幾時陪我丫...
然後我話....佢唔使解釋....明天我自然會知道....
果然啦！而家咪知囉！
唔會有唔使問數時候....即係唔使陪丫！由我凍死..  
可憐的我...就此凍死了！咕嚕...咕嚕....

今晚仲唔知會唔會比人打小人XD
哎呀...突然覺得隻腳有D痛XD

晚上
去同村姑&村媽去吃味千....
真係唔知係咪呢幾日都出街食....
太油膩...個胃頂唔順....好唔舒服...好想吐....
之後返到屋企....同個衰人傾電話.....
佢竟然話有講過叫我今日唔好返過....因為佢太多數問都陪唔到我...
由於我真係太無聊....太得閒的關係...我真係走左去CHECK MSN HISTORY  
無丫！邊有講過句咁既野！  
好啦...佢明天終於都唔溫數啦....之後又話點點點....
以後唔見丫！以後見到佢都潛水丫...淨係識講咕嚕咕嚕架咋
我都好忙架！好唔得閒架！  
我隻眼都太精靈...見佢唔到丫！  

原來當我同親愛的KATE妹講緊人是非的時候
人地都講緊...THE SAME TOPIC....  
哈哈哈哈....反正就連小陳陳都問過咁的問題...
我真係見怪不怪.....
反正只要我搵到個靚仔之後....自然不攻自破  
而家我就算講再多都唔會有用架啦...人地都唔會信架...哈

考緊試的女人就如更年期的女人一樣.....
暴躁.....心煩........失眠.......
訓又訓唔好......食又食唔到.....好辛苦.....
真係好快死...
我係一座活火山！  

係LIB.....好彩借左部NOTEBOOK....
起碼溫到悶....都有野比我玩....
自從某人走左之後....一個人真的很孤單寂寞...
等了一會兒.....仲未見友人落黎.....就打電話問幾時得閒陪下我....
佢落黎坐左一陣...
我見佢計數計得咁辛苦...上面佢d同學又識....咪叫佢上返去囉...
雖然佢有叫過我上去...不過我唔想上去同D唔識的人一齊...
尤其是我而家心情鬱悶....
於是佢就返返去樓上....同佢D同學一齊做數...
其實有一刻....我真係好想叫佢留低陪我...唔好走....
我只係想有個認識的人坐係隔離陪下我....邊個都好......
只係既然佢同佢D同學一齊會好D.....我唔想出聲....
唔可以咁自私.....自己考試唔識就好啦...無謂累人....
係MSN.....其實都一樣叫做有人陪既.....
只係我想有個真人多D囉.....
但係....我想我會試下習慣呢種感覺....畢竟人係個體....無可能整日陪住你....
明天我應該依然都會係返學校溫書...

哈哈.....比人話口是心非添....
咁....人當然係想有人陪架啦....只係都唔可以阻住人架嘛...
人地呢D叫體貼.....
超多人陪當然越好架啦...不過溫書的話....靜靜地係我隔離陪我就好^口^
我見到隔離的人郁下溫下咁....我個心就會不期然咁安定D.....溫書都好D......
如果有左右護法就更加好^口^
左邊KATE妹...右邊阿牛...咁就最有安全感啦^///^
如果可以加埋胡胡和OWEN呢....咁就最幸福啦^3^
可惜胡胡和OWEN..入唔到圖書館呢>O<

