e排搵到份茶餐廳暑期工 , 通常都係中午12:00 開始 -> 6:00 左右
所以而家都冇咩時間去踢波 ...之類
又同唔到Tim 傾計
工作方面平時都係"汁"下枱
不過因為我係新仔 , 一有外賣多數都係我送
入面有幾個員工都幾怪@o@
樓面
亞聰: 佢原來返緊學果時都已經返緊,不過係六,日先返~都幾好人 (其實大多數都好好人 )
亞澤: 佢我暫時覺得係最好人果個@@ , 感覺上唔會發牌氣~又會講下笑
亞榮: 淨係一齊做過兩次 , 都係好好人~ 好受歡迎下~
"甸"婆: 唔知真名-. -
不過一入黎做果時亞聰叫我咁叫就得 ~ 不過真係幾"甸"下 , 初頭都冇嘜野 ,而家日日都攪我.....
同亞聰好fd..?! 唔知佢地咩關係,成日係度"耍花槍" , hehe ~ 不過佢識阿亨,仲話like佢~之後我同佢講佢有女友,佢即刻枯左
亞勤: 好肯教人~不過唔知點解而家個個都唔多like佢...話佢"on 居" 又唔肯聽人講 , 我都係琴日先知~
食飯又淨係幫某女人裝飯同夾餸 , 有次夾哂都靚野比人話..."你夾哂d餸咁我地食咩牙"
總之佢而家同d人都唔"岩瓦"
雲姐: 返夜晚 , 好好人~ 成日拎糖水返黎 食過 芒果西米露~好好味@o@
櫃台
肥婆蓮: 琴日先知佢花名 , 對新仔唔多講野- -從塊面感覺上好沉默...又帶點恐怖 ..hehe....不過我鐘意佢~因為....哈哈~$祕密$
哨牙低B妹: 我都唔知點叫佢...e個名係淫賤佢講架咋...不過真係幾貼切 , 哨牙唔再講 , 佢把聲細路得黎又好低B...
佢就同肥婆蓮相反...好多野講
水吧
清姐: 感覺上好好人~不過食飯成日都聽到佢爆粗- . - 同佢果副慈母樣格格不入 
全哥: e個冇野好講- . - 經常比佢話~搵日我要整蠱佢
廚房(知名既淨係得兩個)
元哥: 個樣好似十幾二十頭...不過同d叔叔好熟下,感覺上又似3x歲, 好多野講,成日講笑,感覺上都好nice
輝哥: 都係1x歲左右,不過點解做廚房既@o@...?! 係一個謎!
仲有兩個經理....都係好好人既~
個老細都....一般啦
知既就咁多啦~
要返工嚕- - 就快又遲到 ( 每分鐘扣5蚊  )
Tim 你仲未話我知8月8日咩日子喎~
恭喜你math 98% 喎~ 叻仔~ 禮物就.....呃..要返工喇~ |
