今日既天氣陽光普照...太陽伯伯十分精神有成33度

不過今日都係要帶班小朋友去做小農夫...目的地係綠田園...

今日班小朋友入面有部份係上次都有去科學館既小朋友...

有d都算熟既~ 我地足足搭左成個鐘車...莫講話d小朋友覺得唔舒服,

我同另一個義工都有d頭暈...因為條山路真係S形...

初初去到既地方係香草園...點知原來司機行錯路...等我仲以為咁正...

去香草園參觀 

我地去到既第一個活動就係整麵包...係用無加工過既材料黎整既

相片:

左上角個個係我整嫁~睇唔睇得出係咩黎呢??係個 'ki' 字呀~~'K' 字上有個笑哈哈嫁~

好啦...而第二個活動就係比班小朋友試下做小農夫啦~

相片:

我個組既小形田地 係唔係似模似樣呢~~~?

第三個活動!就係整再造紙!!!做環保小天使~

相片:

    工具

 放係報紙上曬乾緊~~

 完成品~整得唔錯唔錯~^^

最後就係四周圍參觀一下啦~

參觀過程見到好多野呀~^^有山羊啦~牛啦~(後悔無影到佢)

當時同隻牛超近距離...就訓左係我隔離休息緊...我路過...

仲有機會見到農夫係到插秧tim~~

相片:

 黑色的山羊  

農夫正在插秧

秧田

  大自然的美

農夫們每天都要咁辛苦...我地真係要好好珍惜食物...

佢地仲要係咁熱既天氣下著既長衫長褲呢!

希望今日班小朋友真係體會得到...

話說那地方既洗手間真係好臭...未入到去己經想嘔

提一提大家...如果要去那地方,有蚊怕水都係無用的!

記下d小朋友既趣事先~

活動當中有兩個係孖生兄弟...通常都會係哥哥照顧細佬...

今日出發既時候,miss問有無人要攞定嘔吐袋...

細佬舉手,原來佢係攞定比哥哥先既~哥哥一直都話唔要,

細佬就驚佢嘔,車程上一直幫哥哥攞住個袋...兩兄弟感情多好~

有個咁好既細佬真係幸福~成日都會照顧哥哥

回程既時候...係車上面被一班小朋友不停問我IQ顯...

問得好開心~個個係到爭住問我,不停叫'琪姐姐,琪姐姐...' (e個就係我今日既收穫)

同一班小朋友打好關係~你地成班小朋友都好可愛呀~

最後,我今日好累...隻腳亦開始痛啦...