今天果然是諸事不宜....
從下午我姐姐要出街的時候...火山就爆發了...龍捲風起...
事源是見我姐姐又再穿著我件賣飛佛的衫...
我話你又著我呢件衫丫....
之後佢就只有少少唔老黎咁話...咁你唔想我著啦...
我就話....最好啦....
之後佢就話咁你都唔好再著我果d唔准你著的衫！
我都覺得有點奇怪...無奶油咁順灘....
果然...無幾耐....火山就爆發左....
佢就係咁鬧係咁鬧...又鬧我整日著曬佢新買返黎連佢都未著過的衫....又鬧我整日著殘佢d衫..又鬧我話忍我好耐...話我唔鍾意佢用支植村秀...鬧我好話佢用曬我d野....又兇惡咁問我係咪唔鍾意佢用我支植村秀...係既佢咪買過支囉...我答是但佢....之後又鬧我話我心情唔好佢夠心情唔好囉....
之後又大力咁開門...又大力咁關門....好似要整爛度門咁....
我能做的....當然是繼續靜靜地睇我的卡通片...由佢鬧到佢出門為止....
之後老爸就問我...家姐咩事....我答佢我點知佢....
老爸就說...你咪就下佢囉....
晚上姐姐回家.....又鬧過....又大力咁關門.....本來剛睡不久的我...當然被佢吵醒左....
佢唔知同邊個講緊.....又係度鬧我....
整件大概就是這樣...可能大家會奇怪...點解我會咁平靜咁描述出黎...但係當中的委屈又有誰能知道呢？

由細到大....三日唔埋兩日就會因為一d小事被家姐鬧....
有時可能只是佢心情唔好...求其一個睇我唔順眼的...咁我就要挨鬧...
可能你會話誇張...就算我家姐睇到...可能都會話佢無可能會咁...
鬧人的...梗係會好快咁唔記得...有好多時甚至會連鬧過d咩都唔記得...
只是被人鬧的....卻沒咁易就會忘記....
就好似龍捲風咁...佢掃爛d野....佢捲走一切....當佢的氣沒了...就會平靜...一切又會好似回復正常...
咁佢經過的破壞之地呢？人們要花時間去重新整頓....
就連我爸爸媽媽都無佢鬧我咁多....三不五時就會發瘋.....
我想唔習慣都唔得....
可能佢會話....既然我咁不滿的話...咪講出黎囉....大不了咪老死不相來囉....
我無試過講咩？我有試過講道理為自己平反.....結果係咩？鬧得仲勁！好似我做左d咩天大的錯事....好似全世界佢係最委屈最偉大果個....
我老爸叫我就佢....我又有邊次唔就佢？有邊次我唔係默默咁挨鬧？然後佢鬧完人就好似咩事都無
無錯.....我係可反摶....可以同佢對罵....但咁結果係點？
家無寧日？定家嘈屋閉？定兩姐妹日日相見似陌路或好似仇人咁？
唔想咁...可以做的只能好似個puzzle咁...一凹一凸....
你估我又好想做被人鬧果個咩？而家好被人鬧好過癮丫？但係唔係咁....又可以點？
人大個左....當有能力的時候....咪可以好似而家咁...一點點買返一d屬於自己的野....唔使樣樣靠佢....減少磨擦囉....

好似衫咁.......
佢雖然整日話屋企好多衫....叫我唔好買....話我曬錢....
每次我都只係笑笑算了....
點解我會開始買咁多衫？一部份當然係因為我敗家啦....另一部份就係想減少一個磨擦點---佢話我整日著佢d衫...著殘曬...
當我無屬於自己衫的時候....我日日都要著衫架嘛...咁整日著當然會殘啦....你估好似廣告...洗完之後好似新的一樣咩...
今日仲拿住件衫...話佢果件衫淨係著過一次...就比我著殘左....
我心想....你話整櫃都係衫...叫我唔好買？我著你少少衫...你咪又係鬧鬧鬧....無錯丫....真係整櫃都係衫....但係...係你d衫....係比你著的衫丫....
無分你我？而家係究竟係邊個分丫？無野果陣就扮無私....鬧果陣就咩都拿黎鬧....又唔係條蛔蟲...點知你咁多....
另外佢又會鬧我...整日著曬佢新買返黎連佢都未著過的衫....
有時...我真係唔知果d衫佢無著過....而且佢整日都買好多衫...又好多都唔著...咁我點知咁多...
另外...有時買回來...見佢擺左係度...佢唔著咪我著囉....
仲有佢話我整日著佢鍾意的衫....有好多時...我都唔知佢鍾意....
好似佢今日話果件灰色外套....
我係見件衫擺左係個箱面...比我地d袋丫d野丫壓左好耐...封塵.....
有日心血來潮拿佢黎著...見它又幾好睇...咪繼續著囉...
咁佢就話著殘曬啦...又話我好著佢鍾意的衫啦....又話我唔好好對待果件衫啦...等等....
買衫的時候....當然係鍾意先買架啦....唔通買d唔鍾意架咩....
如果佢真係鍾意件衫的話....點會擺它係箱面比野壓住封塵....
所以有時...我真係覺得佢見我著得好睇..又或者見它未消失...就話係佢鍾意的唔比我著....然後又鬧....
我可以做的....當然就係買衫...然後盡量著返自己d衫啦.....
到我買左d賣飛佛...佢見它著得好睇...就拿黎著...
我唔比佢著.....佢又鬧.....咁我可以點？
唔通窮人就連自己物件的主控權都無？
既然佢咁有錢...又有咁多衫..咪著返自己果d囉....佢有咁多選擇...著返自己d又有咩問題呢？

