〄SORA 欄〄

〄今日搭車爆位所以要等下一架 , 不過都唔會遲到 , 但係就變左冷氣巴/口\...早上唔多鐘意搭冷氣巴 , 因為早上又唔涷 最重要係貴咁多

〄今日返學返到學校頭一堂近乎唔洗上 , 係操場企睇頒獎 , 我地既神又屈機... 個個獎都有份拎(得進步獎冇, 當然冇啦!!次次都咁高分) 。 佢仲拎埋最校成績最好獎.....睇黎今年放榜果時 好多人訪問佢 ^3^ 而家快d巴結佢 XD

〄第二 , 三堂要中文測驗 , 不過個人認為冇其他科咁煩

〄測完之後傾下計 miss請食月餅 ~ 章魚今日有帶月餅(終於) , 不過冇之前講果個芒果味 /口\...

〄之後到學生會選舉......災難降臨...係烈日當空既情況下聽校長講廢話 !!! 真係廢到冇得再廢 講埋d係人都知既野

〄校長講完到侯選內閣最後拉票 ~ 不過冇校長咁廢

〄講哂之後派選票投票 , 今年冇棄權選-_-即係要選棄權d人選不信任姐 XD

〄派完之後逐班逐班投落投票箱到.....等超耐 , 本來得後面d人曬 隨著時間既流逝 太陽越曬越前 d人擁去前面 由2行變3行 XD

〄投票果時繞一圈返原地 , 就係返去果時 因為d人想排前d所以係咪跑....撞到我跌左落地 -.- 雖然唔痛不過條褲擦爛左小小

〄近排鐘意同d低form 既同學仔...玩(傾計?)   不過唔知點先可以深一層認識對方-.-

〄放學之後章魚去左我屋企玩機 , gundam seed 章魚 完敗  winning 完敗 sonic 半勝半敗 (章魚你gundam咁屎點算呀/口\)

〄章魚走左之後又去左訓教 , 之後食飯放龍貓仔 ... 本來想再訓 但係見有電腦用就冇訓

〄近排想助養兒童添....但係任生話要220一個月....咁好快會用哂d 資產架喎....都係搵錢之後先助養 ( 點解任生咁有錢錢既-3-)

Ξ前幾日玩街機見到gundam seed第三次解禁 是一部meer用的粉紅渣古 ( S:一夠歲就成日去~~章魚好爛玩XD)

Ξ唔好以為佢係細機就唔勁 如果同人合作係一部非常勁既機體 , 你只要禁BC 突格 部渣古就會唱歌(正確的是人在唱)  這時隊友就會係咁加覺醒值 , 同大機組合非勁

Ξ今日學生會選舉 , 我仲以為今屆會冇學生會添 因為有好多不信任票

Ξ唔知有嘜好寫 要訓教喇 88