有個對我黎講天大既消息..
就係可能會換補習老師呀..yeah!!
個miss成日好似想快d收工咁囉-.-
叫佢幫我溫IS又話全部都係背喎..
佢話圈低左個d就要背囉-.-
跟住溫IH就話好多都唔洗溫..
痴撚線..其實勁多野要溫囉..
之後又成日話約左人唔得閒喎..
呀爸知道左話佢冇心機幫人補..
就話睇下揾唔揾到人換..haha..
勁開心囉..
IS溫左啦..抄左d重要既野係本簿度..
之後就記得左啦xdd
今日繼續努力..
呀爸呀媽去左台灣..
我冇得去家姐度..
係家姐黎左我個度..
唉!!
本來個miss又話我去左家姐度太遠..
5-7號都唔會黎幫我補喎..
喂.. 大佬唔係呢幾日補邊日補呀..
考先黎補呀!?都低低地嫁..
之後唔洗去家姐度啦..
叫佢黎我屋企補..
原來佢個幾日跟本就唔得閒.
又係約左人囉乜事!?
妖..快d換鬼左佢就好啦..
大家加油啦~!

仲有兩日番學啦..
IS同IH都仲係未溫過囉..
死得..覺得今次係我最冇把握既一次..
隻眼勁痛囉咩事..
今日同細佬打交..
就黎出街個陣囉仲要係..
佢著左鞋..
兜野踢落黎我隻眼到囉咩事!?
痛爆囉..
佢都低低地..
自己係度發脾氣..
妖..0n9嫁都-.-
之後去左荃灣叫人幫我地睇下我地對甲蟲..
點知兩隻都死左..
白費心機..
灰左..
唉!!都係俾心機溫書好過啦~!
maths仲差一課..
英文都唔知叫唔叫溫過..
IS同IH就真係未掂過添..
今日等miss過黎幫我補左佢算啦..
最多咪背多d野..
溫得入腦就得嫁啦..
溫書溫書..成日都驚溫唔晒..
唉!!

琴日冇打bl0g..
因為去左家姐屋企..
朝早差唔多十二點就去到家姐屋企啦..
之後去左會所b00k左場打羽毛球..
打完就打乒乓球..又係b00k左場xd
本來係有得BBQ嫁..
點知落雨..所以冇得燒..
勁灰囉..難得b00k到..
又落雨..
之後就煎左我地本來用黎BBQ d野食囉..
食完之後就落左去同表弟妹同埋細佬挽左一陣..(仲有家姐個bf)
係度挽耍盲雞..
之後我家姐個bf捉..差d捉到個呀伯囉xd
笑左..之後我同我表妹話個呀伯以為佢係痴痴地線xd
挽左一陣就上番家姐度..
挽uno attack..
挽左一局..又話挽七級豬..
之後又話挽大電視..
笑到死左囉..
佢地諗埋d白痴野叫我地估..
之後就出左去新港城食野..
9:30先食囉..食到10點幾..
去左家姐屋企訓...
今朝又打左保齡球..
$100一個鐘囉咩事-.-
之後番左屋企..
溫左中史..
7/4-12/4呀爸呀媽去台灣..
去家姐屋企住xd
努力溫書中..

勁hea囉好唔好!?
聽日去BBQ..
後日去睇戲..
一定唔夠時間溫書..
好想好似呀grace咁放棄呀..
但係未試過點知唔得呀?
話俾你知我仲有咩未溫..
一定嚇死你..
我自己都嚇親囉-.-
maths,IS,IH,中史..
中文溫左..
英文溫左小小..
覺得我做番d練習會仲好d添..
勁驚勁驚..
我一定要加油啦..
溫書啦..再見..
你地都加油啦:)

突然覺得自己冇可能令到好成績/.\
勁驚囉..
諗住今日溫英文啦..
之後溫溫下..
覺得睇係冇用..
諗住影印grammer bk同埋w0rk bk黎做下啦..
咁但係我全部都做晒-.-
諗住揾d紙遮住佢..
之後落去叫人幫我影印啦..
點知..
俾吳一定講左一句''你唔係諗住特登落去叫人幫你影d咁既野呀嘛''
諗下諗下..又係喎..
之後..
又諗住自己打啦..
printe竟然冇墨-.-
咁黑仔..
咁就冇溫書啦..
死啦死啦!!!
真係好hea囉..
從來未試過咁頹廢嫁..
上一次考得好係好大壓力嫁..
呀grace應該會明嫁xd:)
d呀媽成日都要好過上次..
其實唔好過上一次都唔會差得去邊..
差過上一次就話我地退步..
話我地冇溫書..
抗議呀(!!)