之於佢話我唔鍾意佢用支植村秀...鬧我好話佢用曬我d野....
我好似只係講過幾句....
佢日日咁用....就算佢話佢用得少(難道我又用得多？！)...咁即使少極都會用完....
而事實上...我無阻止過佢用....
而佢呢？如果佢買左d稍為貴的野...又或者人地送左d稍為貴的野...佢連掂都唔會比我掂...更何況係用？
例如....佢支jean paul....如果我用少少...佢都殺左我...
又或者佢個agnes b 袋...無錯！佢話過我要用佢會比我用丫...話丫嘛....某次我話要用...佢咪又係唔比...驚我整爛佢個袋咁...
再來....faceshop支防曬.....它無錯...唔係貴...但我一用...又被佢鬧.....
所以我只好自己買防曬...買袋...買呢樣買果樣....然後佢就諷刺我好富貴...好曬錢...
但事實上.....我真係可以唔買？我真係可以用佢d野？佢大把野唔比我用啦...無論係貴的定係平的....
支植村秀...我有無鬧佢話唔比佢用？而我用佢d野...佢又點鬧我？
佢鬧我的時候....我老豆只係話咁你咪自己用返自己d野囉...有咁多支....
老豆唔知的係....就算防曬都有分塗唔同部位的....我用佢支防曬...係因為果時我無用黎塗身體的防曬...
而我都只係第一或者第二次用...佢就鬧到我飛起.....話我好用佢d野....
而家就好似佢好委屈咁....話我好唔比佢用我d野...仲買左支植村秀黎代表佢有幾火...幾委屈...
我望住支寫左佢個名的植村秀...我只是得一種感覺....由佢...事實上...我可以做的亦都係由佢....
that's great...佢有錢丫嘛...佢買過支丫嘛....幾好丫....咁佢就唔使用我果支....用曬我真係無錢再買過....
佢話我對佢唔好....話心淡.....
咁....咁多年黎係咁挨鬧的係邊個？到底係邊個受委屈？我對佢唔好？如果我真係對佢唔好...我使忍佢！
如果佢覺得挨鬧真係無咩野的話....咁佢咪試下囉.....我鬧佢兩句咋....佢分分鐘鬧足我整晚丫.....
如果咁都唔好的話....that's fine...佢好曬囉....反正我呢個窮人咩都唔好架啦...
之前佢去日本定唔知韓國...唔想著爛自己條牛仔褲....
就連我要去踏單車....要著自己買的牛仔褲...佢都唔比...話我著污糟左佢無得著去旅行....
最後我咪無得著囉....
即使我買左d屬於自己的野....只要唔比佢用....唔順佢意...佢就係咁鬧係咁鬧....
到底係邊個蠻不講理？佢一個唔該就係度做大龍鳳...來個將d野分得清清楚楚...佢還佢...我還我....無謂嘈....真係唔知而家係邊個嘈.....
佢鬧我講....之前去台灣剩下的錢....佢有無問我拿過....
無錯佢係無....不過佢有鬧呢....
所以今晚我特地找返d台幣出黎打算比返佢....
等果三百幾台幣....連一百元港紙都唔到...果少少錢就係度好似我偷左佢咁....
既然佢咁想要...咪比佢囉....佢問我拿...唔通我會唔比？

