上到黎form five係多左好多野做，不過對於我黎講，

做義工，接觸小朋友係一種減壓既方法...我今日終於有時間做自己想做既野....

勁開心呀  話說,我上星期六朝早同以往一樣，有服務....

今次係要班細路明白儲蓄都要付出努力!!所以我地一班義工整左4個任務比佢地,完成左會有1-4蚊~

其實呢4個任務都係要佢地執下房，執下枱，扮幫手買野，之後計數...

佢地就執得好開心，我地都倒亂得好開心同有點累

雖然當中有個小朋友有點兒鬧情緒，不過後來都肯「陪我」完成任務

我真係好有成功感好開心

話說做完服務個晚仲要開會，有人問到我地做義工既原因，

個陣時間有限，我好簡單咁答：想一班小朋友開心....佢地開心，我就會有成功感....

頭先睇新聞透視，入面提到e加幼稚園既小朋友己經有焦慮既情況.....

小五、小六要準備TSA之類，可怕既係有d學校係小一，甚至幼稚園就同小朋友為TSA作準備，

包括:幼稚園高班教重組句子.....我心諗:高班教重組句子，有d連講野都未講得掂，點重組?傻嫁?

實在太恐怖....雖然咁早教佢地未必係件壞事....但其實咁細個，唔係應該要返多d玩樂既時間，

小d壓力咩?真係好恐怖好恐怖好恐怖......

入面有一段影到「遊戲治療」，突然令我諗起我想做社工既原因....我e加做義工既原因....

以前我想成為一位老師，教好班小朋友....但當我漸漸成長，

發現老師都可能只可以傳授知識比小朋友，根本未有其餘時間真正幫到佢地背後既問題....

特別做左義工之後，又接觸好多特別需要既小朋友，仲係愈黎愈多....

我突然覺得係知識上教好小朋友，都需要視乎佢地吸唔吸收到...

有小朋友有學習障礙,學習遲緩、讀寫障礙....叫佢地點樣有效去吸收知識?

有d可能係社交方面有障礙，即使讀書好叻又點?唔善於社交........

呢d正正需要人去幫佢地逃過難關........社工正正可以就佢地既需要去幫佢地....

而我參加既義工小組係希望小朋友可以從遊戲中學習，

唔想佢地係一個有壓力既環境下先學到野......

所以我立志，我要為我既夢想而努力!!!!我一定要成為一位社工，

唔需要係出色既社工，只要可以幫到將來係呢個社會既小朋友己經足夠....

我希望呢班小朋友唔會係生活上、學習上感到孤單，而係有我去陪伴佢地....

好似講到天馬行空咁....不過都係我心所想.....