佢心情唔好....佢要做功課.....佢考完試要relax下....佢就大條道理叫我即該彈開...佢要用電腦....
之前....我要用電腦黎做IL...從朝早做到凌晨無停過...
佢就話我之前整日玩電腦...又唔做...就算而家做....睇死日頭都係度玩...而家先黎做....係都要同佢爭電腦...係咁話係咁話....
果日....我真係從日頭做到夜晚....但係我可以點？咪又啞忍...
做完IL...問佢仲玩唔玩....佢就好嬲咁話玩...好似我做左D十惡不赦的事咁....
我地同一個阿爸阿媽生架.....點解我就要活該挨鬧？點解我就要默默咁就佢？
如果生我係為左挨鬧的....that's fine....
佢話我的事.....鬧我的野....佢自己咪又係度做緊....點解佢可以鬧...可以唔比...而我就唔得？
我一講...係講咋....就係度上演大龍鳳啦...
呢d叫做咩？識鬧人唔識鬧自己？定只准周官放火不准百姓點燈？
我可以點？咪又係忍.....佢話我對佢唔好？唔重視佢？係架啦...如果比錢就代表好...比錢就代表重要的話....咁我又真係對佢唔好喎....我窮丫嘛....我無錢丫嘛....所以活該受罪....
鬧我話我心情唔好....佢夠心情唔好囉....
而家到底係邊個心情唔好d？係邊個發左瘋咁係咁鬧人？
佢話我計較？真係唔知邊個計多d.....
佢有人任佢鬧....咁我呢？又有邊個忍我....任我鬧？仲要好似做左D大逆不道的事咁....
係架啦....咩都係我唔O岩....佢有錢丫嘛....佢有能力丫嘛....
咁佢最好就去買曬佢鍾意用的....佢想用的囉....何必要用呢個窮人的野呢....佢用曬大把錢買....我呢個窮人...真係無咁錢可以整日再買....
想左好耐.....我都只係想到....我衰在窮！無能力去養活我自己...

我之所以做馬會都係因為佢係咁鬧先出黎做野....
果陣....三日唔埋兩日....就係度鬧....叫我出去做野....
好啦....到我做左馬會....佢就話無想過我真係出黎做野....
試問有邊個係整日比人鬧...叫出去做野的人....唔會真係搵工做野？
如果佢係之前果三個係咁比人鬧...叫佢快d出去做野...佢可能唔使一星期就做左野啦....
佢鬧完人....就好似個無事人一樣....
但被人鬧果個....就無咁易忘記...

想想下....我覺得其實有好多野性格...待人處事都係因為我家姐造成的...
例如膽小同忍耐力....
就好似你整日都打隻狗...鬧隻狗咁....
咁隻狗會變成點？一係好有攻擊性......一係好膽小...咩都怕....
我想....我而家係後者.....如果我有日真的變得離經叛道...也真的不太出奇....
當有日...我覺得忍夠...或者終於有錢可以獨立的時候...我真係唔知我會變成點...
可能咩都無變....又或者.......我真係唔知...
VICTOR話我同呢個家的人性格唔同....所以即使係床頭的位置...利我的都唔同....
係整日挨鬧的情況下.....我又點可以好似其他人咁...可以咁直腸直肚丫.....
佢地鬧鬧鬧.....鬧完就無野...呢個係佢的性格....唔通咁係一個可以整日鬧我的藉口？
佢地鬧....咁點都要有人挨鬧架....試問一個整日挨鬧的人...性格有咩辦法唔會咩都收埋係心....咩都唔出聲？
出聲？！咪只會鬧得更多....咁出聲黎做咩？唔通同佢死過....佢就唔會再鬧你？咪傻啦....
朋友們都話我無咩脾氣....唔會點鬧人.....
其實我係個整日發脾氣的人...只係佢地唔知....因為我整日挨鬧....所以知道唔應該亂發脾氣借題發揮...
就算真係好嬲.....好多時我都唔會直接去嬲當事人...就算發火都搵個第三者話佢知我嬲某個人D野....
因為我知道....當一個發火鬧人的時候...如果互鬧的話...可以講出幾多傷害人的野....同埋攻擊性的說話....
好多時...講左就係講左.....唔可以當無聽過.....
而第三者....通常只會冷靜地聽你發火....佢地唔會有咩野....

雖然我講左好多好多的委屈.......但當我家姐唔發瘋的時候....
其實佢都對我幾好既....唔發瘋果時囉.....我想365日....都有80日佢係唔發瘋既...
爸爸和妹妹都對我好好...尤其整日我都發脾氣心情唔好的時候....好多時...妹妹都就我.....
如果唔係.....我想.....我應該唔會係而家的我吧....

唉.....總歸一句......做人妹妹甚艱難.....尤其是一個窮的妹妹.......
打完日記...我咩都唔想再去諗....佢要點就由佢....佢要分佢分夠佢...佢要繼續扮可憐扮委屈做大龍鳳都係佢既事....我唔會理亦都唔想理....
我要的係平靜...要專心溫書....考唔好個試...就真係咩都無架啦.......

哇~~我竟然打左4170個字...睇黎我今日的怨氣指數...都唔係普通的大丫XD

 今日IL presentation....
中午一直在prepare....
那個authoritativeness讀了很多次...
以為已讀熟了..誰知...最後都是忘記怎樣讀=.=
唉.....
這次present依然不太好....
幸好....這是學術性的present...最重要的是那些資料...

終於都完了....所有的功課、presentation
下星期二就是考試了...
但是....溫書...怎樣也溫不入腦....
葡萄適也幫不了我....
到底....我應該怎麼辦？

回到家....突然覺得真的很累....
不只是考試的問題...還有很多的問題困擾著我...
當卸去所有勉強撐起的情緒...真正低落的情緒出現....
壓得我喘不過氣....
到底我應該怎樣處理我這些負面的情緒？
lunch...晚飯...我都無胃口吃....
只是...飯一定要吃...不能像以前一樣....要吃飯才有力氣....
lunch還好一點...大家有說有笑的...雖然不想吃...還是能吃...
晚飯....雖只食下了小半碗...但很反胃...很想吐出來...
真的甚麼也不想吃....

昨天聽錯了..牛牛向miss說今天11點去oral...
其實是11:30...11:30還是我說要的..
結果...我早了回去..當然是先去考了....
竟讓我抽中了最難的詩
對著拼音都已經不太會讀...更何況是沒有？！
唉....真的是連個天都不喜歡我

昨晚心情不好...頹廢了...
今晚要加倍努力才行！
不然真的會死！而且是慘死！

最近都忘了買很重要的葡萄適....
要喝葡萄適才有精神開夜車呢....
真的就是毒品一樣

今天一早就回校了....
打算print english presentation power point
誰知....printer print唔到....
就算個helper回來了...還是print唔到
最後還是丁丁幫我print的....
lunch係圖書館print野....又print唔到
連個天都唔鍾意我

英文堂.....第一個present...
已經11:00am就落到去課堂prepare...但係搞到11:45都搞唔掂...
han左三次機....video到最後都係播唔到....
連我的後備.....係youtube搵的片都播唔到
由於少少因為條片一直搞唔掂的關係...心情受到少少影響...
搞到....我present都唔係太好
唉.....present完....miss 講我果樣唔好...呢樣不足咁....
心情真的趺到谷底...無曬心機....
我昨日prepare左咁耐...結果落得好斯下場...
係圖書館溫書時...真係越想越唔開心....
今個sem我真係覺得好力不從心...
我付出的和我收獲的...不成正比之餘...仲有嚴重落差...
無論幾努力......都無好成績.....
又或者...係我真的太無用....
我.....真係好唔開心

昨晚一訓落床....
忍唔住想起就黎考試....淚就不禁滴左出黎
但其實係呢個時候...我係一個連喊的權利都無的人.....
因為...喊.....對隻眼唔好....隻眼唔舒服我點睇書呢.....
而我最近隻眼又整日痛.....所以昨晚....我隻眼真係又累又痛.....
繼而頭痛....耳痛.....真係牽一髮而動全頭....
二點訓落床....好耐先訓到.......

今朝八點就起左身.......
敷左個我最鍾意的青瓜mask....一大早一定要有個美好的心情....
將d書丫...notes丫...拾整齊....然後就開始整理notes..溫書....
點知...部字典機唔知去左邊
再突然醒起....明天英文present....但我到而家都仲未讀過篇稿....
於是係整理左一陣間notes + 訓左陣晏覺....
就開始prepare my english presentation
but....我讀英文依然係好難聽和咬字唔準.....
我妹妹話...我斷斷續續....應停唔停..唔應停就停....仲有好平板...聽到佢想訓覺...
咁人地...都唔想架嘛
天啊！如果我係我個妹就好啦.....佢講英文好好聽架
早知我細細個的時候....都去參加果d咩朗誦啦.....
咁就可以講到流利而好聽的英文啦

一大早八點幾就起左身....本來打算做IL...
不過大腦唔聽使....
於是搵下本唔見左的威尼斯商人...依然搵唔到...
然後沖下涼...咁就十點....
但就算係而家開左電腦...我依然唔想做....
我知道自己無時間....知道再唔做死梗....
但....我完全無idea...連動也不想動....
尤其係睇完牛大哥份報告後....我就更加唔想做....
覺得被框死左....
雖然好想問下牛大哥要點做先好....不過牛大哥又好忙....
係呢個人人都忙的時候....我唔忍心煩著大家...
所以只好自己搞掂....
但講就容易....到底要點自己搞掂....我真係唔知....
對住份維基不知從何入手....想到就黎考試...但我一d野未溫...我真係想喊！
唉.......搞成咁都係自己攞黎既....鬼叫我一早唔做...一早唔溫咩....
所以無得怨......
我只求老天派d人來幫下我....比d idea我....比多d時間我就好了....

禍不單行....繼唔小心介到手指後....竟然撞瘀左隻腳...
唉.....today is not my day！
食完lunch....食飽就想訓....聽kate妹話...眼訓就去訓....
反正就算我唔訓...都唔會寫到d咩出黎架啦....
訓左個幾兩個鐘......精神左好多....又要繼續上路 T.T

做到晚上....遇上了瓶頸位....
真係再也嘔唔出野啦....
於是打比my dear 胡胡求救....
胡胡果句"都叫左你有咩野咪打比我囉...我會幫你架嘛"
真係令我好感動！
之後佢哥哥和弟弟都一齊幫我想d....
真係實在太太太太太感動啦！多謝大家的鼎力相助！
小女子...實在無以為報....唯有繼續努力做埋份報告....
唉.....做左咁多鐘.....都未做曬.....真係做死我囉......

唉...個腦做到實左傻左...明知佢唔o岩的野都忍唔住講左...
其實我真係打算唔話佢知....因為次次講親呢d野佢都好似唔鍾意咁...
不過我真係忍唔住....一提起就會爆....
尤其是係我得閒死唔得病的繁忙時間....
我實在係連一d小小的刺激都會爆炸...仲勁過d煤氣....
唉........我想.....佢都就黎會頂我唔順.........

唉.........而家係凌晨的一點五十分.....
係呢刻.....我真係好想尖叫.....辛苦到想喊.....
從日頭做到夜晚.....
點解我次次都係咁？
明知自己唔熬得....卻偏偏要咁虐待自己.....
真係明知山有虎...偏向虎山行.....